قار-مۇز سالتاناتى

جولدانعان ۋاقىتى : 2023/1/18 17:23:23

□ سايگۇلىككە قامشى باسىپ، قۇيعىتا زىمىراعان شاباندوزدار.

 

                            قار-مۇز سالتاناتى،

ومىرشەڭدىك كۇشى تاسقىنداعان شاۋەشەك


ـــ شاۋەشەك قالاسى شاشا قالاشىعىنىڭ 2 -كەزەكتى اۋىل -قىستاق قار-مۇز، ءدامدى تاعامدار، مادەنيەت -دەنە تاربيە قيمىلىنان قيىقتار


□ قار ءۇستى موتوتسيكل ساڭلاعى.


□ شاڭعى جارىسىنا قاتىناسقان ساڭلاق جۇلدىزشا اعىپ كەلەدى.



□ بالون سۇيرەۋ جارىسىنا قاتىناسۋشىلار بار كۇشىن سالۋدا.



□ قىزىققا تولى ”قار استىنان اسىل ىزدەۋ“ ويىنى.



□ قاقاعان ايازدا ءدامدى تاعام دايىنداۋدا.



□ حاتكەرلىك اۋەسكەرلەرى بوساعالىق جازىپ، ساياحاتشىلارعا ۇسىندى.

اپپاق قارمەن قىمتانعان دالادا ءتۇستى جالاۋلار جەلبىرەپ، اشىق اسپان استىنداعى ساحنادا ءان -ءبي اۋەنى قالىقتاپ، جارىس جولىندا قار-مۇز ساڭلاقتارى جۇلدىزشا اعىزىپ، بايگە الاڭىندا شاباندوزدار سايگۇلىكتەرىنە قامشى باسىپ قۇيعىتا زىمىراسا، الىسقا جۇگىرەتىن سپورتشىلار دا قارا تەرگە مالشىندى...

1 -ايدىڭ 14 -كۇنى 2022 ـ، 2023 -جىلعى 9 -كەزەكتى مەملەكەتتىك بۇقارالىق قار-مۇز ماۋسىمى . قارلى القاپ شينجياڭ”ومىرشەڭدىك كۇشى تاسقىنداعان شينجياڭ جاڭا داۋىردە ەكپىندەي ىلگەرىلەپ، قار-مۇز سالتاناتىمەن تىڭ ساپارعا اتتاندى“قيمىلى جانە شاشا قالاشىعىنىڭ 2 -كەزەكتى اۋىل -قىستاق قار -مۇز، ءدامدى تاعامدار، مادەنيەت -دەنە تاربيە قيمىلىنىڭ شىمىلدىعى شاۋەشەك قالاسىنىڭ شاعجى شاڭعى الاڭىندا اشىلدى.

قيمىل اشىلۋ سالتى، قىزىقتى ويىندار، الاڭدىق جارىس سياقتى 3 ۇلكەنءتۇردى قامتىدى. مۇنىڭ ىشىندە، قىزىقتى ويىنداردان سىرعاناق بالون سۇيرەۋ   جارىسى، قار ۇستىندەگى ارقان تارتىس، قارلى دالادا نىسانا اتۋ سياقتى 7 شاعىن جارىس ءتۇرى بار بولسا؛ الاڭدىق جارىستاردان قاردا سىرعاناۋ جارىسى (قوس شاڭعى)، 5 كيلومەترلىك قىسقا ارالىقتى مارافون جارىسى، ”قار استىنان اسىل ىزدەۋ“سياقتى 6 شاعىن جارىس ءتۇرى ورنالاستىرىلىپ، ساياحاتشىلار ءيىن تىرەسكەن قيمىل الاڭى ەرەكشە دۋمانعا بولەندى. جارىس مايدانىنىڭ ماڭىندا تاعى بۋى بۇرقىراعان اشتى سورپا، ءيىسى مۇرىن جاراتىن كاۋاپ پەن قوي ەتى سورپاسى سياقتى ءدامدى تاعامدار ساياحاتشىلاردىڭ ءدام تاتۋىنا ازىرلەندى.

بىلتىر قىس كىرگەننەن بەرى شاۋەشەك قالاسى جەرگىلىكتى ورىننىڭ ساياحات بايلىعىن ىشكەرىلەي ساۋلەلەندىرىپ، مادەنيەت -ساياحاتتا جاڭالىق اشىپ، ساياحات ماركاسىن جاراتىپ، ”قار-مۇز + دەنە تاربيە + ساياحات“ سىندى دامۋ ۇلگىسى ارقىلى ءبىر قىدىرۋ باي مازمۇندى، الۋان فورمالى قار-مۇز دەنە تاربيە قيمىلدارىن ورىستەتىپ، بۇقارانىڭ قىس ماۋسىمىنداعى مادەنيەت تۇرمىسىن بايىتىپ، جالپى حالىقتىڭ دەنە شىنىقتىرۋ ىنتاسىن قوزعاۋدى ماقسات تۇتتى.

بۇل رەتكى قيمىلدى شاۋەشەك قالالىق پارتكوم ۇگىت ءبولىمى، شاشا قالاشىعى حالىق ۇكىمەتى ۇيىمداستىرىپ، شاۋەشەك قالالىق مادەنيەت، دەنە تاربيە، راديو -تەلەۆيزيا جانە ساياحات مەكەمەسى، شاۋەشەك قالالىق بۇقارالىق مادەنيەت -ساياحات دامىتۋ شەكتى سەرىكتەستىگى (شاعجى شاڭعى الاڭى) سەلبەسىپ وتكىزدى.



سۋرەتىن تارتىپ، حابارلاعان تىلشىلەرىمىز داي جياۋمەي، ۋاڭ چۋانميڭ، پراكتيكانت ءتىلشى ۋاڭ زى -ي



رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى