□ ءتىلشىمىز ۋاڭ چۋانميڭ
جۋىقتا شاۋەشەك قالاسى ەمىل اۋىلدىق ۇكىمەتتىڭ كەزەكشى كەڭسەسى تۇرسىن جۇماعازىنىڭ”اۋىلدىق ۇكىمەت پە؟ اۋدان جولى 780-لەنياسىندا قامالىپ قالدىم، اۆتوكولىگىم قارعا باتىپ جۇرمەي قالدى، قازىر بوران وتە قاتتى، جول مۇلدەم كورىنبەيدى“ دەپ كومەك سۇراعان تەلەفونىن قابىلدايدى.
تۇرسىن جۇماعازى ەمىل اۋىلىنىڭ مالشىسى. كومەك سۇراۋ تەلەفونىن قابىلداعان اۋىل باستىعى ەربولات ىبىرايقان ونىڭ كوڭىلىن ورنىقتىرىپ، اۆتوكولىكتەن تۇسپەۋدى، اۆتوكولىكتى وشىرمەي، كولىك ءىشىنىڭ تەمپەراتۋراسىن ساقتاۋدى قاداعالايدى.
ەمىل اۋىلدىق ۇكىمەت ورگان كادرلارىنان، ساقشى بولىمشەسىنىڭ ساقشىلارىنان جانە قىستاق كادرلارىنان 10 نەشە ادامدى ۇيىمداستىرىپ، دەرەۋ ناق مايدانعا قۇتقارۋ قىزمەتىن ورىستەتۋگە اتتانادى.
وسى كۇنى قارلى بوراندى اۋا رايىنىڭ ىقپالىنان ەمىل اۋىلىنان جايلىم پۋنكتىنە باراتىن اۋدان جولى 780 -لەنياسىنىڭ 4.5 كيلومەتر جەرىن قالىڭ قار باسىپ، بۇرقاسىندا جول انىق كورىنبەي، جەل كۇشى 7 بالدان اسىپ، قاردىڭ قالىڭ جەرى 1.5 مەترگە جەتكەن.
ناق مايدانعا بارعان قىزمەتكەرلەر 11 ساعات بويى ارپالىسىپ، قاسات قاردى تازالاپ، قامالىپ قالعاندار مەن اۆتوكولىكتەردى قۇتقارىپ، اۋدان جولى 780-لەنياسىندا قاتىناستى قالپىنا كەلتىردى.
ورىنباسار اۋىل باستىعى لي چياڭ:”قامالىپ قالعان 15 اۆتوكولىكتى شىعارىپ، 40 نەشە بۇقارانى حاۋىپسىز ورىنعا جوتكەدىك. قۇتقارۋ -كومەكتەسۋ قىزمەتىن ورىستەتۋمەن بىرگە، اۋىلدا ءۇنحات توبى، كەلتە حات سياقتىلاردان پايدالانىپ، قىستاق -دۇيلەرگە حاۋىپسىزدىك ۇگىتىن ورىستەتىپ، قىستاق تۇرعىندارىن قاتىناس حاۋىپسىزدىگىنە كوڭىل بولۋگە، ماسەلەن، سۇركەيلى اۋا رايىنا جولىققاندا مۇمكىندىگىنشە سىرتقا شىقپاي، توسىن جاعداي تۋىلۋىنىڭ الدىن الۋعا جەتەلەدىك“ دەدى.
”قۇتقارۋ -كومەكتەسۋگە قاتىناسقاندارعا ەرەكشە العىس ايتامىن، ولاردىڭ دەر كەزىندە كومەكتەسۋىنىڭ ارقاسىندا ۇيىمىزگە امان -ەسەن جەتتىك. حالىق ساقشىسىنىڭ قارلى بوراندا قامالىپ قالعان كىشكەنتاي بالانى ارقالاپ جۇگىرگەنىن، جەرگە جاتا قالىپ اۆتوكولىكتىڭ استىنداعى قاردى ارشىعانىن كورگەندە قاتتى اسەرلەندىم “دەدى تۇرسىن جۇماعازى تەبىرەنە.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى