ەرىكتى تىلشىلەر ليۋ جيانپيڭ، لي يانرۇڭ حابارلايدى. 1 -ايدىڭ 8 -كۇنى شيحۋ قالاسى 2023 -جىلعى”جاڭا داۋىردە ەكپىندەي ىلگەرىلەپ، جاڭا ساپارعا اتتانايىق“كوكتەم مەرەكەسىن قارسى الۋ جەلىلەس قيمىلى اياسىنداعى 6 -كەزەكتى مارال دويبىسى جارىسىن وتكىزىپ، اۋىل -قالاشىقتاردان، ءمالى باسقارمالارىنان 200 دەن استام ادام جارىسقا قاتىناستى.
جاسى 70 كە تاياعان مىڭتا شيداگوۋ قالاشىعى توستاي قىستاعىنىڭ تۇرعىنى، قالادا مارال دويبىسى جارىسى وتكىزىلەتىنىن ەستىپ، جارىس مايدانىنا ەرتەمەن كەلىپ الدى. مىڭتا:”جارىستىڭ وتكىزىلگەنى وتە جاقسى بولدى، ءبىز سياقتى مالشىلاردىڭ قىسقى مادەنيەت تۇرمىسىن ونان ارى بايىتا ءتۇستى“دەدى.
جارىسقا قاتىناسۋعا كەلگەن مونكاجىرعىل:”بۇل جارىس بىزگە تاماشا ۇيرەنۋ، تاجىريبە الماستىرۋ ورايىن جاراتىپ بەردى، جارىستىڭ قىزىعىنان ءلاززاتتاندىق “ دەدى.
5 جاستاعى سۇميا وسى رەتكى جارىستىڭ ەڭ جاس شەبەرى. سۇميا: ”مارال دويبىسىن ويناۋدى ەرەكشە ۇناتامىن، وتە قىزىقتى ويىن، جايشىلىقتا ماعان شەشەم ۇيرەتەدى، وسى رەتكى جارىستا كوپتەگەن كىشكەنتاي دوستارمەن تانىستىم، ەرەكشە قۋانىشتىمىن“دەدى.
مارال دويبىسى مارال اۋلاۋ دويبىسى دەپ تە اتالادى. ىشكى موڭعۇلداعى، شينجياڭداعى، شىعىس سولتۇستىكتىڭ 3 ولكەسىندەگى موڭعۇل، داعۇر، ەۆەنكى حالقىنىڭ اراسىندا كەڭ تارالعان جارىس تۇرىنە جاتادى.
مارال دويبىسى ويىن بارىسىندا زەيىندى اشۋعا پايدالى، شيحۋ قالاسىنىڭ موڭعۇل ۇلتى اراسىندا كەڭ تارالعان. 2014 -جىلى 1 -ايدا شيحۋ قالاسىنىڭ مارال دويبىسى اۆتونوميالى رايوندىق حالىق ۇكىمەتى جاعىنان 4 -توپتاعى اۆتونوميالى رايون دارەجەلى بەيزاتتىق مۇرالار تىزىمدىگىنىڭ ۋاكىلدىك نىسانى بولىپ بەلگىلەنگەن.
شيحۋ قالالىق مادەنيەت -ساياحات مەكەمەسى پارتيا باسشىلىق گرۋپپاسىنىڭ مۇشەسى، ساياحاتتى دامىتۋعا قىزمەت وتەۋ ورتالىعىنىڭ مەڭگەرۋشىسى شۇي چيڭحۋ:” بيىل شيحۋ قالاسى بەيزاتتىق مادەني مۇرانى جالعاستىرۋشىلار مەن حالىق اراسىنداعى ونەرپازداردى نەگىزگى ساتىعا باعىتتالعان بەيزاتتىق مادەني مۇرالار كونسەرتى، بەيزاتتىق مادەني مۇرا كۋرسى، بەيزاتتىق مادەني مۇرالار كورگىزبەسى، بەيزاتتىق مادەني مۇرالار جارىسى سياقتى قيمىلداردى جالعاستى ورىستەتۋگە جەتەلەپ، مازمۇنى باي، قۇندىق بەتالىسى ايقىن مادەنيەت ايگىلى ماركاسىن تۇلعالاپ، جۇڭحۋانىڭ تاڭداۋلى ءداستۇرلى مادەنيەتىن اناعۇرلىم جالپىلاستىرادى “ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى