■ قوبىقسارى ”شينجياڭ جاڭگىر مادەنيەت -ساياحات مەرەكەسى جانە نادام جينالىسى“ جەلىلەس قيمىلىن وتكىزەدى
ءتىلشىمىز داي جياۋمەي حابارلايدى. قاقاعان قىستا بۋى بۇرقىراپ، حوش ءيىسى اڭقىعان ءدامدى تاعامداردان ءدام تاتىپ، اق قار جامىلعان ساحارادا ات بايگە، تۇيە جارىس، بالۋان جانە ساداق اتۋ سياقتى قىزىقتى جارىستاردى تاماشالاعىڭىز كەلەمە؟ مۇنداي اسەرلى كورىنىستەن ءلاززات العىڭىز كەلسە، قوبىقسارى موڭعۇل اۆتونوميالى اۋدانىنا بارىپ، قىس، كوكتەم ماۋسىمدارىنداعى نادام جينالىسىنا قاتىناسىپ، كوز مەيىرىن قاندىرىڭىز.
ۇعىسۋعا قاراعاندا، قازىردەن باستاپ 2 - ايعا دەيىن قوبىقسارى اۋدانى”شينجياڭ جاڭگىر مادەنيەت - ساياحات مەرەكەسى جانە نادام جينالىسى“جەلىلەس قيمىلىن ورىستەتەدى ەكەن.
وسى رەتكى قيمىلدا مادەنيەت -ساياحات مەرەكەسى، دەنە تاربيە جارىسى، بەيزاتتىق مادەني مۇرالار كورمەسى سياقتىلار نەگىزگى جەلى ەتىلىپ، ۋاقىتقا ءبولىپ ات بايگە، بالۋان، ساداق اتۋ، تۇيە جارىسى، داۋاز ونەرىن كورسەتۋ، ات ونەرى سياقتىلار ورىستەتىلىپ، جاڭگىر مادەنيەتىن جالعاستىرىپ، از ۇلتتار سپورتىن جالپىلاستىرادى. سونىمەن بىرگە، قيمىل الاڭىندا جەلىلەس بومبا جارمەڭكەسى اشىلادى.
قوبىقسارى اۋداندىق مادەنيەت - ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى يدىنجاپ قاسباتى:”2022- جىلى 12 -ايدىڭ 31 -كۇنى’قىستاق ساۋىق كەشىن‘باستاپ وتكىزدىك، كوكتەم مەرەكەسىنىڭ الدى -ارتىندا ءارقايسى اۋىل -قالاشىقتاردى قىس، كوكتەم ماۋسىمىنداعى نادام جينالىسىنىڭ جەلىلەس قيمىلدارىن ورىستەتۋگە ۇيىمداستىرۋدى جوسپارلاپ وتىرمىز. قازىر ءتۇرلى قيمىلدار تارتىپپەن ورىستەتىلۋدە“دەدى.
قوبىقسارى باتىرلىق ەپوس جاڭگىردىڭ مەكەنى، بۇل ەپوس ءوز ەرەكشەلىگىمەن دۇنيەگە تانىلعان.”شينجياڭ جاڭگىر مادەنيەت -ساياحات مەرەكەسى جانە نادام جينالىسى“ءۇرتىس 20 نەشە كەزەك وتكىزىلىپ، 2018 -جىلى، 2020 -جىلى جانە 2022 -جىلى ءۇش مارتە”جۇڭگو دەنە تاربيە -ساياحات تۇرىندەگى سارا جارىس“قاتارىنا كىردى.
ساياحات بازارىن ۇزدىكسىز جانداندىرۋ ءۇشىن، قوبىقسارى اۋدانى «قوبىقسارى اۋدانىنىڭ 2022 -جىلدان 2023 -جىلعا دەيىنگى قىسقى، كوكتەمگى ساياحات بازارىن جانداندىرۋدى سيلاۋ ءادىسىن» بەلگىلەپ، جەكە اۆتوكولىكپەن ساياحاتتاۋ، ۇيىرمە ۇيىمداستىرىپ ساياحاتتاۋ، لەنيا ساياحاتى سياقتى جاقتاردا تيىمدىلىك جاساپ، قوسىمشا قاراجات بەرۋدى بەلگىلەدى، مۇنداعى ماقسات ــ اۋدان وڭىرىندەگى ساياحاتشىلار قاينارىن ارتتىرىپ، كاسىپ سالاسىنىڭ دامۋىن ىلگەرىلەتىپ، جاڭگىر ەپوسى مەكەنىنىڭ داڭقى مەن ىقپالىن ارتتىرۋ.
يدىنجاپ قاسباتى:”ءار رەتكى قيمىل الاڭىندا جارمەڭكە اشىلىپ، جەرگىلىكتى بۇقاراعا، كاسىپورىندارعا اقىسىز جايما ورنى ازىرلەنىپ، كورەرمەندەر ۇلتتىق كيىم ـ كەشەك، قولونەر بۇيىمدارى، جەرگىلىكتى ەرەكشە ونىمدەر سياقتى ساياحات تاۋارلارىن تاماشالاپ، ءتۇرلى ءدامدى تاعامداردان ءدام تاتادى. الداعى جەردە قوبىقسارى اۋدانى”ءبىر يۋاندىق الەۋمەتتىك قاتىناس ساياحاتى“ابزالدىلىعىن ساۋلەلەندىرىپ،”مادەنيەت + قار -مۇزدىڭ“جالپىلىق ونىمدىلىگىن ارتتىرىپ، قىسقى قار - مۇز ساياحات جەلىسىن كۇش سالا اشادى.
كەلىڭىزدەر، وتباسىڭىزداعىلار جانە دوس - جاراندارىڭىزبەن بىرگە نادام جينالىسىنداعى باي مازمۇندى، قىزىقتى جارىستى تاماشالاپ، ەرەكشەلىككە يە اۋىل شارۋاشىلىق ونىمدەرىن كورىپ، كوز مەيىرىڭىزدى قاندىرىپ، از ۇلتتاردىڭ ەرەكشە ءدامدى تاعامدارىنان ءدام تاتىڭىزدار.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى