ەرىكتى تىلشىلەر ما چين، جاڭ جۇن حابارلايدى.”ءبىر جىلىجايدان 30 مىڭ يۋان كىرىس كىرەدى، بۇل مەنىڭ بۇرىن كوتەرمە جۇمىس ىستەگەندەگى كىرىسىمنەن جارىم ەسە جوعارى“ دەدى جۋىقتا شيحۋ قالاسى باسىحۋ اۋىلى ليانحۋاچى قىستاعىنىڭ تۇرعىنى ما يۋەلين.
2019 -جىلى ما يۋەلين شىحىزى قالاسىنا بارىپ، گۇل -ءشوپ مايساسى مەن اعاش كوشەتىن باپتاۋ تەحنيكاسىن ۇيرەنەدى ءارى كۇرەڭ جاپىراقتى تاس الما اعاشى، حۋاجياۋ اعاشى، راۋشان گۇل سياقتى 30 نەشە ءتۇرلى گۇل -ءشوپ مايساسى مەن اعاش كوشەتىن جەتىلدىرىپ ساتادى.
”پارتيا 20 -قۇرىلتايىندا اۋىل - قىستاقتىڭ دامۋىنا ەرەكشە ءمان بەرىلدى، بۇل ءبىزدىڭ دامۋ سەنىمىمىزدى ءتىپتى دە بەكەمدەي ءتۇستى. الداعى ۋاقىتتا تەحنيكالىق دەڭگەيىمدى ۇزدىكسىز جوعارىلاتىپ، كىرىسىمدى ارتتىرا تۇسەمىن“ دەدى ما يۋەلين.
باسىحۋ اۋىلى پارتيا 20 - قۇرىلتايىنىڭ رۋحىن مۇقيات ۇيرەنۋ، دايەكتىلەندىرۋ ارقىلى ەگىمشىلىك قۇرىلىمىن ۇزدىكسىز ساپالىلاندىرىپ، شارۋالاردى ەرەكشەلىككە يە داقىلدار ەگۋگە باستاۋمەن بىرگە، تەحنيكالىق جاقتان جەتەكشىلىك ەتۋ قىزمەتىن ورىستەتىپ، شارۋالاردىڭ كىرىسىن اناعۇرلىم ارتتىردى.
ليانحۋاچى قىستاعى پارتيا ياچەيكاسىنىڭ شۋجيى ۋ گوحۋا: ”پارتيا 20 -قۇرىلتايىنىڭ رۋحىن جەتەكشى ەتىپ، قىستاق تۇرعىندارىن ەرەكشەلىككە يە ەگىمشىلىك پەن ەرەكشەلىككە يە باعىمشىلىقتى دامىتۋعا بەلسەنە جەتەلەپ، پارتيا ياچەيكاسى ارقىلى قىستاق تۇرعىندارىنىڭ كىرىستى ارتتىرىپ، اۋقاتتانۋىنا باستاماشى بولىپ، قىستاعىمىزدى اناعۇرلىم ويداعىداي دامىتىپ، قىستاق تۇرعىندارىنىڭ كىرىستەرىن ارتتىرىپ، تۇرمىسىن شالقىتا تۇسەمىز“ دەدى.
شيحۋ قالالىق تۇرعىن ءۇي جانە قالا -اۋىل قۇرىلىسى مەكەمەسىنىڭ باسىحۋ اۋىلى ليانحۋاچى قىستاعىندا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى سۇي ليچياڭ:”پارتيا 20 -قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، ەرەكشەلىككە يە ەگىمشىلىككە دەم بەرۋ تەبىنىن ارتتىرىپ، تەحنيكالىق جەتەكشىلىكتى كۇشەيتىپ، بۇقارانىڭ كىرىستى ارتتىرۋ ارناسىن ۇزدىكسىز كەڭەيتەمىز“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى