ءتىلشىمىز سۇڭ جيانلياڭ، ەرىكتى ءتىلشى ۋاڭ يانجيە حابارلايدى.”ۋاڭ مۇعالىم، نارەستەنى كۇتىمدەۋ جانە ۋقالاۋ، قول -اياعىن ارەكەتتەندىرۋ جاعىنداعى بىلىمدەردى بىزگە تاعى دا ەگجەي - تەگجەيلى ءتۇسىندىرىپ بەرە الاسىز با؟“جۋىقتا ساۋان قالالىق تەحنيك جۇمىسشىلار مەكتەبىنىڭ نارەستە كۇتىمدەۋشىلەردى باۋلۋ تىكە تاراتۋ ساباعىندا كۋرسانتتار ءسوز قالدىرۋ ارقىلى وقىتۋشىلارمەن پىكىر اۋىستىردى. وسى رەتكى نارەستە كۇتىمدەۋشىلەردى باۋلۋ ساباعى 170 تەن استام كۋرسانتتى جەلىدە ۇيرەنۋگە باۋرادى.
قىس كىرگەننەن بەرى، ساۋان قالالىق تەحنيك جۇمىسشىلار مەكتەبى پارتيا 20 ـ قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، اۋىل ـ قىستاق كاسىپ سالاسى، ەگىنشى ـ مالشىلاردىڭ جۇمىستانۋىن ىلگەرىلەتۋ سياقتى جاقتاردان ىسكە كىرىسىپ، جەلىدە شەبەرلىككە باۋلۋدى ورىستەتتى.
ساۋان قالالىق تەحنيك جۇمىسشىلار مەكتەبى وقىتۋدى زەرتتەۋ كەڭسەسىنىڭ مەڭگەرۋشىسى چىن رۇڭ:”وسى رەتكى شەبەرلىككە باۋلۋدا ورنالاستىرىلعان ساباقتاردىڭ بارلىعى بۇقارانىڭ تۇرمىسىمەن تىعىز بايلانىستى، باۋلۋ ارقىلى اناعۇرلىم كوپ ادامنىڭ جۇمىستانۋ ارناسىن كەڭەيتىپ، كىرىسىن ارتتىرماقشىمىز. ساباق ءوتۋ بارىسىندا، ءبىز تاعى پارتيا 20 -قۇرىلتايىنىڭ رۋحى، زاڭ -ەرەجە، اۋىل شارۋاشىلىعىنا تيىمدىلىك جاساۋ ساياساتى، ءوندىرىس حاۋىپسىزدىگى بىلىمدەرى سياقتى مازمۇنداردى بەلگىلەپ، ءتىپتى دە كوپ ادامنىڭ پارتيانىڭ ابزال ساياساتىن تۇسىنۋىنە، ءتيىمدى ساياساتتان يگىلىكتەنۋىنە مۇمكىندىك جاسادىق“دەدى.
قازىرگە دەيىن ساۋان قالالىق تەحنيك جۇمىسشىلار مەكتەبى نارەستە كۇتىمدەۋشى، مونتور، ەلەكتروندىق ساۋدا-ساتتىق سىندى 3 ءتۇرلى جەلىدە باۋلۋ كۋرسىن اشتى، سوڭىنان تاعى قازۋ ماشيناسى، ونەركاسىپ ماشينالارى، اماندىق قورعاۋشى، كومباين سياقتى 11 تۇردەن باۋلۋ كۋرسىن اشىپ، جەلىدە باۋلۋ تاسىلىندە ساباق وتەدى ەكەن.
ساۋان قالاسى انجىحاي قالاشىعى حىشيە جاڭا قىستاعىنداعى كۋرسانت جوۋ جيانحۋا وسى رەتكى باۋلۋعا ۋاعىندا قاتىناسۋ ءۇشىن، قول تەلەفوننىڭ قوڭىراۋلى ساعاتىن ۇنەمى ۋاقىتىنا تۋرالاپ تەڭشەپ قويىپ، نارەستە كۇتىمدەۋ ساباعىن باستان ـ اياق مۇقيات تىڭداپ كەلەدى.
جوۋ جيانحۋا: “قىس تۇسكەننەن بەرى ۇيدە بوس وتىرمىن، قالالىق تەحنيك جۇمىسشىلار مەكتەبىنىڭ جەلىدە اقىسىز باۋلۋ كۋرسىن اشقانىن كورگەننەن كەيىن، جاقسى ورايدى قولدان بەرمەي نارەستەلەردى كۇتىمدەۋ كلاسىنا تىزىمدەلدىم، جەلىدە وقىتۋشى -كۋرسانتتارمەن تاجىريبە اۋىستىرىپ، جاڭا بىلىمدەردى ۇيرەندىم،بۇدان كەيىن ەگىس جۇمىسىنىڭ سايابىر كەزىندە قىزمەت تابۋىمىزعا دا قولايلى بولدى” دەدى.
ساۋان قالاسى شاڭحۋدي اۋىلىنداعى كۋرسانت لي فىڭمەي: “قىسقى ارەدىكتە ونەر ۇيرەنۋدىڭ قالايدا پايداسى زور” دەدى.
شەبەرلىككە باۋلۋ كەزىندە، كۋرسانتتار العا قويعان ماسەلەلەرگە باعىتتاي وتىرىپ، ساباق وتەتىن وقىتۋشىلار كەز كەلگەن ۋاقىتتا جاۋاپ قايتارادى، سونداي ـ اق كۋرسانتتاردى ۋاعىندا ساباق وقۋعا، نازاريالىق بىلىمدەردى تىڭعىلىقتى ۇيرەنۋگە شابىتتاندىرىپ، قۋزاپ وتىرادى.
چىن رۇڭ: “كەلەسى قادامدا ساۋان قالالىق تەحنيك جۇمىسشىلار مەكتەبى ۇگىت تەبىنىن ارتتىرىپ، تۇرلىشە جۇمىس تۇرلەرى بويىنشا شەبەرلىككە باۋلۋدىڭ ۋاعىندا ساباق باستاۋىنا شىنايى كەپىلدىك ەتىپ، اناعۇرلىم كوپ كۋرسانتتىڭ ونەر ۇيرەنىپ، كۋالىك الىپ، ونەر ارقىلى اۋقاتتانۋ ارمانىن ەرتەرەك جۇزەگە اسىرۋىنا مۇمكىندىك جاسايدى” دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى