ەرىكتى تىلشىلەر ۋاڭ زىرۇڭ، ۋىنالى حابارلايدى.”بيىل 53 جاستامىن، جولداسىم سىرتتا جۇمىس ىستەيدى، ۇلىم اقىل -وي كەمىستىگى بار مۇگەدەك، قىزىم ءالى ورتالاۋ مەكتەپتە وقيدى. قازىر جۇمىس تاپتىم، اي سايىن تۇراقتى كىرىس كىرگىزۋمەن بىرگە، وتباسىمداعىلارعا دا جاقسى قارايلاسا الامىن، پارتيانىڭ ابزال ساياساتىنا العىسىم زور“. ەندى عانا ەكولوگيالىق ورمان قورعاۋشىسى بولعان تولى اۋدانى تەمىرتام قالاشىعى نانۋان قىستاعىنىڭ تۇرعىنى جاڭ جينگۇي قالاشىق باسشىلارى مەن قىستاق كادرلارىنا تەبىرەنە العىس ايتتى.
تولى اۋدانى تەمىرتام قالاشىعىنىڭ قاتۋ قىستاعى مەن نانۋان قىستاعى سىندى 2 ءتۇيىندى كەدەيلىكتەن ارىلعان قىستاقتاعى 35 قىستاق تۇرعىنى شوعىرلى تۇردە قاتارعا تۇرعىزۋ، جەكە تىزىمدەلۋ، بەتپە ـ بەت ەمتيحان الۋ، ”ءتورتتى كەڭەسۋ، ەكىنى جاريا ۇستاۋ“سياقتى تارتىپتەردەن كەيىن، ەكولوگيالىق ورمان قورعاۋشىسى بولدى، ءار ادام جىلىنا 10 مىڭ يۋان قوسىمشا قاراجاتتان يگىلىكتەنەدى، بۇل قاراجاتتى ايعا شاعىپ تاراتىپ تۇرادى ەكەن.
“ەكولوگيالىق ورمان قورعاۋشىنىڭ مىندەتى كۇنى بويى شارلاۋ جۇرگىزۋ ارقىلى قاراستى اۋماقتاعى ‘تۇنىق سۋ، جاسىل تاۋدى’ ويداعىداي قورعاۋ، بۇل قىزمەت وتە جاپالى بولعانىمەن، ءوزىمدى باقىتتى سەزىنەمىن” دەدى قاتۋ قىستاعىنىڭ ەكولوگيالىق ورمان قورعاۋشىسى تۇرسىن رامازان ءوزىنىڭ جۇمىستانعاننان كەيىنگى تەبىرەنىستى كوڭىل كۇيىن باسا الماي.
ورمان شارۋاشىلىعى قىزمەتىن باسقاراتىن ورىنباسار قالاشىق باستىعى توقتار دۇيسەنبايدىڭ تانىستىرۋىنا قاراعاندا، جاڭ جينگۇي، تۇرسىن قاتارلى ەكولوگيالىق ورمان قورعاۋشىلاردان 35 ادام جۇمىستانىپ، ءار كۇنى ەرتە شىعىپ، كەش قايتىپ، قارلى -بورانعا قاراماي، ىقتاسىن ورماننىڭ وزدەرى جاۋاپتى رايونىندا شارلاۋ جۇرگىزەدى ەكەن. ولار ءار كۇنى ۋاقىت شىعارىپ قاراستى رايونداعى بۇقاراعا مەملەكەتتىڭ ورمان شارۋاشىلىعى ساياساتى، زاڭ ـ ەرەجەلەرىنەن ۇگىت ـ لەكسيا جاساپ، ورمان ءوڭىرىن قورعاۋ، ورتتەن ساقتانۋ، جابايى حايۋاناتتاردى قورعاۋ سياقتى قاتىستى بىلىمدەردى وتباسىنا جەتكىزەدى ەكەن.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى