ءتىلشىمىز جاڭ گوحۇي، ەرىكتى ءتىلشى ليۋ شيۋحۇڭ حابارلايدى.”بيىل 69 جاستامىن، جوعارى قان قىسىمى جانە قانتتى نەسەپ اۋرۋىنا شالدىققانىما كوپ جىل بولعان، بالالارىم سىرت جەردە، ءبىر كورىمى وتباسى شيپاگەرى ۇنەمى كەلىپ، دەنساۋلىق جاعدايىمدى ۇعىسىپ، ءدارى جەتكىزىپ تۇرادى“ دەدى 1 -ايدىڭ 3 -كۇنى شيحۋ قالاسى تاسوتكەل اۋىلى تاسوتكەل قىستاعىنداعى جالعىز تۇراتىن قارت جياڭ سۋچيۇڭ.
بىرنەشە كۇننەن بەرى تاسوتكەل اۋىلى ”قىسقى مەيىر جەتكىزۋ“ اقىسىز ناۋقاس تەكسەرۋ قيمىلىن ورىستەتىپ، ۇيگە دەيىن بارىپ ناۋقاس تەكسەرىپ، دەنساۋلىق ساقتاۋ بىلىمدەرىن ۇگىتتەپ، قىستاق تۇرعىندارىنا جاقىننان ىقىلاستى قىزمەت وتەدى.
جياڭ سۋچيۇڭنىڭ وتباسىندا تاسوتكەل اۋىلدىق شيپاحانانىڭ باستىعى ۋاڭ جىچي قاريانىڭ قان قانتىن، قان قىسىمىن ولشەپ، جاقىننان بەرگى ءدارى ءىشۋ جاعدايى مەن دەنساۋلىق جاعدايىن ۇعىستى. قاريانىڭ ءدارى ىشكەن سوڭ جۇرەگى اينىپ، لوقسيتىنىن بىلگەن سوڭ ونىڭ وتباسى شيپاگەرى رەتىندە، ۋاڭ جىچي دەرەۋ ءدارىسىن الماستىرىپ، وعان كوڭىل بولۋگە ءتيىستى ىستەردى قاداعالاۋمەن بىرگە، ءدارى قاپشىعىنىڭ سىرتىنا ىشىلەتىن مولشەرىن جازىپ بەردى.
94 جاستاعى چىن تيانشۋدىڭ ۇيىندە وتباسى شيپاگەرى ۋاڭ تاۋ قاريانىڭ دەنساۋلىق جاعدايىن تەكسەرىپ كورگەن سوڭ تاماعى قابىنىپ، قاقىرىق پايدا بولعانىن بايقاپ، وعان تاعاممەن ەمدەلۋ جونىندە كەڭەس بەرىپ، كۇندەلىكتى قاتىقسىز بوتقا سياقتىلارمەن تاماقتانۋدى، جوتەلگەندە ارقاسىن اقىرىن سيپاۋ ارقىلى اۋىرعانىن باسەيتۋدى قاداعالادى.
ۇعىسۋعا قاراعاندا، تاسوتكەل اۋىلىندا 2022 -جىلى 25 وتباسى شيپاگەرى 5058 تۇرعىنمەن توقتام جاساسقان، مۇنىڭ ىشىندە 1433 ى ءتۇيىندى ادامدار شوعىرى بولىپ، توقتام جاساسۋ مولشەرى %91.3 كە جەتكەن ەكەن. توقتام جاساسىپ قىزمەت وتەۋدىڭ ىشكەرىلەي ورىستەتىلۋىنە بايلانىستى وتباسى شيپاگەرلەرى ءار ۇلت بۇقاراسىنىڭ سالاماتتىعىنىڭ قورعاۋشىسىنا اينالىپ، ىقىلاستى، ۇقىپتى قىزمەت وتەۋ ءار ۇلت بۇقاراسىنىڭ سۇيەنىشىنە اينالعان.
ۋاڭ جىچي:”تاسوتكەل اۋىلىنداعى قىستاقتاردىڭ بارلىعىندا ءتۇيىندى ادامدار شوعىرىنا قىزمەت وتەيتىن وتباسىلىق شيپاگەرلەر بار، ولار جىلىنا 4 رەت ناۋقاستاردىڭ جاعدايىن ۇعىسىپ، ءبىر رەت اقىسىز دەنساۋلىق تەكسەرەدى، قان قىسىمى مەن قان قانتىن كەز كەلگەن ۋاقىتتا بارىپ تەكسەرىپ تۇرادى. وتباسىلىق شيپاگەرلەرمەن توقتام جاساسۋداعى ماقسات ـــ تۇرعىندارعا نەگىزدىك ەمدەۋ -دەنساۋلىق ساقتاۋ جاعىنان قىزمەت وتەۋ“ دەدى.
ۇعىسۋعا قاراعاندا، قازىرگە دەيىن شيحۋ قالاسىندا شيپاگەر، سەسترا، ءدارى جاساۋشى، ەمدەۋ تەحنيكا قىزمەتكەرى، لاباراتوريا قىزمەتكەرى قاتارلىلاردان قۇرالعان وتباسىلىق شيپاگەرلەردىڭ توقتامدى قىزمەت وتەۋ ۇجىمىنان 126 سى قۇرىلىپ، تۇراقتى قونىستانعان وتباسىلاردان 136 مىڭ 26 ادام وتباسىلىق شيپاگەرلەرمەن توقتام جاساسقان، مۇنىڭ ىشىندە توقتام جاساسقان ءتۇيىندى ادامدار شوعىرى 51 مىڭ 548 ادام ەكەن.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى