ءتىلشىمىز جاڭ گوحۇي حابارلايدى. جۋىقتا ونەركاسىپ جانە ينفورماتسيالاندىرۋ مينيسترلىگى 2022 -جىلعى مەملەكەت دارەجەلى ورتا، شاعىن كاسىپورىندارعا الەۋمەتتىك قىزمەت وتەۋدەن ۇلگى كورسەتۋ تۇعىرىنىڭ ەسىمدىگىن جاريالادى، شينجياڭنان تەك 3 ورىن عانا تىزىمگە ىلىنگەن، مۇنىڭ ىشىندە شيحۋ قالالىق كاسىپورىندارعا قىزمەت وتەۋ ورتالىعى بار ەكەن.
ۇعىسۋعا قاراعاندا، مەملەكەت دارەجەلى ورتا، شاعىن كاسىپورىندارعا الەۋمەتتىك قىزمەت وتەۋدەن ۇلگى كورسەتۋ تۇعىرى ونەركاسىپ جانە ينفورماتسيالاندىرۋ مينيسترلىگى تۇراقتاندىرعان ورتا، شاعىن كاسىپورىنداردىڭ اقاۋسىز دامۋىنداعى الەۋمەتتىك قىزمەت وتەۋ قاجەتىن ارقاۋ ەتىپ، قىزمەت وتەۋ بايلىعىن شوعىرلاندىرىپ، ورتا، شاعىن كاسىپورىندارعا ساياسات جەتكىزۋ، اقىل ـ كەڭەس بەرۋ، باۋلۋ، تەحنيكا سياقتى جاقتاردان جالپىلىق قىزمەت وتەيتىن الەۋمەتتىك قىزمەت وتەۋ تۇعىرى ەكەن.
2017 ـ جىلى 12 ـ ايدا شيحۋ قالالىق كاسىپورىندارعا قىزمەت وتەۋ ورتالىعى رەسمي جۇمىس باستاعان. شيحۋ قالالىق كاسىپورىندارعا قىزمەت وتەۋ ورتالىعىنىڭ قۇرىلۋى ورتا، شاعىن كاسىپورىنداردىڭ دامۋ ورتاسىن ونان ارى جاقسارتىپ، كاسىپورىنداردىڭ باسەكەلىك قۋاتىن جوعارىلاتىپ، قوعامدىق دانەكەر قۇرىلىمدارمەن بايلانىس جاساۋ، سايكەستىرۋ، قوعامدىق بايلىقتى بىرىكتىرۋ، قالىڭ ورتا، شاعىن كاسىپورىندارعا ءونىمدى قوعامدانعان قىزمەت وتەۋ جونىنەن بەلسەندى جەبەۋ رولىن اتقاردى.
ورتالىق قۇرىلعان 5 جىلدان بەرى، 160 رەتتەن استام ءتۇرلى الەۋمەتتىك يگىلىك قيمىلدارىن وتكىزىپ، كاسىپورىنداردىڭ نىساندارىن ءوتىنىش ەتۋىنە 800 دەن استام رەت جەتەكشىلىك ەتىپ، ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەرگە 10 مىڭنان استام رەت قىزمەت وتەپ، ورتا، شاعىن كاسىپورىنداردىڭ زاڭدى ۇقىق -مۇددەسىن قورعاۋدا، ورتا، شاعىن كاسىپورىنداردىڭ اقاۋسىز دامۋىن جەبەۋدە ماڭىزدى رول اتقارۋدا.
شيحۋ قالالىق كاسىپورىندارعا قىزمەت وتەۋ ورتالىعىنىڭ مەڭگەرۋشىسى لي فىڭ -ي: ”الداعى جەردە ورتالىق قىزمەت وتەۋ تۇعىرىنىڭ جەتەكشىلىك رولىن ۇزدىكسىز ساۋلەلەندىرىپ، اناعۇرلىم كوپ ساپالى بايلىقتى توپتاپ، قالىڭ ورتا، شاعىن كاسىپورىندارعا زاڭدىق كەڭەس بەرۋ، سىرتقا تانىستىرۋ، جاڭالىق اشۋ، جەتىلدىرۋ سياقتى جاقتاردان باۋلۋ جۇرگىزىپ، كاسىپورىننىڭ وزەكتى باسەكەلىك قۋاتىن جوعارىلاتىپ، كاسىپورىننىڭ جاڭالىق اشا دامۋىنا قوزعاۋشى كۇش ۇستەيدى“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى