ءتىلشىمىز سۇڭ جيانلياڭ، ەرىكتى ءتىلشى جاۋ شۋە حابارلايدى. جاقىنعى كۇندەردەن بەرى ساۋان قالاسىنداعى ءارقايسى مەكتەپتەردىڭ پارتيا ۇيىمدارى ءتۇرلى فورمالارمەن پارتيا 20-قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، قالىڭ پارتيا مۇشەلەرى مەن كادرلاردى، وقىتۋشى -وقۋشىلاردى اسقاق جىگەرمەن قايراتتانا ۇمتىلىپ، ەرلىكپەن العا باسىپ، ساۋاننىڭ وقۋ -اعارتۋ ىستەرى دامۋىنىڭ جاڭا جاعدايىن ۇزدىكسىز اشۋعا جەتەكتەدى.
ساۋان قالالىق 1-ورتا مەكتەپ پارتكومى”پارتيا 20-قۇرىلتايىنىڭ رۋحىن مەكتەپ اۋلاسىنا، ساباقحاناعا جەتكىزۋ“قيمىلىن ورىستەتتى. ورتا مەكتەپ وقۋشىلارىنىڭ تانىم دەڭگەيى مەن يدەيا -ساياسي ساباعىنىڭ تالابىنا ۇشتاستىرا وتىرىپ، كەسكىن كورۋ، دەكلاماتسيا جارىسىن وزدىرۋ، پىكىر اۋىستىرىپ تالقى ورىستەتۋ سياقتى فورمالارمەن پارتيا 20-قۇرىلتايىنىڭ رۋحىن يدەيا-ساياسي ساباعىنا ءسىڭىردى.
ساۋان قالالىق 1-ورتا مەكتەپتىڭ وقىتۋشىسى ۋاڭ بين: ” پارتيا 20- قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، مۇرات -سەنىمدى بەكەمدەپ، پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، پارتيا ءۇشىن ادام تاربيەلەۋ، مەملەكەت ءۇشىن دارىندى باۋلۋ اۋەلگى ماقساتىمىز بەن بورىشىمىزعا تاباندى بولىپ، ۇلتتى گۇلدەندىرۋ اۋىر مىندەتىن ارقالايتىن جاڭا ءداۋىر ادامدارىن باۋلۋعا اقىل -پاراساتىمىز بەن كۇش -قۋاتىمىزدى ارنايمىز“دەدى.
ساۋان قالالىق 1-ورتا مەكتەپ تولىق ورتا 2-جىلدىعى 28-كلاسىنىڭ وقۋشىسى تيان بورۇي:”جاڭا ءداۋىردىڭ مۇراتتى جاستارى رەتىندە، جۇڭحۋا ۇلتىنىڭ ۇلى گۇلدەنۋىن مىندەت ەتىپ، پارتيانىڭ ۇمىتىنەن شىعىپ، جاستىق كوكتەمىمىزدى جاپپاي سوتسياليستىك وسىزاماندانعان قۇدىرەتتى ەل قۇرۋدىڭ جاڭا جورىعىنا ارناۋىمىز كەرەك“ دەدى.
ساۋان قالالىق 3-ورتا مەكتەپ پارتيا باس ياچەيكاسى ءبىر ءبولىم وقىتۋشىلاردى ۇيىمداستىرىپ، ديڭ -ديڭ، ءۇنحات بەينە ەكرانى سياقتىلار ارقىلى وقۋشىلارمەن بىرگە ”ساباقحاناعا، اسحاناعا، جاتاقحاناعا كىرۋ، وقۋشىلارمەن، انا -انالارمەن بايلانىس جاساۋ، وقۋشىلارمەن دوستاسۋ“ قيمىلىن ورىستەتتى. وقىتۋشىلار قاراپايىم، ۇعىنىقتى تىلمەن اتا -انالارعا پارتيا 20-قۇرىلتايىنىڭ رۋحىن جانە پارتيانىڭ حالىققا ءتيىمدى ساياساتتارىن ۇگىتتەدى، جالپى 468 وقۋشى مەن وقىتۋشى قيمىلعا قاتىناستى.
ساۋان قالالىق 5-باستاۋىش مەكتەپ پارتيا ياچەيكاسى”پارتيا 20-قۇرىلتايىنا ماداق ايتىپ، جاڭا جورىقتا ەكپىندەي ىلگەرىلەپ، ۇستازدىق جۇرەگىمىزدى پارتياعا ارنايمىز“نەگىزگى تاقىرىپتىق پارتيا كۇنى قيمىلىن جەلىدە ورىستەتتى. جالپى پارتيا مۇشەلەرى پارتيا ساباعىن تىڭداپ، پارتيا 20-قۇرىلتايى ۋاكىلدەرىنىڭ ىزگى ىستەرى جونىندەگى كەلتە كەسكىندى كورىپ، پارتيا 20-قۇرىلتايى بايانداماسىنداعى التىن سوزدەردى وقىپ، پارتيا 20-قۇرىلتايىنىڭ رۋحىنا قاتىستى بىلىمدەردەن زەيىن سىناۋ جارىسىن وزدىرىپ، جەلىدەگى ساباقحانا وقىتۋىندا بەينەسى جاقسى ۇزدىك پارتيالى وقىتۋشىلاردى ماداقتاپ -سيلادى.
ساۋان قالالىق 4-باستاۋىش مەكتەپ پارتيا ياچەيكاسى”شاعىن پارتيا ساباعى، شاعىن اسەر ءبولىسۋ، شاعىن سۇراۋ - جاۋاپ، شاعىن حيكايا“ ۇلگىسىندە كوپ تۇرعىداعى، باي مازمۇندى ۇيرەنۋ فورماسىن قولدانىپ، ۇيرەنۋ ونىمدىلىگىن جوعارىلاتىپ، پارتيا 20-قۇرىلتايىنىڭ رۋحىن ۇيرەنۋدى جالعاستى قىزۋ ورلەۋگە كوتەردى.
ساۋان قالالىق 4-باستاۋىش مەكتەپتىڭ وقىتۋشىسى جياڭ شياۋيان:” پارتيا 20 -قۇرىلتايىنىڭ رۋحىن جەتەكشى ەتىپ، مادەنيەت سەنىمىن اناعۇرلىم بەكەمدەپ، جۇڭحۋانىڭ تاڭداۋلى ءداستۇرلى مادەنيەتىن ويداعىداي جالعاستىرىپ، وقۋ-اعارتۋ ىستەرىن قىزۋ ءسۇيىپ، تاباندىلىقپەن قىزمەت ىستەپ، جاڭا ونەردى، جاڭا ادىستەردى اناعۇرلىم سانالى تۇردە ۇيرەنىپ، وقۋشىلاردىڭ جۇرەگىندەگى ارمانىنا شۋاق توگىپ، وقۋ-اعارتۋدا قۋاتتى ەل قۇرۋدى جەدەلدەتۋگە كۇش -قايراتىمدى ارنايمىن“دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى