ساۋان قالاسى: قىزمەت اترەتى ”كوڭىل تۇيىنشەگىن“ شەشىپ، حالىق ٴۇشىن ٴىس ىستەپ، قيىن ماسەلەلەردى شەشىم ەتتى

　　”جول شەتىنە كومىلگەن لاس سۋ قۇبىرى بىتەلىپ قالدى، ساسىق ٴيىس قۇبىردى بويلاپ ۇيىمە كەلدى، تەز كەلىپ كورسەڭىزدەر“. تاياۋدا ساۋان قالالىق پارتكوم ۇگىت ٴبولىمىنىڭ ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا بايتان قىستاعىندا تۇراتىن قىزمەت اترەتىنىڭ باستىعى، ٴبىرىنشى شۋجي پۋ ۋىنفىڭ قىستاق تۇرعىنى سانبەك زارىقبايدىڭ تەلەفونىن تاپسىرىپ الدى، ول جوعارىداعى ماسەلەنى اڭىس ەتكەن ەدى. سالدەن سوڭ، پۋ ۋىنفىڭ دەرەۋ ەكى اترەت مۇشەسى مەن قىستاق كادرىن باستاپ جۇمىس باسىنا بارىپ احۋال ۇعىستى.
 

ۇعىسۋعا قاراعاندا، بايتان قىستاعى 2021 ـ جىلى جوعارى دارەجەلى ورىننىڭ نىسان قارجىسىنىڭ قولداۋىندا، سۋ ىعىستىرۋ قۇبىرىن وزگەرتىپ، لاس سۋدى شوعىرلى ٴبىر جايلى ەتۋ ينجەنەرياسىن اتقارىپ، ٴار ۇلت بۇقاراسىنىڭ تۇرمىسىنا اسا زور قولايلىلىق تۋدىرعان. ٴبىراق قىس سۋىق بولىپ، قۇبىر ۇنەمى بىتەلىپ، لاس سۋدىڭ قالىپتى ىعىستىرىلۋىنا ىقپال جاساعاندىقتان، ونىڭ ۇستىنە ۋاعىندا تازالانباعاندىقتان، قۇبىرعا جينالعان باتپاق، قوقسىق بارعان سايىن كوبەيىپ، ەڭ سوڭىندا قۇبىردى بۇكىلدەي بىتەپ تاستاعان.
 

جۇمىس باسىن تازالاعاندا، قىزمەت اترەتى دەرەۋ كاسىپتىك قۇبىر اشۋ اترەتىمەن بايلانىس جاساپ، تۇنبا شوگىپ بىتەلگەن ورىندى جەدەل جوندەپ تازالادى. اترەت مۇشەلەرى ساسىق يىسكە قاراماي، جوندەۋشى ۇستازعا سايكەسىپ تۇنبانى تازالادى. تۇنگى تەمپەراتۋرا ٴبىرشاما تومەن بولعاندىقتان، لاس سۋعا مالشىنعان سىمنىڭ بالاعىنا مۇز قاتىپ، ەكى قولدارى دا توڭىپ قىزارىپ كەتەدى، ٴبىراق بۇل كوپشىلىكتىڭ ەڭبەك ىنتاسى مەن قارقىنىنا تيتتەي دە ىقپال جاسامايدى، ولار بىتەلگەن قۇبىردى تۇندەلەتىپ اشىپ، جوندەپ، كومەدى. كوپشىلىكتىڭ قاجىماي - تالماي قۇلشىنۋىندا، سۋ ىعىستىرۋ قۇبىرىن اشۋ ماسەلەسى اقىرى شەشىلەدى.
 

ساۋان قالالىق پارتكوم ۇگىت ٴبولىمىنىڭ بايتان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ٴبىرىنشى شۋجي پۋ ۋىنفىڭ بىلاي دەدى: ”بۇقارانىڭ مۇددەسى كىشى ـ گىرىم ٴىس ەمەس، ٴبىزدىڭ بۇقارالىق قىزمەتتى ويداعىداي ورىستەتۋىمىزدىڭ شىعار ٴتۇيىنى − حالىقتىڭ جاعدايىن، حالىقتىڭ تىلەگىن دەر كەزىندە ۇعىسۋ، تياناعى − ەڭ قىسقا ۋاقىت ىشىندە بۇقارا اڭىس ەتكەن ماسەلەلەردى شەشۋگە، قيىنشىلىقتاردى شەشۋگە قۇلشىنىپ، بۇقارانىڭ ٴوندىرىس، تۇرمىسىنا قولايلىلىق جاراتۋ“. (ساۋان قالالىق توعىسپالى مەديا ورتالىعىنان ۋ چي)

　　اۋدارعان: قادىر ماقان