□ زىڭ جاۋمەي
جۋىقتا ساۋان قالاسىنداعى قورقىس سولتۇستىك جولى- 113 ءنومىرلى اۋلاسىنداعى شينجياڭ سۋلۇڭ قۇرىلىس شەكتى جاۋاپكەرشىلىك سەرىكتەستىگىنە تىلشىلىك بابىمەن بارعانىمىزدا، سەرىكتەستىكتىڭ تازا دا رەتتى جۇمىس ورتاسى بىزگە جايلى اسەر بەردى. قىزمەتكەرلەر اسا ىقىلاستى بولىپ، كوپتەگەن مەيىرگە تولى اڭگىمەلەر بايانداپ بەرىپ، بىزگە سۇيىسپەنشىلىك پەن كۇشتى جاۋاپكەرشىلىكتى سەزىندىردى.
ساۋان قالاسىندا جۇمىس ىستەگەنىنە 25 جىل بولعان جياڭسۋ ولكەسىنەن كەلگەن شارۋا جۇمىسكەر ياڭ گولۇڭ ساۋان قالاسىن الدەقاشان ءوزىنىڭ- 2 مەكەنى ساناعان؛ سەرىكتەستىك وسى قالانىڭ داچۋان اۋىلى قالاماڭى شىعىس قىستاعىندا تۇراتىن 75 جاستاعى قاريا گۇڭ سۇيلانعا ايىنا 1000 يۋان قاراجات بەرىپ، قاريانىڭ نەگىزگى تۇرمىسىن قامتاماسىز ەتسە؛ ءار جىلى جەرگىلىكتى ورىنداعى جۇزدەن استام ەڭبەككۇشتى جۇمىس ورنىمەن قامداپ وتىر...
وسىنداي شاعىن حيكايالار كاسىپورىننىڭ قوعامدىق جاۋاپكەرشىلىگى مەن بورىشىن ايگىلەۋدە.
جياڭسۋ ولكەسىنەن كەلگەن شارۋا جۇمىسكەر ۋان شيشىڭنىڭ سەرىكتەستىكتە جۇمىس ىستەگەنىنە 8 جىل بولىپ، جىلىنا ورتا ەسەپپەن 100 مىڭ يۋان اينالاسىندا كىرىس كىرگىزەدى. قازىر ول ايەلى مەن بالالارىن ساۋان قالاسىنا اكەلىپ العان. سەرىكتەستىك قىستا قۇرىلىس ورنىنىڭ قويماسىن قاراۋ، قارىن تازالاۋ سياقتى جۇمىستاردىڭ بارلىعىن وعان تاپسىرىپ، ونىڭ كىرىسىن ارتتىرۋىنا مۇمكىندىك جاراتقان. بۇل كاسىپورىننىڭ جۇمىسشى - قىزمەتكەرلەرگە سيلاعان ەڭ جاقسى ” ساۋعاسى“ ەدى.
ۇعىسۋعا قاراعاندا، بۇل سەرىكتەستىك دامۋى جاقسى بولعان كەزدەرى جىلىنا ساۋان قالاسىنا 10 ميلليون يۋاننان استام سالىق تاپسىرسا، ەڭ از بولعان كەزدە دە 2 ميلليون يۋاننىڭ ۇستىندە سالىق تاپسىرىپ وتىرعان، ونىڭ ۇستىنە جۇمىسشىلاردىڭ ەڭبەكاقىسىن ءار كەز كەشەۋىلدەتىپ كورمەگەن ءارى شارۋا جۇمىسكەرلەرگە كوڭىل ءبولىپ، قامقورلىق جاساپ، ولاردىڭ ءىس جۇزىندىك قيىنشىلىقتارىن شەشۋىنە كومەكتەسىپ كەلگەن.
قازىر قۇرىلىس ورنىنىڭ جۇمىسى توقتاعانىمەن، سەرىكتەستىكتىڭ قىزمەت وتەۋى توقتاماعان، 5 نىسانعا ساياتىن 128 شارۋا جۇمىسكەردىڭ 671 مىڭ يۋان ەڭبەكاقىسىن تاراتقان ءارى سىچۋان، گانسۋ سياقتى جەرلەرگە قايتپاقشى بولعان 95 شارۋا جۇمىسكەردىڭ قاتىستى راسمياتتارىن سايكەستىرىپ ءبىتىرىپ بەرگەن. مىنە بۇلار بىزگە مەيىرگە، سۇيىسپەنشىلىككە تولى، كۇشتى جاۋاپكەرشىلىك ارقالاي الاتىن جەرگىلىكتى كاسىپورىنىن ءبىر قىرىنان تانىستىردى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى