قوبىقسارى اۋداندىق باس جۇمىسشىلار ۇيىمى
قيىنشىلىعى بار جۇمىسشى ـ قىزمەتكەرلەردى مۇمكىندىكتىڭ بارىنشا ۋايىمنان ارىلتىپ، قيىنشىلىعىن شەشتى
ءتىلشىمىز الاشىن سۋدىبەلىك حابارلايدى. جاقىنعى كۇندەردەن بەرى قوبىقسارى موڭعۇل اۆتونوميالى اۋداندىق باس جۇمىسشىلار ۇيىمى پارتيا 20 -قۇرىلتايىنىڭ رۋحىن ۇيرەنۋدى، دايەكتىلەندىرۋدى ءتۇيىن ەتىپ، پارتيا 20 -قۇرىلتايىنىڭ رۋحىن ءتۇرلى فورمالارمەن ىشكەرىلەي ۇيرەنىپ، ءتۇسىنىپ، پارتيا 20 -قۇرىلتايى رۋحىنىڭ تەرەڭدەۋىن، كوكەيگە ۇيالاۋىن، ناقتىلانۋىن جەبەدى.
اۋداندىق باس جۇمىسشىلار ۇيىمى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى پاگجاپ سۋنا: ”پارتيا 20 -قۇرىلتايى جۇمىسشى تابىنىڭ ورنىن تياناقتاندىرۋ، جۇمىسشى تابىنىڭ رولىن ساۋلەلەندىرۋ، جۇمىسشى -قىزمەتكەرلەردىڭ ۇقىق -مۇددەسىن قامتاماسىزداندىرۋ، جۇمىسشى ۇيىمى قىزمەتىن كۇشەيتۋ سياقتى جاقتاردا جاڭا ورنالاستىرۋ جاساپ، جاڭا تالاپتار قويىپ، جاڭا داۋىردەگى جاڭا جورىقتا جۇمىسشىلار ۇيىمى قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. بيىل جىل باسىنان بەرى قوبىقسارى اۋداندىق باس جۇمىسشىلار ۇيىمى 448 مىڭ يۋان قارجى توپتاپ، تۇتاس اۋدانداعى قيىنشىلىعى بار جۇمىسشى - قىزمەتكەرلەرگە، ءبىرىنشى شەپتەگى جۇمىسشى -قىزمەتكەرلەردى سۇيەمەلدەدى“ دەدى.
”اپاي، قىزمەتىڭىز قانداي؟ وتباسىڭىزدا قانداي قيىنشىلىق بار؟...“11 -ايدىڭ 28 -كۇنى پاگجاپ سۋنا قاراستى اۋماقتاعى قيىنشىلىعى بار قىزمەتكەر چىمدورجى بۇلعۇننىڭ ۇيىنە بارىپ حال سۇرادى.
چىمدورجى بۇلعىن قوبىقسارى اۋداندىق باۋ -باقشا باسقارماسىنىڭ قاراپايىم قىزمەتكەرى، وتباسىندا 4 جان بار بولىپ، بۇكىلدەي جالعىز ونىڭ ەڭبەكاقىسىنا سۇيەنەتىندىكتەن، تۇرمىستىق قيىنشىلىعى ءبىرشاما اۋىر ەدى.
چىمدورجى بۇلعۇن پاگجاپ سۋناعا: ”جۇمىسشى ۇيىمىنىڭ قيىنشىلىعى بار جۇمىسشى-قىزمەتكەرلەرگە كومەكتەسىپ جانە قامقورلىق جاساپ، تۇرمىسقا بولعان سەنىمىمىزدى ارتتىرا تۇسكەنىنە شىنايى العىس ايتامىن“ دەدى.
اۋداندىق باس جۇمىسشىلار ۇيىمى بۇكىل اۋدان كولەمىندە ”ەڭبەكاقىنى توپتىق كەڭەسىپ، شوعىرلى كەلىسۋ قيمىل ايى“ ارناۋلى قيمىلىن ورىستەتىپ، ءۇش كاسىپورىن ەڭبەكاقىنى توپتىق كەڭەسۋ كەلىسىمىنە قول قويىپ، 271 جۇمىسشى -قىزمەتكەردى قامتىپ، جۇمىسشى -قىزمەتكەرلەردىڭ زاڭدى ۇقىق -مۇددەسىن ءونىمدى قورعادى.
سونىمەن بىرگە، اۋداندىق باس جۇمىسشىلار ۇيىمى اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىمەن بىرلەسىپ، جۇمىسشىلار ۇيىمىنىڭ جۇمىستانۋعا قىزمەت وتەۋ ايى جانە ارناۋلى جۇمىسقا قابىلداۋ جينالىسىن اشىپ، جۇمىسقا قابىلداۋ جينالىسىندا 310 جۇمىس ورنىن ازىرلەدى، 220 ادام جۇمىسقا قابىلداۋ جينالىسىنا قاتىناسىپ، 80 نەشە ادام نيەتتىك كەلىسىمگە قول قويدى.
كەلەسى قادامدا اۋداندىق باس جۇمىسشىلار ۇيىمى پارتيا 20 -قۇرىلتايىنىڭ رۋحىن جەتەكشى ەتىپ، ارنانى كەڭەيتىپ، جەلىدەگى جۇمىسشىلار ۇيىمىن جۇمىسشى-قىزمەتكەرلەرمەن بايلانىس جاساۋدىڭ جاڭا ارناسىنا، جۇمىسشى-قىزمەتكەرلەرگە قىزمەت وتەۋدىڭ جاڭا تەرەزەسىنە، جۇمىسشى -قىزمەتكەرلەردى تاربيەلەۋدىڭ جاڭا تۇعىرىنا اينالدىرىپ، بۇكىل اۋدانداعى جۇمىسشى -قىزمەتكەرلەر مەن بۇقاراعا ءبىر بەكەتتىك، كوپ نەگىزدى، تولىق كۇندىك قىزمەت وتەپ، جەلىدەگى ”جۇمىسشى -قىزمەتكەرلەر وتاۋىن“ قۇرماقشى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى