حاۋ شۋجي جانە ونىڭ 80 جاستاعى ”وقۋشىسى“ جاڭ چيڭتيان

جولدانعان ۋاقىتى : 2022/12/15 19:11:16

□ حاۋ شياڭلي مەن جاڭ چيڭتيان كوشىرىپ بولعان پارتيا 20 -قۇرىلتايىنىڭ بايانداماسىن تۇپتەۋدە.
 

□ جاڭ چيڭتان قىستاقتىڭ قيمىلىنا قاتىناسىپ كەلگەن سوڭ، تۇسكى  اسقا دايىندالۋدا.


□ جاڭ چيڭتيان پارتيا 20 -قۇرىلتايى بايانداماسىنىڭ تولىق نۇسقاسىن كوشىرۋدە.
 

شاعانتوعاي اۋدانى جانكىسى اۋىلى جانكىسى قىستاعىندا جاسى 80 گە كەلسەدە تىنباي ۇيرەنىپ جۇرگەن جاڭ چيڭتيان اتتى ءبىر قاريا بار.

قىستاقتاعى كەدەيلىكتەن ارىلعان ءارى ەڭ تومەنگى تۇرمىسى قامتاماسىزداندىرىلاتىن وسى قاريانىڭ 6 بالاسىنىڭ ۇلكەنى 58 جاستا، كەنجەسىنىڭ ءوزى 46 جاسقا كەلگەن. 2018 -جىلى جۇبايى قايتىس بولعاننان بەرى دەنساۋلىعى جاقسى بولعاندىقتان، ۇيىندە جالعىز تۇرىپ كەلدى.

2020 -جىلدان باستاپ پارتيا 20 -قۇرىلتايىنىڭ ۋاكىلى، قىستاق  پارتيا ياچەيكاسىنىڭ شۋجيى حاۋ شياڭليدىڭ شابىتتاندىرۋى جانە  كومەكتەسۋىندە ءارىپ جازىپ، حات تانۋدى ۇيرەنۋ ونىڭ قارتتىق  تۇرمىسىنىڭ ماڭىزدى بولەگىنە اينالۋمەن بىرگە، مۇنى قۋانىش ساناپ،  تاماشا ”ناتيجەگە“ قول جەتكىزدى.

قازىرگە دەيىن « ”پارتياعا ماڭگى ىلەسەمىز“ ـــ پارتيا 19 -كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنەيىك، دايەكتىلەندىرەيىك (بۇقارا قولدانباسى) »، «3-رەتكى ورتالىقتىڭ شينجياڭ  قىزمەتى جونىندەگى اڭگىمە ءماجىلىسىنىڭ رۋحى (بۇقارا قولدانباسى) »، «شينجياڭ ۇيعۇر اۆتونوميالى رايونىنىڭ حالىققا تيىمدىلىك جاساۋ ساياساتى جونىندەگى تۇسىندىرمە وقۋلىعى» سىندى 50 مىڭ ارىپكە جۋىق 3 كىتاپتى كوشىرىپ بولعان. قازىر جاڭ چيڭتيان حاۋ شۋجيدىڭ وزىنە ارنايى  باستىرىپ اكەلگەن ۇلكەن ءارىپ نۇسقاسىنداعى پارتيا 20 -قۇرىلتايى بايانداماسىنىڭ تولىق نۇسقاسىن كوشىرىپ جاتىر ەكەن.

وسى جونىندە جاڭ چيڭتيان:”قازىر ساياسات جاقسى، ءداۋىر تاماشا، مەندە ءومىرىمنىڭ سوڭىنا دەيىن ۇيرەنىپ، ءتىپتى دە كوپ حات تانىپ، حاۋ شۋجيدىڭ ءۇمىتىن اقتايمىن. نەعۇرلىم كوپ حات تانىعان سايىن  گازەت -جۋرنالداردى وقىپ، مەملەكەتىمىزدەگى ءتىپتى دە كوپ ءىرى   ىستەر مەن ابزال ساياساتتاردان حاباردار بولا الامىن“ دەدى.

سۋرەتىن تارتىپ، حابارلاعان تىلشىلەرىمىز  ۋاڭ گاۋشىڭ، ۋاڭ تيڭ، چىن ۋىن



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى