ەرىكتى تىلشىلەر ليۋ جيانپيڭ، تاڭ جى-ياڭ، لي يانرۇڭ حابارلايدى. جۋىقتا شيحۋ قالالىق مۇگەدەكتەر بىرلەستىگى كاسىپ كوزىن اشقان ءارى وسى رەت ىندەت ىقپالىنا ۇشىراعان 73 مۇگەدەكتىگى بار ادامعا تۇرمىسىندا قيىنشىلىعى بارلارعا بەرىلەتىن ءبىر رەتتىك كومەك قاراجاتىنان 58 مىڭ 400 يۋان تاراتىپ، مۇگەدەكتىگى بار ادامداردىڭ كاسىپ جاراتۋ بەلسەندىلىگىن اناعۇرلىم ارتتىردى.
بيىل 62 جاستاعى تاڭ يانيۇي ءوزىنىڭ شاقاي جاماۋ، كىلت سوعۋ جاعىنداعى شەبەرلىگىنە سۇيەنىپ دۇكەن اشقان. ىندەت ىقپالىنان دۇكەنى 3 اي بويى تيجارات جۇرگىزبەگەن، قالالىق مۇگەدەكتەر بىرلەستىگىنىڭ كاسىپ جاراتقان مۇگەدەكتىگى بار ادامدارعا كومەك قاراجات تاراتۋى تاڭ يانيۇيدىڭ كاسىپ جاراتۋ سەنىمىن اناعۇرلىم ارتتىرا ءتۇستى.
تاڭ يانيۇي: ”مۇگەدەكتەر بىرلەستىگىنىڭ بىزگە جاساعان قامقورلىعىنا راقىمەت، قاريدارلارعا تاماشا قىزمەت وتەپ، قوس قولىممەن باقىتتى تۇرمىس جاراتامىن“ دەدى.
شيحۋ قالاسىنداعى جەكە تيجاراتشى مىڭ حۇي: ”تۇرمىستان قينالىپ وتىرعاندا ۇكىمەت پەن مۇگەدەكتەر بىرلەستىگى بىزگە كوڭىل ءبولىپ، قامقورلىق جاساپ، تۇرمىستىق كومەك قاراجات تاراتىپ، سەنىمىمىزدى كۇشەيتە ءتۇستى“ دەدى.
ۇعىسۋعا قاراعاندا، شيحۋ قالالىق مۇگەدەكتەر بىرلەستىگى مۇگەدەكتىگى بار ادامداردى تىزىمگە الىپ، جوعارىعا جولداۋ جانە تەكسەرىپ تىزىمدىگىن جاساۋ قىزمەتىن مۇقيات ويداعىداي ىستەپ، جەكە تيجارات جۇرگىزۋ كۋالىگىن الىپ، ءوز كۇشىنە سۇيەنىپ شارۋاشىلىق قۇرۋشىلار مەن جەكەلەي جۇمىستانعان مۇگەدەكتىگى بار ادامدارعا 800 يۋاننان تومەن بولماۋ ولشەمى بويىنشا ءبىر رەتتىك كومەك قاراجات تاراتىپ، بىردە-ءبىر ادامدى، بىردە -ءبىر وتباسىن قاعىس قالدىرماۋعا شىنايى كەپىلدىك ەتتى.
شيحۋ قالالىق مۇگەدەكتەر بىرلەستىگىنىڭ 2-دارەجەلى مەڭگەرۋشى قىزمەتكەرى شوڭ يان-ان:”كاسىپ جاراتقان مۇگەدەكتىگى بار ادامدارعا جالعاستى نازار اۋدارىپ، كۇيىمىزدىڭ كەلىسىنشە ولاردىڭ ءوندىرىس، تۇرمىس جاعىنداعى قيىنشىلىقتارىن شەشۋگە كومەكتەسەمىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى