ءتىلشىمىز الاشىن سۋدىبەلىك حابارلايدى. جۋىقتا قوبىقسارى موڭعۇل اۆتونوميالى اۋداندىق مادەنيەت، دەنە تاربيە، راديو -تەلەۆيزيا جانە ساياحات مەكەمەسىنەن ۇعىسۋعا قاراعاندا، بيىل بۇل اۋداننىڭ جالعاستى سالىناتىن ساياحات نىسانى ۇشەۋ بولىپ، كەزەكتە ءساتتى ىلگەرىلەتىلىپ، قۇرىلىس جۇمىسىنىڭ％ 65 ى ورىندالعان ەكەن.
ۇعىسۋعا قاراعاندا، بيىل مادەنيەت -ساياحات نىسانىنان ۇشەۋى جالعاستى سالىناتىن بولىپ، بۇلار جەكە - جەكە اققايىڭ مەملەكەتتىك سازدىق باقشاسى كورىنىس رايونىنىڭ 1-مەرزىمدىك قۇرىلىس نىسانى، جاڭگىر مادەنيەت باقشاسى كورىنىس رايونى قۇرىلىس نىسانى جانە سۇڭحايۋان كورىنىس رايونى قۇرىلىس نىسانى بولىپ، مەجەمەن 2023 - جىلى 6 -ايدا قۇرىلىس جۇمىسى تۇگەلدەي تامامدالادى ەكەن.
نىسانعا قارجى قوسىلىپ، قۇرىلىس جۇرگىزىلۋىنە بايلانىستى تۇتاس اۋداننىڭ مادەنيەت - ساياحات كاسىپ سالاسى جۇيەسى اناعۇرلىم كەمەلدەنىپ، قۇرىلعىلارى اناعۇرلىم تولىقتانىپ، قىزمەت وتەۋى اناعۇرلىم ساپالىلانىپ، جالپىلىق ونىمدىلىگى كورنەكتى ارتىپ، سۇڭحايۋان كورىنىس رايونىنىڭ مەملەكەتتىك 4A دارەجەلى ساياحات كورىنىس رايونىن قۇرۋدا ناقتى ىلگەرىلەۋشىلىككە قول جەتكىزۋىن ىلگەرىلەتەدى ەكەن.
بيىل قوبىقسارى اۋدانى تاعى جاڭادان سالىناتىن نىسانداردى دا بەلسەنە جوسپارلاۋدا. ايران تۇز كولى كورىنىس رايونىنىڭ الەۋمەتتىك نەگىزدىك قۇرىلعىلارى مەن قىزمەت وتەۋ قۇرىلعى قۇرىلىسى مىنە وسىلاردىڭ ءبىرى. بۇل نىسان 2022 -جىلى قازىنا مينيسترلىگى، مەملەكەتتىك دامۋ جانە رەفورما كوميتەتىنىڭ جەرگىلىكتى ورىن ارناۋلى قارىزى ءتۇيىندى قۇرىلىس نىسانى قامباسىنا ەنگىزىلدى. كەزەكتە نىسان قۇرىلىسى جوباسىن جاساۋ، تەكسەرىپ بەكىتۋ جۇمىستارى اياقتالىپ، جۇڭگو تۇز توبى شينجياڭ بولىمشە سەرىكتەستىگىنىڭ قوبىقسارى حۇڭدا تۇز كاسىبى سەرىكتەستىگىمەن كورىنىس رايونىن اشۋ، قۇرۋ جۇمىسىن بەلسەنە سايكەستىرۋدە بىرگە ەكەن.
قوبىقسارى اۋداندىق مادەنيەت، دەنە تاربيە، راديو -تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى يدىنجاپ حاسىباتى: ”الداعى جەردە ءبىز كورىنىس رايونى قۇرىلىسىن ىلگەرىلەتۋگە جالعاستى نازار اۋدارىپ، قوبىقسارى اۋدانىنىڭ اۋىل -قىستاق مادەنيەت -ساياحاتىن دامىتۋدى تىڭ ساتىعا كوتەرۋگە كۇش سالامىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى