ەرىكتى تىلشىلەر ۋاڭ دىگاڭ، لي يانرۇڭ، ليۋ شيۋ حابارلايدى. بىرنەشە كۇننەن بەرى شيحۋ قالاسىنىڭ دۋتاي اۋىلدىق پارتكومى ۋاقىتتى قولدان بەرمەي، جوعارى ولشەمدى ەگىنجاي قۇرىلىسىن جەدەلدەتىپ، اۋىل شارۋاشىلىعىنىڭ جالپى ءوندىرىس قۋاتىن اناعۇرلىم جوعارىلاتىپ، اۋىل شارۋاشىلىعىنىڭ جوعارى ساپالى دامۋ نەگىزىن ۇزدىكسىز بەكەمدەپ، اۋىل شارۋاشىلىعىنىڭ ونىمدىلىگىن، شارۋالاردىڭ كىرىسىن ارتتىرۋدى جەبەدى.
جۋىقتان بەرى دۋتاي اۋىلى دۋتاي 1 -قىستاعىنىڭ 3300 مۋلىق جوعارى ولشەمدى ەگىنجاي قۇرىلىسى جەدەل جۇرگىزىلىپ، جۇمىسشىلار ۋاقىتتى قولدان بەرمەي ىسكە كىرىسىپ، ءىرى تۇرپاتتى ماشينالارمەن نىسان رايونىنداعى جولداردى، ورمان القابىن، توعانداردى جوبا بويىنشا جوندەدى.
دۋتاي 1-قىستاعى كوميتەتىنىڭ مەڭگەرۋشىسى لۇي ليشىڭ: ”بۇرىن ەگىنجايدىڭ جول، ورمان ، توعان سياقتى سايكەستى قۇرىلعىلارى كەمەلدەنبەگەن بولاتىن، جوعارى ولشەمدى ەگىنجاي قۇرىلىسىن جۇرگىزۋ ارقىلى جەردى ءونىمدى بىرىكتىرىپ، ءىرى تۇرپاتتى ماشينالاردىڭ جۇمىس جۇرگىزۋىنە قولايلىلىق جاراتىپ، ولشەمدەنگەن، كولەمدى ەگىنشىلىك ارقىلى قىستاق تۇرعىندارىن كىرىستى ارتتىرىپ، اۋقاتتانۋعا جەتەلەيمىز“ دەدى.
بيىل دۋتاي اۋىلى جوعارى ولشەمدى ەگىنجاي قۇرىلىسىن اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدىڭ ماڭىزدى شاراسى ەتىپ، اۋىلداعى ەگىنجايلاردىڭ ءىس جۇزىندىك جاعدايىمەن ۇشتاستىرىپ، جوعارى ولشەمدى ەگىنجاي قۇرىلىسىن اتقارىپ، “جەرى تەگىس، جولدارى تۇتاسقان، ارىق -توعانى جالعاسقان، سەلدى ىعىستىرا الاتىن، قۋاڭشىلىقتا سۋمەن قامداي الاتىن” نىسانانى جۇزەگە اسىرۋعا كۇش سالىپ، اۋىل شارۋاشىلىعىنىڭ جوعارى ساپالى دامۋىنا كۇش قوستى.
دۋتاي اۋىلدىق پارتكومنىڭ ورىنباسار شۋجيى، ۇيىمداستىرۋ مۇشەسى ۋ شياۋۋىن: ”ەگىنجاي قۇرىلىسىنىڭ ’ۇتىمدى ءساتىن‘ مىقتاپ يگەرىپ، جوعارى ولشەمدى ەگىنجاي نىسانىن جەدەل اتقارىپ، كەلەر جىلعى 3 -ايدىڭ سوڭىنان بۇرىن اياقتاتۋعا قۇلشىنىپ، اۋىل شارۋاشىلىعىنىڭ جالپىلىق ءوندىرىس قۋاتىن شىن مانىندە جوعارىلاتىپ، اۋىل -قىستاقتى گۇلدەندىرۋگە كۇش ۇستەيمىز“ دەدى.
ۇعىسۋعا قاراعاندا، دۋتاي اۋىلىنىڭ 10 مىڭ 845 مۋ جوعارى ولشەمدى ەگىنجاي قۇرىلىسىنا 21 ميلليون 300 مىڭ يۋان قارجى قوسىلىپ، نىسان رايونىنىڭ جەر بەتىندەگى تامشىلاتىپ سۋارۋ جۇيەسىنەن 10 ىن جاڭالاۋ، 4 باسقارۋ ءۇيىن جاڭادان سالۋ، 8.661 كيلومەترلىك اتىز اراسىنداعى جولدى جاڭالاۋ، 2.758 كيلومەتر ورمان بەلدەۋىن تولىقتاپ ەگۋ جوسپارلانعان ەكەن. نىسان اياقتالعاننان كەيىن، سۋدىڭ پايدالانۋ مولشەرى مەن توپىراقتىڭ قۇنارلىلىعى ءونىمدى جوعارىلاپ قالماستان، ەكولوگياعا پايدالانىلاتىن سۋ مولشەرى اناعۇرلىم ارتىپ، ەكولوگيالىق ورتا جاقسارادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى