□ ءتىلشىمىز زىڭ جاۋمەي
اسىپ -تاسىپ تۇرعان داۋلەتى بولماسا دا باسقالارعا كومەكتەسۋگە پەيىل؛ قىسىلتاياڭ كەزدە باسىنا تونگەن قاتەرگە قاراماي، اعىسى قاتتى توعانعا ءتۇسىپ ادامدى قۇتقاردى.
ول ساۋان قالاسى قورقىس قالاشىعى كوكتال الەۋمەتتىك اۋماعىنىڭ تۇرعىنى ەربولات سەيىتقان ەدى. كوكتال الەۋمەتتىك اۋماعى مەن انجىحاي قالاشىعىنىڭ يۋانشيڭگۇڭ قىستاعىندا ەربولاتتىڭ اتى اۋىزعا الىنسا كوپشىلىك باس بارماعىن شىعارىپ، القاۋ سوزدەرىن اياپ كورگەن ەمەس -تى.
2021 -جىلى 9-ايدا ەربولات يۋانشيڭگۇڭ قىستاعىندا شارۋالار شاتتىعى ساياجايىن اشقاندا يۋانشيڭگۇڭ قىستاعىنان دۇكەن اشقانىنا 10 نەشە جىل بولعان حى حۋارىنمەن كورشى بولادى.
”بۇرىن ءبىر -ءبىرىمىزدى سىرتتاي تانىعانىمىزبەن بارىس -كەلىسىمىز تىم سيرەك بولاتىن. كورشى بولعاننان كەيىن ونىڭ اق كوڭىل، اشىق -جارقىن ازامات ەكەنىن اڭعاردىم، كومەككە ءزارۋ بولعاندا شاقىرساق ءسوزىمىزدى ەكى ەتپەي جەتىپ كەلەدى“ دەدى حى حۋارىن.
ەربولاتپەن بىرگە وسكەن ساتاي 2014 -جىلدان باستاپ 80 مۋ جەرگە جۇگەرى ەگىپ، 120 تۇياق قوي باعادى. سونان بەرى ەربولات وعان قالتقىسىز كومەك كورسەتىپ كەلەدى.
ساتاي: ”ول كەزدە تامشىلاتىپ سۋارۋ قۇرىلعىسى جوق بولاتىن،جۇمىسقا جەتىسە الماعاندا ەربولاتتى سان رەت كومەككە شاقىردىم. ءار جىلى ول مەنى جايلاۋعا ەرتە بارىپ قويلارىمدى تەگىن قىرقىپ بەرەدى“ دەدى.
بۇل عانا ەمەس، كۇزدە ەربولات ساتايدىڭ جەم -ءشوپ ازىرلەۋىنە كومەكتەسسە، قىستا قالاعا بارىپ قوزىلارىنا جەم اكەلىپ بەرەتىن.
مىنە وسىلايشا، ەربولاتتىڭ كومەگىندە ساتاي وتباسىنىڭ جىلدىق تازا كىرىسى 50 مىڭ يۋاننان استى.
6 جىلدىڭ الدىندا ەربولات يۋانشيڭگۇڭ قىستاعىنىڭ تۇرعىنى لۇي تيڭشيۋمەن تانىسىپ، ول كىسىنى وكىل اكە ەتىپ، ەكى وتباسىنىڭ قارىم -قاتىناسى قويۋلاسىپ، جەرگىلىكتى ورىندا جاقسى اڭىس تۋدىرعان.
”ەربولات اق كوڭىل، ىسكەر، باسقالارعا كومەكتەسكەندە قارىمجى تىلەمەيدى. ءبىز ءوزارا كوڭىل ءبولىپ، ءوزارا كومەكتەسىپ كەلەمىز، ەڭبەكشىل قوس قولىمىزعا سۇيەنىپ، تاماشا تۇرمىسقا جەتۋدى ءۇمىت ەتەمىن“ دەدى 58 جاستاعى لۇي تيڭشيۋ قارا تورى جۇزىنە كۇلكى ءۇيىرىلىپ.
بيىل 7 ـ ايدىڭ 9 ـ كۇنى ساعات 10 نان 30 مينۋت وتكەندە يۋانشيڭگۇڭ قىستاعىنىڭ تۇرعىنى ليۋ ايلي ەلەكترسيكلمەن ساۋان قالاسىنان قىستاققا قايتىپ كەلە جاتقاندا قالالىق قۇبىر سۋ زاۆودىنىڭ وڭتۇستىك جاعىنداعى قورعاننىڭ باسىنا كەلگەندە ەكى جاعىنان بىردەي اۆتوكولىك شىعا كەلەدى دە جول تار بولعاندىقتان، سوعىلىپ قالۋدان الاڭداپ، رولىن شورت بۇرعاندا سۋعا ءتۇسىپ كەتەدى.
سول كەزدە ەربولات يۋانشيڭگۇڭ قىستاعىنان شىعىپ، قۇبىر سۋ زاۆودىنان ءوتىپ بارا جاتقان ەدى، بىرەۋدىڭ قۇتقارىڭدار دەپ ايعايلاعان داۋىسىن ەستيدى دە دەرەۋ اۆتوكولىگىنەن ءتۇسىپ، تونگەن حاۋىپكە قاراماي ارپالىسىپ، ەڭ سوڭىندا ليۋ ايليدى قۇتقارىپ شىعىپ، اۆتوكولىكپەن قالالىق حالىق شيپاحاناسىنا جەتكىزەدى.
اجال اۋزىنان امان قالعان ليۋ ايلي: ”بۇل قازاق باۋىرلاسىم ماعان 2 ـ رەت ءومىر سيلادى، ەرەكشە العىس ايتامىن، وتباسىمداعىلارمەن بىرگە ول كىسىنى جاناشىر –جاقىنىما بالايمىن“ دەدى.
ساۋان قالاسىنداعى مەيىربان قايراتكەر ۋاڭ جيجۇڭ: “جايشىلىقتا ەربولات كەم ءسوزدى، ءۇن-ءتۇنسىز باسقالارعا كومەكتەسۋدى قۋانىش سانايتىن ىزگى نيەتتى جان، ول كوپشىلىكتىڭ ۇيرەنۋ ۇلگىسى” دەدى.
قازىر ەربولات ساۋان قالاسى جاعىنان ادىلەت جولىندا ايانباعان وزات جەكە بولىپ باعالانسا، 4 -ماۋسىمداعى ”شينجياڭنىڭ سوتسياليستىك رۋحاني وركەنيەت قۇرىلىسىنداعى جاقسى ادام، جاقسى ىستەردى باعالاۋ“ كولەمىنە ەنگەن ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى