ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

كولەڭكەنىڭ ءيىسىمىن

جولدانعان ۋاقىتى : 2014/2/8 12:24:43

   م. ي. سۆەتاەۆا  (ورىس)
  
ەكى ولەڭ
        
1
وت تا سۋىق سۇيمەگەنگە،
تولقىن سىندى تۇراقسىز.
كەلەر-كەتەر - وندا نە تۇر،
وكىنبەڭىز ءبىراق ءسىز.

قالاي عانا قالبالاقتاپ،
قۇلى بولام مەن ءىزدىڭ؟
ادام ەمەس، تاڭنان اپپاق
قىزى ەدىم عوي تەڭىزدىڭ.

جاۋلا مەيلى، جان سەرىگىم،
بۇكىل جەردىڭ جۇرەگىن.
سۇيگەن كەزدە تامشى ەرنىڭ،
ەسكە الاسىڭ، بىلەمىن.

ەسەسى كوپ ەركە قىزدىڭ،
قول قۋسىرىپ قالا المان.
ادام ەمەس،
مەن تەڭىزدىڭ
قۇرساعىندا جارالعام.

جىلامايدى ءبىزدىڭ قىزدار،
قاتىرمايسىز الداپ ءسىز.
قايتا كەتەم قارا سۋعا
اۋسىز جانە قارماقسىز.

كۇشى ەرەسەن ەركە قىزدىڭ،
ءبىر ءوزىم باسقارا المان.
ادام ەمەس،
مەن تەڭىزدىڭ
قۇرساعىندا جارالعام.

وتەر ءالى بۇل كۇندەر شىن،
قاراپ تۇرىپ كەمەدەن:
« تەڭىز قىزىن ءسۇيدىم، - دەرسىڭ، -
تەڭىزىنە جونەگەن!»
سۋ استىندا جۇرگەن سەن بە
مارجان تولى ءار الۋان؟
سۋ پەرىسى،
كوك تەڭىزدىڭ
قۇرساعىنان جارالعان!

2
كەشە ماعان قادالاتىن قاراشىق،
بۇگىن قايدا بەزىپ كەتتى اداسىپ؟!
كەشە عانا كەتە الماپ ەڭ قاسىمنان،
بوزتورعايلار قارعا بولدى تاڭ اسىپ.

اقىلدىسىڭ.
اقىماقتىڭ الەگى -
تەك وزىمە ۇيە بەرەم پالەنى.
سالام ەندى ايەلدەردىڭ زارىنا:
«جانىم، سونشا نە جازىعىم بار ەدى؟»
وتقا سالدىڭ،
سۋعا داعى باتىرىپ،
قۇلا تۇزدە اداستىردىڭ اقىرى.

سەنىڭ،
سەنىڭ جازىعىڭ سول الدىمدا،
مەنىڭ،
مەنىڭ جازىعىم نە، باتىرىم؟

ءبارىن بىلەم،
ۇندەمە ەندى، كوڭىلدە ەش،
بولا المادىق ءبىز ەكەۋىمىز ومىرلەس.
ماحابباتى قاشقان جەردى قاڭىراپ،
اجال عانا ارمان ەتەر،
جەرىنبەس...

   *   *   *

كۇن جالعىز اق،
قالادا ءجۇر ول ارمان.
كۇن - مەنىكى،
ونى ەشكىمگە بەرە المان.
ونى بەرەر قۇدىرەت جوق مەندە ەندى،
كۇيدىرسە دە بەت-ءجۇزىمدى، كەۋدەمدى.
قولىما الام!
اينالامىن مەن دە ەندى،
كۇيدىرسە دە بەت -ءجۇزىمدى، كەۋدەمدى!

ماڭگىلىك ءتۇن جۇتسا داعى
قىر سوڭىنان قالمايمىن،
كۇنىم مەنىڭ،
سەنى بەرە المايمىن!

 *  *   *

مەن -قاعازبىن قالامىڭا قاراعان،
اق قاعازبىن.
نە جازساڭ دا ءوزىڭ ءبىل.
جاقسىلىقتى جۇرەگىڭنەن تاراعان،
ءجۇز ەسەلەپ قايتاراتىن كەزىم بۇل.

مەن - دالامىن،
قارا جەرمىن شولدەگەن،
سەن - شۋاقسىڭ، سەن- جاۋىنسىڭ،
گۇلىڭمىن.
سەن - قۇدايسىڭ،
سەن - قوجامسىڭ،
مەن دەگەن
قارا جەرمىن، اق قاعازبىن -
قۇلىڭمىن.

  *   *   *

سەزىم جوق،
سەلت ەتپەيمىن ەشتەمەگە.
ەشقايدا جۇگىرمەيمىن،
ەش كەمەگە.

ىستىق تا اسەر ەتپەيدى،
جاپىراق تا.
سي كۇتپەيتىن ۇقسايمىن
اقىماققا.

قۋانبايمىن تاڭعا دا،
ترامۆايعا
ۇمىت كۇن، اي، جىل، عاسىر،
تۇرام قايدا.
ۇزىك ارقان ۇستىندە
كىپ-كىشكەنتاي ءبيشىمىن.
مەن - ەشكىم دە ەمەسپىن،
قۇر سۇلدەمىن.
كولەڭكەنىڭ ءيىسىمىن.

  *   *   *

جان ەمەسسىڭ مەنى اڭساعان،
جانارلارىڭ كەلىسكىش.
سەن - جارتاسسىڭ،
مەن ءان سالام،
سەن - ەسكەرتكىش،
مەن - ۇشقىش.

ماڭگى ەمەس كوك تە، بىلسەڭ،
مامىر ايدىڭ ءان-جىرى.
قاناتتىنى سوكپەگىن سەن -
قاۋىرسىنداي تاعدىرى.
       
*   *   *

كۇللى الەمدىك كوش كەلەدى تۇنەكتە،
اعاشتار ءجۇر قاراڭعىدا اداسىپ.
ءتاتتى ءجۇزىم شاراپ بولدى، قانى اسىپ،
جۇلدىز بىتكەن ۇيدەن ۇيگە قاراسىپ.
وزەن بىتكەن كەرى اعادى قايتادان!
مەن تەك ساعان باسىم سۇيەپ، جاي تابام.

        *   *   *

شەكسىز-شەتسىز قامقورلىقتان شارشاعان
قۇداي ءبىراز دەم العان سوڭ،
تىنىعىپ،
پەرىشتەلەر جاراتىلدى قانشاما،
بار ونەرىن سالدى قۇداي،
جىميىپ.

نۇر ساۋلەسى ءتان سيلادى ولارعا،
جاراتىلدى قاسيەتتى رەڭى.
قانات بەردى بىرىنە ۇشىپ-قونارعا،
قاناتسىز بوپ جاسالدى ەندى بىرەۋى.
ورىن الماي باقىتتىلىق تورىنەن،
ماڭدايىمنان تاپپاعانى باق تۇراق -
پەرىشتەنى
قۇدايدان دا گورى مەن
سۇيگەنىمنەن شىعار، بالكىم، قاتتىراق.

     اۋدارعان - گۇلنار سالىقبايەۆا
   
  دايىنداعان - ق. ايدارحان


  رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn