ەڭ جاڭا مازمۇندار
شاۋەشەك قالاسى ”بيىلعى يۋانشياۋ مەرەكەسى ەرەكشە مەرەكەلىك مانگە يە بولدى“
بارلىق الاپتان كوكتەم لەبى ەستى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق 2023 -جىلعى 1 -توقسانداعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ سالتىن جانە ساۋداگەر شاقىرىپ، قارجى ەنگىزۋ قىزمەتى ءماجىلىسىن اشتى
عىلىم -تەحنيكا شاعىن اۋلاسى اۋىل -قىستاقتى گۇلدەندىرۋگە كۇش ۇستەدى
بۇقاراعا قىزمەت وتەدى
ەرىكتى قىزمەت وتەدى
نەگىزگى ساتىنىڭ جاڭالىعىن بايقاپ، ەكپىندەي ىلگەرىلەۋدەگى كۇش - قۋاتتى سەزىندى
ۇكىمەت ءدارى -دارمەك كاسىپورىندارىنىڭ قيىنشىلىق قىسپاعىنان وتۋىنە 6 ميلليون يۋانعا جۋىق قارجىلاي كومەك كورسەتتى
سەلبەستىك كووپەراتيۆى 329 مىڭ يۋان پايدا ءبولىسىن تاراتىپ، 65 قىستاق تۇرعىنى يگىلىككە كەنەلدى
قار -مۇز ۇستىندەگى قىزىقتى سپورت جارىسى
اۋىل شارۋاشىلىق ماشينالارىن ساتىپ الۋعا قوسىمشا قاراجات بەرۋ ساياساتىن ۇگىتتەدى
2023-جىلى 2-ايدىڭ 8-كۇنى 29-سان
شي جينپيڭ تۇركيانىڭ زۇڭتۇڭىنا، سيريانىڭ زۇڭتۇڭىنا جەكە - جەكە حال سۇراۋ تەلەگرامماسىن جولدادى
اكىمشىلىك مەكەمەسى 2023-جىلعى ءبىرىنشى جالپى ءماجىلىسىن اشتى
ايماعىمىز 350 نەگىزگى ساتى كادرىن لياۋنيڭ ولكەسىنە باۋلۋعا تاڭداپ جىبەردى
ايماق دامۋ جانە رەفورما قىزمەتى ءماجىلىسىن اشتى
سپورت جارىسى جالىندى كۇش سيلاپ، جۇمىسشى -قىزمەتكەرلەر كەلبەتىن ايگىلەدى
1 - ايدا باقتى شەكارا وتكەلىندەگى سىرتقى ساۋدا سايكەس مەزگىلدەگىدەن %05. 125 ارتتى
كلاسسيك قار - مۇز سالتاناتىن سومداپ، كوكتەمدى بەتكە الىپ تاعى دا ساپارعا اتتاندى
مەرەكە ساۋىعى اسىرىپ كوكتەمنىڭ دۋمانىن،سالت -ءداستۇر قىزدىردى شاتتىقتىڭ قىرمانىن
2023-جىلى 2-ايدىڭ 7-كۇنى 28-سان
ما شيڭرۇي، ەركىن تۇنياز افريكا ەلدەرىنىڭ جۇڭگودا تۇراتىن ەلشىلەر ۋاكىلدەر ۇيىرمەسىندەگىلەرمەن كەزدەستى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى ارناۋ ءسوزىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى
ايماعىمىزدىڭ 2023 -جىلعى تۇڭعىش توپتاعى اۋىل -قىستاقتى گۇلدەندىرۋ كومەك قارجىسى بوساتىلدى
قىزمەت ورنىمىزدى تياناق ەتىپ، ەكپىندەي ىلگەرىلەۋ كۇشىن ۇيىستىرامىز
بارابان ءۇنى جاڭعىرىپ اسپاندادى، ايگىلەنىپ بارشا جۇرت شاتتانعانى
ەرتە جوسپارلاپ، ەرتە كىرىستى، جەر - جەردىڭ ساۋداگەر شاقىرۋ ارناۋلى ءبانى قارقىندى جەدەلدەتۋگە تولىق دايىندالدى
ءوندىرىستى ورنىقتىرىپ، قامداۋعا كەپىلدىك ەتتى
العاشقى ايدا تارىم مۇناي الابىنىڭ مۇناي - تابيعي گاز ءونىم مولشەرى بىردەي ارتتى

دۇرىس،سۋ باسىنان تۇنيدى ەمەس پە؟

جولدانعان ۋاقىتى : 2014/2/8 12:17:21

   جۋىقتا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «باسشى كادرلاردىڭ الەۋمەتتىك ورىنداردا تەمەكى شەگۋگە تيىم سالۋعا باستاماشىلدىق ىستەۋىنە قاتىستى ىستەر تۋرالى ۇقتىرۋ» شىعاردى. وندا ءار دارەجەلى باسشى كادرلاردىڭ الەۋمەتتىك ورىنداردا تەمەكى شەكپەۋ جونىندەگى بەلگىلەمەگە ونەگەلىلىكپەن بويسۇنىپ، مەكتەپ، شيپاحانا، دەنە  تاربيە  سارايى، الەۋمەتتىك  مادەنيەت  سارايى،الەۋمەتتىك قاتىناس قۇرالدارى سياقتى الەۋمەتتىك ورىنداردا تەمەكى شەكپەۋى؛ الەۋمەتتىك قيمىلداردى وتكىزۋدى ۇستىنە العان ورىنداردىڭ تەمەكى بۇيىمدارىن تاراتىپ بەرۋىنە، الەۋمەتتىك قيمىلدارعا قاتىناسقانداردىڭ تەمەكى شەگۋىنە، بىرەۋگە تەمەكى بەرۋىنە، بىرەۋدى تەمەكى شەك دەپ ءناسيحاتتاۋىنا بولمايتىنى؛ ۇكىمەت اقشاسىمەن تەمەكى تۇتىنۋ قاراجاتىن تولەۋگە قاتاڭ تيىم سالۋ تالاپ ەتىلگەن.

  ءتىلشىنىڭ تەكسەرۋى: تەكسەرۋگە قاراعاندا، ەلىمىزدە ەر  وقىتۋشىلاردىڭ %50.2 ى، ەر مەديتسينا قىزمەتكەرلەرىنىڭ      %47.3 ى، ەر قىزمەتكەرلەردىڭ %61 ى تەمەكى شەگەدى  ەكەن، تەمەكى شەگەتىن قىزمەتكەرلەردىڭ %52.7 ى تەمەكىنى تاستاپ كورمەگەنىن، %37.3 ى عانا جۋىق ارادا تەمەكى تاستاۋ  نيەتى بار ەكەنىن ايتقان. باسشى كادرلاردىڭ الەۋمەتتىك ورىنداردا تەمەكى شەگۋگە تيىم سالۋعا باستاماشىلدىق ىستەۋى جونىندەگى بەلگىلەمە تەمەكى شەگۋگە تيىم سالۋ ەڭ قيىن، ەڭ كۇردەلى بولعان ءبىر ۇلكەن شوعىردىڭ شىمبايىنا باتتى. جاقىندا شينحۋا اگەنتتىگىنىڭ تەمەكى كاسىپ سالاسىنا تالداۋ جاساۋشى باس شولۋشىسى شۇي يۇن تىلشىگە بەرگەن سۇحپاتىندا بىلاي دەدى: تەمەكى شەگۋگە تيىم سالۋ جونىندەگى وسى رەتكى     «جارلىق» تاريحتاعى ەڭ قاتاڭ  «جارلىق» بولدى، ونىڭ ۇستىنە ول ءدال ەلىمىزدىڭ ءداستۇرلى مەرەكەسى-جاڭا جىل، شاعان مەرەكەسى قارساڭىندا العا قويىلدى. ەندى ءمانساپتىلار بۇل «قىزىل سىزىقتان» اتتاۋدان جۇرەكسىنەتىن، بازارداعى زاردەن قىمبات تەمەكىنىڭ ساۋداسى دا قۇلدىرايتىن بولدى.

  جىل سايىن مەرەكە-مەيرامداردا باسشى كادرلارعا قىمبات تەمەكى تارتۋ ەتىپ كەلە جاتقان ءبىر شاعىن سەرىكتەستىكتىڭ قوجايىنى بىلاي دەدى: مەملەكەت قاتاڭ بەلگىلەمە شىعارعان ەكەن، ەندى بايقاماساق بولمايدى، تەمەكى تارتۋ ەتەمىز دەپ بىرەۋدىڭ سورىنا قالساق وبال عوي!

  جۇرتتىڭ ىندىنى: «الدىڭعى اربا قالاي جۇرسە، سوڭعى اربا سولاي جۇرەدى» دەگەن اتالى ءسوز بار. الەۋمەتتىك ورىنداردا تەمەكى شەگۋگە تيىم سالۋدى باسشى كادرلاردان باستاۋ وتە دۇرىس. بۇل كۇندەرى جوعارى سورتتى ءبىر قوراپ تەمەكىنىڭ ءوزى  1000 يۋاننان اسىپ كەتەدى، «ورامال تون بولمايدى جول بولادى» دەمەكشى، قاراپايىم «جورا-جوسىنعا» جۇرەتىن ءساليقالى ساۋعاعا اينالعان سول ءبىر قوراپ تەمەكىنىڭ ءوزى كەيدە ۇقىق-مۇددە ساۋدا قاتىناسىن قالىپتاستىرىپ جاتاتىنى بار. ەڭبەكشى حالىق اراسىندا «باستىق تەمەكى ساتىپ المايدى، شەككەندى عانا بىلەدى» دەگەن ءسوز بار. بەرتىنگى جىلدارى باسشى كادرلاردىڭ زاردەن قىمبات تەمەكى شەگەتىنى تالاي رەت اشكەرەلەندى، بۇل پارتيا مەن ۇكىمەتتىڭ وبرازىنا، بەت-بەدەلىنە داق ءتۇسىردى. وسىعان مەڭزەس، ورتالىق بۇل جولى باسشى كادرلاردىڭ الەۋمەتتىك ورتادا باستاماشىلدىقپەن تەمەكى شەكپەۋىن تالاپ ەتتى، بۇل تەمەكى شەگەتىندەردى الەۋمەتتىك ورتادا تەمەكى شەكپەۋگە، كوپتى زاڭ-تارتىپكە بويسۇنۋعا جەتەلەۋدە، جالپى حالىقتىڭ دەنساۋلىعىن قورعاۋدا ماڭىزدى ىلگەرىلەتۋ رولىن اتقارادى.

  مەديتسينا ماماندارى بىلاي دەپ قارادى: اۋانىڭ لاستانۋى بارعان سايىن اسقىنىپ، ازىقتىق قۇرىلىمى وزگەرىپ، ادامداردىڭ تۇرمىس ريتىمى جيىلەپ، ارەكەتى ازايىپ بارا جاتقان، ءار الۋان اۋرۋلار جارىققا شىعىپ، جاستار اراسىندا دا بەلەڭ بەرە باستاعان قازىرگى جاعدايدا باسشى كادرلاردىڭ الەۋمەتتىك ورىنداردا تەمەكى شەگۋگە تيىم سالۋ بەلگىلەمەسىن باستاماشىلدىقپەن اتقارۋى جۇرتشىلىقتى اقاۋسىز تۇرمىس ءتاسىلىن قالىپتاستىرۋعا جەتەلەۋ رولىن اتقارادى.

  ەلىمىز تەمەكى شەگۋگە تيىم سالۋ جونىندەگى حالىقارالىق شارتقا قول قويعالى 10 جىل بولدى، بۇكىل جەر جۇزىندە كوك تەمەكى ونىمدەرىنىڭ ساتىلۋ مولشەرى %10 ازايدى، ءبىراق  ەلىمىزدە %41.8 ارتتى؛ ارتۋ قارقىنى دۇنيە بويىنشا ەڭ جوعارى دەڭگەيگە جەتتى. زاتىندا ۇكىمەت تەمەكى شەگۋگە تيىم سالۋدىڭ جارشىسى بولۋى كەرەك ەدى، ءبىراق وكىنەرلىگى سول، كەي جەرلەردە ۇكىمەت تەمەكى ساتىپ الۋشىعا نەمەسە ساتۋشىعا اينالىپ قالعان.

  كوپتەگەن باسشى كادرلار تەمەكى شەگەدى، بۇل ونىڭ ءوز دەنساۋلىعىنا زيان، ونىڭ ۇستىنە سول ورىننىڭ ءىس-تۇتەكسىز مادەنيەتتى ورتا جاراتۋىنا پايداسىز، تەمەكى شەگەتىن باسشى كادر بۇل جاعىنان تاماشا ونەگەلىك رول اتقارا المايدى. جۇڭگو جۇقپالى اۋرۋلار جانە ودان ساقتانۋ-تىزگىندەۋ ورتالىعىنىڭ ورىنباسار مەڭگەرۋشىسى لياڭ شياۋفىڭ بىلاي دەدى: الداعى جەردە ءبىز ەرەجە-ءتۇزىم بەلگىلەۋ، ورتانى ورنالاستىرۋ، ورتانى باقىلاۋ-ولشەۋ، باعالاۋ جانە تەمەكى تاستاۋ جونىنەن قىزمەت وتەۋ  سياقتىلاردى قامتىعان كوپتەگەن قىزمەتتەردى ىستەيمىز. كوپشىلىكتىڭ، احپارات قۇرالدارىنىڭ الەۋمەتتىك ورىنداردا تەمەكى شەككەندەردى سۋرەتكە تارتىپ الۋ سياقتى تاسىلدەرمەن الەۋمەتتىك ورتا تازالىعىن، باسشى كادرلاردىڭ قىزمەت ورتاسىن باقىلاۋىن    ءۇمىت ەتەمىز. باسشى كادرلاردى تاربيەلەيتىن پارتيا مەكتەپتەرى، اكىمشىلىك ينستيتۋتتار پارتيالى كادرلاردى تەمەكى شەگۋگە تيىم سالۋ جونىندەگى مازمۇندارمەن دە تاربيەلەۋى كەرەك.

  شيەحى مەديتسينا ۋنيۆەرسيتەتىنىڭ پروفەسسورى يان گۇڭحۋان بىلاي دەدى: ءبىزدىڭ جۇڭگودا باسشى كادرلاردان باستاپ تەمەكى شەكپەگەندە عانا تەمەكىگە تيىم سالۋعا بولادى،  الەۋمەتتىك ورتادا تەمەكى شەگۋگە تيىم سالۋدى بەينە ءىرىپ-شىرۋگە قاراعان سياقتى مىقتى يگەرگەندە عانا، ودان بەلگىلى  ونىمدىلىككە قول جەتكىزۋگە بولادى.

  شينتان دەنساۋلىق زەرتتەۋ ورتالىعىنىڭ ورىنباسار مەڭگەرۋشىسى ۋ ي-چۇن بىلاي دەدى: باسشى كادرلاردىڭ الەۋمەتتىك ورتادا تەمەكى شەگۋى قوعامدا ناشار ىقپال قالدىرادى،   ونىڭ ۇستىنە الەۋمەتتىك ورتادا تەمەكى شەككەن ونداي باسشى كادردىڭ سول مەكەمەدە تەمەكى شەگۋگە تيىم سالۋ جونىندەگى بەلگىلەمەنى ءجوندى تياناقتاندىرۋى دا ەكىتالاي، سوندىقتان  الەۋمەتتىك ورتادا تەمەكى شەگۋگە تيىم سالۋ ءۇشىن ءىستى الدىمەن باسشى كادرلاردان باستاعان ءجون، باسشى كادرلاردىڭ ونەگە كورسەتۋى توتەنشە ماڭىزدى.

  الەۋمەتتىك ورتادا تەمەكى شەگۋگە تيىم سالۋ جونىندەگى بەلگىلەمەگە بويسۇنباعان كادرلاردى قايتۋ كەرەك؟ بۇل تۋرالى ۋ ي – چۇن بىلاي دەدى: الەۋمەتتىك ورتادا تەمەكى شەگۋگە تيىم سالۋ جونىندەگى «ۇقتىرۋدىڭ» 5-تارماعىندا: «باسشى كادرلار جۇرتشىلىقتىڭ جانە احپارات دانەكەرلەرىنىڭ باقىلاۋىن ىرىقتىلىقپەن قابىلداۋى كەرەك» دەپ بۇعان ايقىن جاۋاپ بەرىلگەن.  ەگەر الەۋمەتتىك ورتادا تەمەكى شەككەن باسشى كادرلار بايقالسا، الدىمەن ءجونىن ايتۋ، ەگەر وعان قۇلاق اسپاسا سۋرەتكە تارتىپ  الىپ، قوعامعا جاريالاۋعا بولادى. ويتكەنى ورتالىق ءىرىپ-شىرۋگە قارسى تۇرۋ، ستيلدى دۇرىستاۋ جونىندە ارت-ارتىنان تۇرلىشە شارالاردى العا قويىپ جاتقان وسى تۇستا، الەۋمەتتىك ورتادا تەمەكى شەگۋگە تيىم سالۋ جونىندەگى   «بەلگىلەمەنى» دە ءمانساپتىلاردىڭ ستيلىن دۇرىستاۋ سىندى پاكتىك قۇرىلىسىنىڭ مازمۇنىنا ەنگىزىلەتىن مازمۇن ەتۋگە بولادى.
 
 « شينجياڭ زاڭ گازەتىنەن »

  رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn