ەەڭ جاڭا مازمۇندار
جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى

زەرەك جابايى سيىر

جولدانعان ۋاقىتى : 2014/1/27 17:23:28

يە شىڭتاۋ
 

    جاپان تۇزدەگى ورماندا قالىڭ جابايى سيىر مەكەندەپتى. ولار سۋدىڭ تۇنىعىن ءىشىپ، ءشوپتىڭ شۇيگىنىن جەپ، الاڭسىز ءومىر كەشىرىپتى.

  ءبىر كۇنى ورماندا جايىلىپ جۇرگەندە پوچتاليون ءبىر پارشا حات اكەلىپ بەرەدى. حاتتى العان سيىر مۇقيات كورىپ:

  -بىزگە قالادا تۇراتىن قانداستارىمىز حات جازىپتى! -دەپ قۋانا ايعايلايدى.

  تاياۋ ماڭداعى سيىرلار ەستىسىمەن دەرەۋ جيىلىپ، بارلىعى ءبىر اۋىزدان:

  -تەز، اشىپ كورەيىك!-دەيدى. حاتتى العان سيىر كانۆەرتتى جىرتىپ، بارقىراعان داۋىسىمەن حاتتى وقي باستايدى:

  « بەت كورىسپەسەك تە اتا-بابالارىمىزدان ەستۋىمىزشە، سوناۋ شالعايدا ءبىزدىڭ ناسىلدەس قانداستارىمىز بار، ولار سىزدەر ەكەنسىزدەر، سىزدەردى قاتتى اڭسادىق، باس قوساتىن كۇنىمىز بولار ما دەپ ارماندايمىز، ساقالى ساپسيعان ەشكى، مەس قارىن دوڭىز سياقتىلاردىڭ بىزبەن ءۇش قايناسا سورپاسى قوسىلمايدى، ءبىز تەك سىزدەرمەن بىرگە بولۋدى، ورتاق تۇرمىس كەشىرۋدى قالايمىز، سەبەبى، سىزدەر ناسىلدەس قانداستارىمىزسىزدار.

  ءبىزدىڭ بۇل جەر تاماشا، تۇراعىمىز جايلى، قاڭىلتاق كەرپىشتەن سالىنعان، جەيتىنىمىز بالاۋسا ءشوپ، سىزدەردىڭ بىزبەن بىرگە جايلى تۇرمىس كەشىرۋلەرىڭىزدى ءۇمىت ەتەمىز. ورمان ىشىندە جايىلىپ جۇرگەندە، جاڭبىر شەلەكتەپ قۇيىپ كەتسە  قيىن عوي، سىزدەر جاقتا سەلەۋ عانا وسەتىن شىعار، ول قايتىپ قارىن تويعىزادى. كەلىڭىزدەر، مۇنداعى دۇنيەنىڭ قىزىعىن بىرگە كورەيىك.

  قازىر بارلىعى قولايلى، جولدى الىسسىنباڭىزدار، پويەزگە وتىرساڭىزدار ءۇش كۇندە جەتىپ كەلەسىزدەر، پويەزگە وتىرىپ كورمەگەن شىعارسىزدار؟ پويەز ۆاگوندارى تاقتايمەن قورشالعان، تاقتاي اراسىنداعى ساڭلاۋدان اۋا الماسىپ تۇرادى ءارى سىرتتاعى كورىنىستەردى كورە الاسىزدار. نە بولسا دا بەلدى بەكەم بايلاپ، پويەزگە وتىرىڭىزدار. بۇل جەردە سىزدەردى كۇتىپ الۋعا ساقاداي ساي تۇرامىز.

  قالادا تۇراتىن قانداستارىڭىزدان».

  جابايى سيىرلار حاتتى وقىپ توتەنشە قۋانادى. قيىرداعى قانداستارى دۇنيەنىڭ قىزىعىن بىرگە كورۋگە شاقىرادى دەگەن كىمنىڭ ويىنا كەلسىن. دەسەدە، بارلىعى قازىر-اق اتتانىپ كەتۋ كەرەك پە، الدە ءبىراز كۇن توسا تۇرعان ءجون بە دەگەن ويدىڭ اۋرەسىنە تۇسەدى.

  ءبىر جابايى سيىر:

  -بارىپ كورگەنىمىز ءجون، ءبىز پويەزگە ءتۇسىپ كورمەدىك، ول  پالەكەتتىڭ قانداي ەكەنىن دە بىلمەيمىز، حاتتا ايتىلۋىنشا، قولايلى دەگەن كۇندە دە ءۇش كۇن ۋاقىت كەتەدى دەپتى عوي، -دەيدى.

  تاعى ءبىر جابايى سيىر:

  -قاڭىلتاق كەرپىشتەن سالعان قورادا تۇرامىز دەيدى، ونىسىنا ءبىز ۇيلەسە الامىز با؟ مەنشە كۇن تۇسپەيتىن، اينالانى كورە المايتىن قورادا تۇرساڭ، ءىشىڭ پىسىپ زەرىكپەيسىڭ بە؟

  ءۇشىنشى جابايى سيىر:

  -ولار بالاۋسا ءشوپ جەيمىز دەيدى، مەن ونداي شوپكە تويا قويمايمىن، ءبىز پىسىپ-جەتىلگەن شوپتەردى جەيمىز، ءدامى بولەك قوي، - وسىنى ايتادى دا ەڭكەيىپ شوپتەن قاربىتا اساپ، كۇيسەي باستايدى.

  ءتورتىنشى جابايى سيىر:

  -ولاردىڭ جاقسى تىلەگىن جەردە قالدىرمايىق، قايتسەكتە ءبىر ۇتىمدى امالىن تابايىق، - دەيدى.

  ىشتەرىندەگى زەرەك جابايى سيىر باسىن كوتەرىپ:

  -ولار ءبىزدىڭ بارۋىمىزدى اڭساپ وتىر، ءبىزدىڭ دە بارعىمىز كەلەدى، ءبىز تەك جولدا قينالىپ قالۋدان، بارعان سوڭ جاڭا ورتاعا ۇيلەسۋ-ۇيلەسپەۋدەن الاڭدايمىز، بولماسا ىشىمىزدەن ۋاكىل سايلاپ، سول ۋاكىلدى جىبەرىپ، جاعداي ۇعىسايىق، ولارعا راقىمەتىمىزدى جەتكىزەيىك، شىنىندا، جانعا جايلى بولسا، سودان سوڭ تۇگەل بارايىق.

  -مىناۋ تاماشا وي ەكەن!-دەپ توپتى جابايى سيىرلار شۋ ەتە تۇسەدى، قۇيرىقتارىن  سىلكىلە، قوسىلاتىندارىن بىلدىرەدى.

  ءبىر جابايى سيىر:

  -سەنى سايلايمىز، ىشىمىزدە سەن زەرەكسىڭ، -دەيدى.

  -قوسىلامىز، -دەسىپ كوپشىلىك قۇيرىقتارىن سىلكىلەدى.

  الگى زەرەك جابايى سيىر جەدەل دايىندالىپ، جالپى جابايى سيىرعا ۋاكىل رەتىندە قالاداعى  قانداستارىنىڭ تۇرمىس جاعدايىن كوزبەن كورىپ كەلۋگە اتتانادى.

  ول پويەزگە شىققانىندا جول شەتىندەگى اعاشتار ارتقا قاراي زىمىراي، جاپان دالا ۇرشىقشا شىر اينالادى، بۇندايدى ەجەلدەن كورمەگەن ەدى،  ۆاگوندارى قۋىقتاي تار ەكەن، نىعالعان جولاۋشىدان ينە شانشار بوس جەر جوق، ەگەر قالادا تۇراتىندار ۇنەمى وسىنداي كولىككە تۇسسە، جاندارىنا تىنىشتىق جوق دەگەن ءسوز. پويەزدەن ءتۇسىپ ماڭايىنا ويلانا كوز جۇگىرتىپ تۇرعاندا، ءبىر توپ سيىر  شۋلاپ-شۇرقىراپ كەلىپ تابىسادى:

  -قارسى الامىز! قارسى الامىز!- سودان سوڭ اينالا قورشاپ، جاقتارىن سۇيكەپ قۇرمەت بىلدىرەدى، سوڭىنان ونى ءبارى قاۋمالاپ قوراعا باستايدى.

  قورانى كورسەتىپ، وقىرداعى شوپتەن اۋىز تيگىزەدى ءارى مۇنىڭ ءبارىن ارنايى ادام دايىنداعانىن،  وزدەرىنىڭ باس قاتىرمايتىنىن، سىرتقا شىققىلارى كەلمەسە، جىل بويى قورادا تۇرسا دا جەم-شوپتەن تارىقپايتىنىن ايتادى.
 
  جابايى سيىر بۇنىڭ بايىبىنا بارا الماي:

  -ادامدار نەلىكتەن سەندەرگە قورا مەن ءشوپ دايارلاپ بەرەدى؟

  -سەبەبى ولار بىزبەن تاتۋ تۇرادى، سوندىقتان وسى دۇنيەلەردى بىزگە دايىنداپ بەرەدى.

  -ءىستىڭ جايى بۇلاي بولماسا كەرەك؟ مەن قۇنىتتاپ ارالاپ شىعايىن، سوندا كوزىم انىق جەتەر.

  -ارالاپ كور، -دەدى قالا سيىرلارى تەگىس كۇلىپ، -مىنا جەردە بىرنەشە كۇن تۇرساڭ عانا ءبىزدىڭ تۇرمىسىمىزدىڭ قانشالىق جايلى، ادامداردىڭ قانشالىق مەيىرىمدى ەكەنىن ۇعىناتىن بولاسىڭ.

  جابايى سيىر بىرنەشە كۇن ەرۋ بولادى، قورانىڭ ىشىندە تىنىسى تارىلىپ، ورمانداعىداي سالقىن لەپ بولمايتىنىن سەزەدى، بۇنداعى ءشوپ جۇمساق بولعانىمەن، تۇزدەگى شوپتەي ءدامدى، ءنارلى ەمەس ەدى، بۇلاردى ايتپاعاننىڭ وزىندە ادامداردىڭ سيىرلارمەن قارىم-قاتىناسىنىڭ    قانداي ەكەنىن ءبىلۋدى ءجون سانايدى.

  ول قالا سيىرلارىمەن بىرگە قورادان شىققاندا، ءىستىڭ انىق-قانىعىنا كوزى جەتەدى، قوراعا قايتىپ  كەلگەن  سوڭ،  قالا سيىرلارىنا   شىن   پەيىلىمەن: «سەندەر قاتەلەستىڭدەر، ادامدار سەندەرمەن تاتۋ ەمەس ەكەن، ولاي بولماسا نەلىكتەن سەندەردى بيشىكپەن شىقپىرتادى؟ » دەيدى.

  -بۇل ايتقانىڭ ءجون عوي. دەسەدە، ءبىز جولدان اداسىپ، قوراعا ءتۇزۋ قايتپاعاندىقتان، بىزگە يە  بولا  الماي،  بيشىك ءۇيىرىپ ءتۇزۋ جول نۇسقايدى. بۇنى بيشىكپەن سابادى دەۋگە بولماس .
جابايى سيىر ولارعا:

  -باستارىڭدى دۋالاپ تاستاعان ەكەن، الدا سەندەردى بۇدان دا قورقىنىشتى ىستەر كۇتىپ تۇر. مىنا ادام قاساپشى ەكەن! الگىندە وعان جاقىنداعاندا، دەنەسىنەن قاننىڭ كۇلىمسى ءيىسىن سەزدىم، تۇپ-تۋرا ءبىزدىڭ  قانداستارىمىزدىڭ قانى. ول نەلىكتەن سەندەرگە قورا سالىپ، اۋىزدارىڭا جەم-ءشوپ توسەيدى، وسىنى دا تۇسىنبەيسىڭدەر مە؟- دەيدى ەسكەرتىپ. 

  قالا سيىرلارى ۇرەيلەنە باستايدى، ءبىر-بىرىنە جالتاق-جالتاق قاراپ كۇمىلجيدى:

  -ولاي ەمەس شىعار؟

  جابايى سيىر:

  -ولاي ەمەس دەيسىڭدەر مە؟ سيراقتارىڭدى بۋىپ، پىشاعىن جالاڭداتقان كەزدە وكىنگەندەرىڭمەن ورنىنا كەلمەيدى.

  -وندا نە ىستەيمىز؟ -دەدى كەيبىرەۋلەرىنىڭ سالىندىسى سۋعا كەتىپ.

  -مەنىڭ ءسوزىمدى ۇقساڭدار، تۇگەل بۇل ارادان كەتىڭدەر.

  -مىنا ارادان كەتىڭدەر؟ قايدا بارامىز، قايدا بارىپ كۇنەلتەمىز؟

  جابايى سيىر:

  -دۇنيەدە جەر كەڭ عوي، سيراقتارىڭدى ارەكەتتەندىرسەڭدەر قايدا بولسا دا جەتەسىڭدەر! قورادا عانا ءومىر ءسۇرۋ كەرەك پە؟ ورمانداعى تىرلىك ناعىز تىرلىك! ناۋاداعى ءشوپتى عانا جەي بەرمەكسىڭدەر مە؟ ەمىن-ەركىن جايىلىپ، نە جەگىلەرىڭ كەلسە سونى جەگەندەرىڭ دۇرىس. سەندەر بۇل ارادا تۇرا بەرگەندى ءومىر ءسۇرۋ دەپ ۇقپاڭدار، دۇنيەنىڭ ءارقانداي جەرىندە تىرشىلىك ەتۋىمىزگە بولادى. 
ءبىز  جابايى سيىرلار وسىنى بىلگەندىكتەن، ەجەلدەن حاۋىپ-قاتەرگە ۇشىراعان ەمەسپىز. سەندەر ماڭگى قاتەردىڭ ىشىندە ءومىر سۇرەسىڭدەر، وسىنى ۇعىنساڭدارشى!

  ءبىر ساۋىن سيىر:

  -بىزگە بۇل ارادان كەتىپ قال دەيسىڭ، قايتىپ كەتە الامىز؟ قانشا قاشقانىمىزبەن، ادام ءبىزدى قۋىپ جەتەدى. قايتىپ كەلمەسەك، بيشىكپەن سابايدى.
 
  جابايى سيىر كۇلىپ جىبەرەدى:

  -سىناپ كورمەسەڭدەر قايدان بىلەسىڭدەر؟ سەندەر تۇس-تۇسقا قاشساڭدار، قايسىلارىڭدى قۋالاپ جەتە الادى، ول قۋمايتىن بولعاندا، قايتادان بىرىگىپ الساڭدار بولدى ەمەس پە؟!

  -تاعدىرىمىز ءۇشىن نەدە بولسا سىناپ كورەيىك، دەسەدە، بۇل ارادان كەتىپ، سەرگەلدەڭ تۇرمىس كەشىرۋدىڭ جايى قالاي بولار، ويلاساڭ دەنەڭ تۇرشىگەدى.

   ەرتەسى قالا سيىرلارى ورىسكە شىقتى، جابايى سيىر دا بىرگە جايىلدى، سيىر باعۋشى ۇيدە پىشاق قايرادى.

  جابايى سيىر قالا سيىرلارىنا ەسكەرتىپ:

  -ەستىدىڭدەر مە؟ ۋاقىت جەتتى، ەندى ايالداۋعا بولمايدى!

  قالاداعى سيىرلار ءبىر-بىرىنە ۇدىرەيىپ، دەمدەرى ىشىنە ءتۇسىپ، بەزگەك قىسقانداي قالشىلداپ كەتەدى.

  جابايى سيىر باتىلدانا ايعاي سالىپ:

  -ءومىر سۇرگىلەرىڭ كەلسە، ەرجۇرەك بولىڭدار! اياقتارىڭدى شاپشاڭ باسىپ، جان-جاققا بىتىراي قاشىڭدار!

  جابايى سيىردىڭ ايعايى قالا سيىرلارىنا باتىل رۋح سيلايدى، قالا سيىرلارى وجەتتەنە، شيراقى قيمىلداپ، تۇس-تۇسقا قاشادى. قاشقان سايىن وزدەرى تۇرعان قورا مەن   ۇنەمى   جايىلاتىن ورىستەرى ارتتا قالىپ، الىستاي بەرەدى.

  سيىر باعىپ جۇرگەن ادام نە بولعانىن بىلمەي اڭىرىپ، قولىنداعى پىشاعىن تاستاي سالىپ قۋا جونەلەدى، قايسى ءبىرىن قۋىپ جەتسىن! ورنىندا سىلەيىپ تۇرىپ قالادى، ءورىس قاڭىراپ، كوتەرەم تايىنشا دا قالمايدى.

  قالا سيىرلارى  ءار  تۇستان جيىلىپ قايتا باس قوسىپ:

  -ەجەلگى مەكەننەن الىسقا كەتۋ دە قيىن شارۋا ەمەس ەكەن.

  جابايى سيىر:

  -مەنىمەن بىرگە جابايى سيىرلاردىڭ تۇرمىسىن كورىڭدەر. 

  قالا سيىرلارى جابايى سيىرلار تۇراتىن ورماندا جايلى تۇرمىس كەشىرەدى.
 
اۋدارعان - قۋات جۇماش ۇلى

  رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn