ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

اعاشقا سالىنعان بەلگى

جولدانعان ۋاقىتى : 2014/1/27 17:19:09

ميچي وتتوسوزۋكي (جاپونيا)
 
  التى جىلدىڭ الدىندا توكيادا ەشكىمنىڭ ويىنا كىرمەگەن اۆتوموبيلدىڭ كوبەيۋى بولدى. كوبەيگەنى سونشالىق، ءتىپتى، جاياۋلار جولىنا دەيىن شىعىپ العاندا، قايدا قاشارىڭدى بىلمەي دال بولاسىڭ. جولدا كەلە جاتقان ليڭتيان جيگاڭدى قۇشاقتاي جالمانىنان ءتۇستى. ازەر دەگەندە مەرزىمى تولىپ، ەندى عانا ەركىندىك العان ول ءۇش ساعات وتپەي جاتىپ-اق، ودان دا مۇشكىل حالگە تۇسكەن ەدى. قىرسىقتىڭ   نەعىپ  ءوزىن وسىنشاما ايلاندىرىپ العانىنىڭ بايىبىنا بارا الماي كۇيىپ كەتتى. جيگاڭنىڭ اياعى عانا سىنعانىمەن، ليڭتيان جاراقاتىنىڭ سالماقتى ەكەنىن سەزىندى. شيپاحانا وتا جاساعانعا دا وڭاي ۋاقىت جۇمساماس-اۋ.

  -ولەتىن بولدىم عوي. مۇنداي بولعاندا، ولسەم دە كوزىم جۇمىلماي كەتەر. ەستىپ وتىرسىڭ با، جيگاڭ؟

  - كوپ وتپەي جازىلىپ كەتەسىڭ.

  - مەنىڭ وسيەتىمدى ورىندايتىن بول، بولا ما؟

  كەش باتىپ، ەل ۇيقىعا كەتكەن كەز. ءوزىن زورعا ۇستاپ، جانىنداعى توسەكتە جاتقان جيگاڭعا ىڭىرسي ءۇن قاتتى.

  -ءبىر كونە قورجادا مەنىڭ جالعىز قىزىم تۇرادى. سەن وعان قالدىرعان اقشالارىمدى تابىس ەتسەڭ، البەتتە، وزىڭە دە ۇشتەن ءبىرىن بەرۋىمە بولادى. ساعان بەرگەن ۇشتەن ءبىردىڭ ءوزى ءبىر ميلليون ءۇش ءجۇز وتىز  مىڭ يەن شىعادى. مىنا قاعازعا ونىڭ مەكەن-جايىن جازىپ قويدىم.

  ليڭتياننىڭ بەرگەن قاعازىن الىپ جاتقان جيگاڭ:

  - نەدەگەن كوپ اقشا، قايدا قويىپ ەدىڭىز؟

  -جالپى ءتورت ميلليون يەن تۇرادى. كوركەم توكيو قالاسىنىڭ ءبىر جەرىنە ماي قاعازعا  ەكى ءبولىپ كومىپ  تاستاعانمىن. ءبىراق، ول جەر اۋىل-قىستاق سەكىلدى وتە شالعايداعى ورماندى ءوڭىر.

  ول ءمان-جايدى تولىق ءتۇسىندىرىپ بولعان سوڭ:

  -الاڭداما، اقشانى ءبىر بايتەرەكتىڭ تۇبىنە كومىپ، وعان بەلگى سالىپ كەتكەنمىن. قانشا شۇقشيعان بىرەۋ بولسا دا وڭايشىلىقپەن بايقاي قويمايدى. ول بەلگى جۇرەككە قادالعان جەبەنىڭ بەينەسى، جوعارى جاعىندا ءتورت تال، استىڭعى جاعىندا ءۇش تال قاۋىرسىنى بار قاۋىرسىن جەبە. مىنە، بۇل ونىڭ ناقتى بەلگىسى سانالادى.

  -ءتورت ميلليون، ون مىڭى ءبىر قاعازدان بولعاندا، تۇپ-تۋرا ءتورت ءجۇز قاعاز با؟

  -ءيا، تۇپ-تۋرا قىرىق بۋما اقشا. ول كەزدە ءبىر قاعازدان تۇراتىن ون مىڭدىق يەن دە، بەس مىڭدىق يەن دە بولمايتىن.

  - سوندا، ءسىز وسى اقشالاردىڭ سەبەبىنەن قولعا ءتۇستىڭىز بە؟ قازىرگە دەيىن جاسىرىپ كەلگەن، راسىندا، مىقتى ەكەنسىز. اقشانى وعان جەتكىزىپ بەرۋىمە بولادى. ءبىراق، ماعان تەڭ جارتىسىن بەرەسىز.
-لاجى جوق، وندا سولاي-اق بولسىن. دەسەدە، اپارىپ بەرمەيتىن بولساڭ، شايتانعا اينالىپ كەتسەم دە سەنى تەككە جىبەرمەيمىن، نانباساڭ سىناپ كور.

  ليڭتياننىڭ كوڭىلى ەندى جاي تاپقانداي بولدى. ەسىنەن مۇلدەم كەتپەي، باسىن اۋىرتىپ كەلگەن وسى اقشالارىن اقىرى ىڭعايلاستىرىپ كەتەتىن بولدى. ءاسىلى، بۇل اقشالاردى بىرەۋمەن بىرلەسىپ توناعان ەدى. جانىنداعى سەرىگى ەرتەڭىندە قولعا ءتۇسىپ اتىلىپ كەتتى دە جاندارىن تىگىپ ىستەگەن بۇل قيمىلدارى ساتسىزدىكپەن تىنعان بولاتىن. دەسەدە، سوڭىندا سوتتا ايعاق بولارلىق سەرىگىنىڭ كوزى     جويىلعان  ول وسىنشاما قوماقتى اقشاعا جالعىز ءوزى يە بولىپ قالا بەرگەن .

  -جارايدى، اقشانى ءسوز جوق اپارىپ بەرەمىن.

  جيگاڭ ونىڭ اماناتىنا ماقۇل بولعانىمەن، جاراقاتى كوپكە دەيىن جازىلماي شيپاحانادان ازەر شىقتى. ءبىر عاجابى، جاراسى سالماقتى ليڭتيان دا سول كۇنى شيپاحانادان شىقتى.

  -انەۋ كۇننەن بەرگى اڭگىمەلەردى ەسىڭنەن شىعارىپ جىبەرگەيسىڭ!-دەدى ليڭتيان شيپاحانادان شىعا سالىپ جيگاڭعا. بۇعان كونە قويماعان جيگاڭ سول كۇنگى بىرگە جاتقان تۇسەلحانادان شىعا سالىپ، ۆاگزالعا قۇنى-پەرەن  تارتىپ وتىردى. ليڭتيان جول بويى جالىنىپ-جالبارىنۋمەن بولسا، ەسىرگەن جيگاڭ جارتىسىن الماي قويمايمىن دەپ قاسارىسۋمەن ۆاگزالعا بارىپ ءبىر-اق توقتاعان-دى:

  -سوندا اقشانىڭ جارتىسىن بەرگىڭ كەلمەيتىن بولدى عوي، ءتىپتى، وسى اقشانى ءبىر-اق الىپ السام دا قولىمنان كەلەدى.

  قانى باسىنا ءبىر-اق شاپشىعان ليڭتيان پويەز ۆاگزالعا كىرىپ كەلە جاتقاندا، وزىنە قاراپ ىرجيىپ تۇرعان جيگاڭدى تەمىر جولعا يتەرىپ قالدى دا الاساپىران اراسىندا زىتىپ بەردى.

  بىلاي شىعىپ العان ول باعدارىن مولشەرلەپ، نىسانالى جەرىنە جەتىپ بارعانشا كەش باتىپ، ىمىرت ءۇيىرىلىپ كەتتى. ءبىراق، ونىڭ اعاشقا سالعان بەلگىسىن قويىپ، ورماننىڭ قاراسى  كورىنبەدى.  جولدان ءوتىپ بارا جاتقان بىرەۋدەن سۇراستىرىپ ەدى ول:

  - وي، الگى قوماقتى اقشا قازىپ الىنعان ورماندى ايتاسىڭ با، انە، اناۋ قاپتاعان جاڭا ۇيلەر سول ورماننىڭ ورنى بولاتىن، -دەدى.

  ءيا، وسى اينالدىرعان التى جىلدىڭ ىشىندە توكيونىڭ بۇرىش-بۇشپاعىنا دەيىن جاڭا ۇيلەر سالىنىپ بولعان ەدى.
 
اۋدارعان - ريشات سابىرباي ۇلى

  رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn