ەڭ جاڭا مازمۇندار
اق قار قىمتاپ ءدال كەزىندە قالانى، كوركى جايناپ،ارتا ءتۇستى اجارى
شي جينپيڭ حىنان ان - ياڭ قالاسى كايشيندا ساۋدا شەكتى سەرىكتەستىگىندەگى ءورت اپاتى شىرعالاڭى جونىندە ماڭىزدى نۇسقاۋ بەردى
شي جينپيڭ يندونەزيانىڭ جەر سىلكىنىسى اپاتىنا ۇشىراعاندىعىنا بايلانىستى يندونەزيانىڭ زۇڭتۇڭى جوكوعا حال سۇراۋ تەلەگرامماسىن جولدادى
شينجياڭ قىزمەتىنىڭ باستى نىسانا - مىندەتتەرىن مىقتى يگەرەيىك
الدىڭعى 10 ايدا شينجياڭنىڭ وڭدەلمەگەن كومىر ءونىم مولشەرى سايكەس مەزگىلدەگىدەن %30كە تاياۋ ارتتى
باتىس سولتۇستىك مۇناي الابىنىڭ الدىڭعى 10 ايداعى تابيعي گاز ءونىم مولشەرى سايكەس مەزگىلدەگىدەن %55 ارتتى
قورعاس شەكارا وتكەلىنىڭ بيىلعى يمپورت - ەكسپورت ساۋدا سوماسى ۇدايى 10 اي سايكەس مەزگىلدەگىدەن ارتتى
زەردەلى الەۋمەتتىك اۋماقتا تۇرمىس كەشىرۋ قانداي سەزىمگە بولەيدى
زەيىن - زەردەنى، كۇش - قۋاتتى ۇيىستىرىپ، جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەيمىز
باقتى شەكاراحالىقتارىءوزاراساۋدا بازارى قالىپتى اينالىمعا ءتۇستى
بۇقارانىڭ قيىنشىلىقتارىن شەشىپ، جۇرت كوڭىلىن جادىراتتى
كاسىپورىندارعا بارىپ قيىنشىلىقتان قۇتىلدىرىپ،سەنىمىن بەكەمدەدى
پارتيا 20 -قۇرىلتايىنىڭ رۋحىن جۇرت كوڭىلىنە ۇيالاتتى
ورمان-نۋلى قالانىڭ كۇزگى كوركى
2022-جىلى 11-ايدىڭ 25-كۇنى 248-سان
  شي جينپيڭ حىنان ان - ياڭ قالاسى كايشيندا ساۋدا شەكتى سەرىكتەستىگىندەگى ءورت اپاتى شىرعالاڭى جونىندە ماڭىزدى نۇسقاۋ بەردى
2022-جىلى 11-ايدىڭ 24-كۇنى 247-سان
2022-جىلى 11-ايدىڭ 23-كۇنى 246-سان
2022-جىلى 11-ايدىڭ 22-كۇنى 245-سان
2022-جىلى 11-ايدىڭ 21-كۇنى 244-سان
2022-جىلى 11-ايدىڭ 19-كۇنى 243-سان
2022-جىلى 11-ايدىڭ 18-كۇنى 242-سان
2022-جىلى 11-ايدىڭ 17-كۇنى 241-سان
2022-جىلى 11-ايدىڭ 16-كۇنى 240-سان
2022-جىلى 11-ايدىڭ 15-كۇنى 239-سان
2022-جىلى 11-ايدىڭ 14-كۇنى 238-سان
2022-جىلى 11-ايدىڭ 12-كۇنى 237-سان
سەلبەستىك ارمانىن اقىلداسىپ،شارۋاشىلىق قۇرۋ جوباسىن بىرگە جاسادى
تارباعاتايدىڭ ەرەكشەلىككە يە ونىمدەرىن شينجياڭنان سىرتقا شىعاردى
پارتيا قۇرىلىسى + ساياحات جاڭا جاعدايىن اشتى

قاجىرلى دا قارىمدى«كوشباسشى»

جولدانعان ۋاقىتى : 2022/9/6 13:18:29

ــ«مەملەكەتتىك ۇلتتار ىنتىماعى، العاباسارلىعىنداعى وزات جەكە» جۇڭ پيڭ جايلى
 
 
ءتىلشىمىز داي جياۋمەي
 
شاۋەشەك قالاسى اشىلى داعۇر ۇلتتىق اۋىلىنىڭ كۇلتوبە قىستاعىنا بارا قالساڭىز، كەڭ كوسىلگەن اسفالت جول، باي مازمۇندى مادەنيەت داۋالى، رومانتيكالى زىرىلداۋىق ءدالىزى، ينتەرنەتتە تانىمالى كوپىر جانە جۇزدەرىنەن باقىت كۇلكىسى ەسكەن قىستاق تۇرعىندارى قارسى الادى.

ەرەجە ـ ءتۇزىم ورناتىپ، القانىڭ ۇيرەنۋىن مىقتى يگەرىپ، قىستاق كادرلارىن ىنتىماقتاستىرىپ، باستاپ، جۇمىستاردى جوسپارلادى... كۇلتوبە قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى بولعاننان بەرى جۇڭ پيڭ بۇكىل قىستاقتاعى كادرلار مەن بۇقارانى ءورىس اشا العا ىلگەرىلەۋگە، باتىلدىقپەن جاڭالىق اشۋعا، ۇلتتار ىنتىماعىن جەبەۋگە ىنتىماقتاستىرىپ، باستاپ، قىستاق دارەجەلى باسقارۋدى بىرتىندەپ كەمەلدەندىرىپ، كوللەكتيۆ شارۋاشىلىقتى ۇزدىكسىز زورايتىپ، كورىكتى اۋىل -قىستاق قۇرىلىسىنا سۇبەلى ناتيجە جاراتىپ، قىستاق تۇرعىندارىنىڭ باقىت كورسەتكىشىن بارعان سايىن جوعارىلاتتى.

بيىل 57 جاستاعى جۇڭ پيڭنىڭ قىستاق كادرى بولعانىنا 25 جىل تولعان.


 
پارتياعا ادال «باستاماشى» بولدى

1998-جىلى جۇڭ پيڭ قىستاقتىڭ ساناق قىزمەتكەرى، ءبىر جىلدان كەيىن قىستاق تۇرعىندار كوميتەتىنىڭ مەڭگەرۋشىسى بولىپ سايلانادى.  2001- جىلى اۋىلدىق پارتكومنىڭ كورسەتۋىمەن قىستاق پارتيا ياچەيكاسىنىڭ شۋجيى، قوسىمشا قىستاق تۇرعىندار كوميتەتىنىڭ مەڭگەرۋشىسى سىندى اۋىر مىندەتتى ارقالايدى.

20  نەشە جىلدىڭ الدىنداعى كۇلتوبە قىستاعىنىڭ كوللەكتيۆ ەكونوميكالىق كىرىسى  تەرىس سان بولىپ، 50 دە 60 مىڭ يۋان قارىز ارقالاپ كەلگەن. قىستاقتا قىزمەت ىستەيتىن، جيىن اشاتىن جەرى دە جوق بولىپ، قىستاق   كادرى بولۋدى ەشكىم دە قالامايتىن ەدى. ”پارتيا ۇيىمى ماعان سەنىم ارتقان ەكەن، ۇيىمنىڭ  ءۇمىتىن اقتاۋىم كەرەك. تاباندىلىق كورسەتكەندە ءارقانداي ءىستى تىندىرىمدى ىستەۋگە بولادى“ دەدى جۇڭ پيڭ.

وسى قوماقتى قارىزدان قالاي قۇتىلۋعا بولادى دەگەن ماسەلە جونىندە جۇڭ پيڭ مەن  قىستاق كادرلارى تالاي رەت اقىلداسىپ، قىستاق تۇرعىندارىنان پىكىر الادى. «سول كەزدە قىستاقتا كىرىستى ارتتىراتىن باسقا شارا جوق بولعاندىقتان، تەك جەرگە سۇيەنۋگە تۋرا كەلدى. قىستاق تۇرعىندارىنىڭ جەرىن بىرنەشە دارەجەگە ءبولىپ، قىستاق تۇرعىندارىنا يدەيالىق قىزمەت ىستەپ، قىستاق تۇرعىندارىنىڭ ەكىنشى دارەجەلى جەرىن ۋاقىتشا قايتارىپ الىپ، كوللەكتيۆ جەر رەتىندە كوللەكتيۆ كىرىسىن ارتتىرۋعا پايدالاندىق»دەدى جۇڭ پيڭ.

مىندەتكە وتىرعاننان باستاپ جۇڭ پيڭ ءوزى ونەگە بولىپ، الدىمەن قىستاقتىڭ كەلىسىمى بويىنشا، ءوزىنىڭ كوللەكتيۆكە قايتارۋعا ءتيىستى جەرىن قىستاققا تاپسىرىپ بەرىپ، اكەسىنىڭ قىستاق قۇرىلىسىنا بوگەت بولعان ءۇيىن باستاماشىلدىقپەن شاعادى.

   مۇنان تىس، مىندەت وتەگەن كەزىندە ول پارتيا ىشىندەگى ۇيىمدىق تۇرمىستى قاتاڭ ورىستەتىپ، قىستاق دارەجەلى زاپاس كۇشتەردى كۇش سالا باۋلىپ، پارتيا مۇشەلەرى قوسىنىن   زورايتىپ، نەگىزگى ساتى پارتيا قۇرىلىسىنىڭ   ۇلگى كورسەتۋ تۇيىندەرىن كۇش سالا قۇرىپ، نەگىزگى ساتى پارتيا قۇرىلىسى تاقىرىپتىق  سارايىن، پارتيا قۇرىلىسى مادەنيەت داۋالىن  قۇرىپ، ”ىزگى ءىس ـ ارەكەت تىزىمدىگى«جانە»ماڭايداعى ىزگى جاندار ءتىزىمى“ قيمىلىن ورىستەتىپ، كۇلتوبە قىستاعىنىڭ قاعيداسى  مەن تۇرعىندار كەلىسىمىن ورناتىپ جانە  كەمەلدەندىرىپ، بارلىق قىستاق تۇرعىندارى اقىلداسىپ، ارەكەت ولشەمىن بەلگىلەپ، جەرگىلىكتى جاعدايعا قاراي ناقتى بەلگىلەمە شىعارىپ، بارلىق ادام وركەنيەتتى ادام بولۋعا تالپىناتىن، وركەنيەتتى ءىس تىندىراتىن تاماشا قىستاق سالتىن قالىپتاستىردى.

 
ۇلتتار ىنتىماعىنىڭ ۇلگىسى بولدى

كۇلتوبە قىستاعى حانزۋ، داعۇر، قازاق قاتارلى 8 ۇلتتان قۇرام تاپقان كوپ ۇلت ارالاس  قونىستانعان قىستاق.  جۇڭ پيڭنىڭ وتباسى  دا كوپ ۇلتتى وتباسى، ۇلتتار ىنتىماعىنىڭ ماڭىزدىلىعىن ول ابدەن تۇسىنەدى.

ۇلتتار ىنتىماعى، العاباسارلىعىندا وزات ورىن قۇرۋ قىزمەتى ورىستەتىلگەننەن بەرى قىستاق پارتيا ياچەيكاسى «قىزىل قوزعالتقىش» رولىن بەلسەنە ساۋلەلەندىرىپ، وزات ورىن قۇرۋ  قىزمەتى باسشىلىق گرۋپپاسىن دەر كەزىندە    قۇرىپ، يدەيانى بىرلىككە كەلتىرىپ، نىسانانى ايقىنداپ، وزات ورىن قۇرۋ قىزمەتىن جاپپاي ورىستەتتى.

قىستاق تۇرعىنى ما گوباۋ ون نەشە جىلدىڭ الدىندا سىرت جەردەن كوشىپ كەلگەن قىستاقتاعى بىردەن -ءبىر حۇيزۋ وتباسى، جاساعان تاماعى ەرەكشە ءدامدى بولعاندىقتان، جۇڭ پيڭ ونى اۋلا شارۋاشىلىعىن دامىتىپ، شارۋالار شاتتىعى ساياجايىن اشۋعا ىنتالاندىرادى. الايدا، ما گوباۋ قىستاق تۇرعىندارىنىڭ شەتكە قاعۋىنان الاڭداپ، اسحانا اشۋعا باتىلدىق ەتپەيدى. جۇڭ پيڭ  ونىمەن ىرىقتىلىقپەن جۇپ قۇراپ تۋىستاسىپ،  وعان ءجون كورسەتىپ، اۋلاسىن جوبالاۋىنا  كومەكتەسەدى.

”سول كەزدە قاتتى الاڭداعان ەدىم، جۇڭ شۋجي ايەلىن ماعان كومەككە جىبەردى. 2021-جىلى كوكتەمدە ولاردىڭ قولداپ -قۋاتتاۋىندا شارۋالار شاتتىعى ساياجايىن اقىرى اشتىم. قازىر ءار ايداعى تازا كىرىسىم 3000 يۋاننان اسادى“ دەدى ما گوباۋ.

قاجىرلى ەڭبەگىنىڭ جەمىسىن كورگەن جۇڭ پيڭ  2014-جىلى ”مەملەكەتتىك ۇلتتار ىنتىماعى، العاباسارلىعىنداعى وزات جەكە“ بولىپ باعالاندى.

 2021-جىلى جۇڭ پيڭ مەملەكەتتىك ۇلت ىستەرى كوميتەتىنىڭ ۇسىنىسى بويىنشا، پارتيا قۇرىلعاندىعىنىڭ 100 جىلدىعى بايلانىسىمەن تيان -انمىن الاڭىندا وتكىزىلگەن سالتاناتتى    قيمىلعا قاتىناسىپ، باس شۋجي شي جينپيڭنىڭ ىقىلاستى قابىلداۋىندا بولدى.

جۇڭ پيڭنىڭ ىقپالىمەن قىستاقتا ىنتىماقتى،مادەنيەتتى، ەكپىندەي ىلگەرىلەۋدى دارىپتەيتىن جاڭا سالت قالىپتاسىپ، ىلگەرىندى -كەيىندى كوپتەگەن قىستاق تۇرعىنى ۇلتتار ىنتىماعى، العاباسارلىعىنداعى وزات جەكە بولىپ باعالاندى. قىستاق تۇرعىنى گاۋ ليانشىڭ 2020 -جىلى اۆتونوميالى رايوندىق ۇلتتار ىنتىماعىنداعى ۇلگىلى جەكە بولىپ باعالانسا، قىستاق تۇرعىنى ليۋ شىسان 2021-جىلى ايماقتىق ۇلتتار ىنتىماعىنداعى ۇلگىلى جەكە بولىپ سيلاندى. ىركەس -تىركەس 13 وتباسىنا ايماق شاۋەشەك قالاسى جاعىنان كوركەم وتباسى، كورىكتى اۋلا اتاعى بەرىلىپ، 6 ادام يبالى كەلىن، جاقسى ەنە بولىپ باعالاندى...

جۋىق جىلداردان بەرى قىستاق پارتيا ياچەيكاسى قىزىل مادەنيەتتى دەموكراتيا - زاڭمەن  باسقارۋمەن ءوزارا ۇشتاستىرىپ، پارتيا قۇرىلىسىن جەتەكشى ەتۋدى وزەك، قىستاق تاريحى مۇراجايىن سۇيەنىش ەتىپ، ارناۋلى ءتۇسىندىرۋشى تاربيەلەپ، ۇلتتار ىنتىماعى جانە زاڭمەن باسقارۋ ۇگىت لەكسياسىن بار كۇشپەن ورىستەتىپ، ۇلتتار ىنتىماعى، العاباسارلىعىنىڭ، زاڭمەن باسقارۋ يدەياسىنىڭ مىعىم نەگىزىن اناعۇرلىم بەكەمدەي ءتۇستى. قىستاق تاريحى مۇراجايى ماڭىنداعى قالاشىق -فەرمالاردىڭ، قىستاق -دۇيلەردىڭ، سونداي -اق شاۋەشەك قالاسىنداعى ءارقايسى ورىنداردىڭ ەكسكۋرسيالاپ ۇيرەنەتىن ۇلگى كورسەتۋ تۇيىنىنە اينالدى. قازىرگە دەيىن 460 نەشە مايدان رەت ءار دارەجەلى ەكسكۋرسيالاپ ۇيرەنۋ ۇيىرمەسىن قابىلداپ، كادرلار مەن بۇقارادان 8600 نەشە ادام تاربيە الدى.

 
اۋىل -قىستاقتى گۇلدەندىرۋدىڭ كوشباسشىسى بولدى

قالانىڭ ۋ -شۋىنان الىستاپ، ينتەرنەت، ويىن دەگەندەرمەن قوش ايتىسىپ، ۆەلوسيپەدپەن كۇلتوبە قىستاعىنا باردىم. مۇنداعى اشىق اسپان، اقشا بۇلت، جاسىل تاۋ، كوگالدىق، اشەكەيلى داۋال، زىرىلداۋىق ءدالىز سياقتى اۋىل -قىستاقتىڭ كوركەم كورىنىستەرى مەنى بىردەن باۋراپ اكەتتى. مۇندا تاعى سارى ورىك، قىزىل شيە،  قاراقات، جالبىز، تاڭقۋراي ۆاريناسى، سونداي -اق سىلەكەيىڭىزدى شۇبىرتاتىن نان، ءسۇتتى شاي، سارى ماي سياقتىلار بار... بۇل ارادان اۋىل -قىستاقتىڭ وزگەشە ءبىر تاماشا كورىنىسىنەن ءلاززاتتانىپ، ءدامى ءتىل ۇيىرەتىن ەرەكشەلىككە يە تاعامداردان اۋىز تيە الاسىز.

ءار كۇنى ءتۇس پەن كەش ۋاقىتتارىندا قىستاق تۇرعىنى تاڭ ميڭتياننىڭ شارۋالار شاتتىعى ساياجايىنان قاقتالعان تاۋىق پەن قاقتالعان قابىرعانىڭ حوش ءيىسى اڭقيدى. وسى كۇندە ونىڭ شارۋالار شاتتىعى ساياجايىنىڭ ساۋداسى   قىزىپ تۇر، 2 مۋدان استام اۋلاسىنداعى سامسىپ پىسقان ءتۇرلى جەمىستەر مەن مەزگىلدىك كوكونىستەر كوپتەگەن ساياحاتشىلاردى وسىندا كەلىپ تەرىپ الۋعا باۋرادى.

”قىستاعىمىز بارعان سايىن كوركەيۋدە، سىرت جەردىڭ كوپتەگەن ساياحاتشىلارى قىستاعىمىزدى ەكسكۋرسيالاۋعا، ساياحاتتاۋعا، سالقىنداپ قايتۋعا كەلىپ تۇرادى. جۇڭ شۋجي ساياحاتتى دامىتۋدى دارىپتەپ، مەنى شارۋالار شاتتىعى ساياجايىن اشۋعا ىنتالاندىردى. قازىرگى ادامدار جاسىل تاعامداردى ۇناتادى، ساياجايداعى كوكونىس، جەمىس جانە ءتۇرلى ەت ونىمدەرى تۇگەلدەي ءوز قولىمىزدان شىققان، ءدامى كەرەمەت، ساياحاتشىلاردىڭ ەرەكشە قارسى الۋىنا بولەنىپ    وتىر“ دەدى تاڭ ميڭتيان.

جۋىق جىلداردان بەرى ءار دارەجەلى تاراۋلاردىڭ قامقورلىعى مەن كومەگىندە جۇڭ پيڭ مەن قىستاق كادرلارى باتىلدىقپەن جول قاراستىرىپ، جاڭالىق اشىپ، اۋىل شارۋاشىلىعىن تاماشالاۋدى، اۋىل -قىستاق ساياحاتىن، اۋلا شارۋاشىلىعىن دامىتۋدى دامۋ بەتالىسى ەتىپ بەلگىلەپ، اۋىل -قىستاقتى گۇلدەندىرۋ قۇرىلىسىن ىلگەرىلەتتى.

داعۇر ۇلتى مادەنيەتىن ىشكەرىلەي اشىپ، 1000 مۋ جەرگە كۇنباعىس، 100 مۋ جەرگە شۇعىنىق ەگىپ، شارۋالار شاتتىعى ساياجايىن، ءۇزۋ -تەرۋ باقشاسىن، حالىقتىق تۇسەلحانانى اۋىل -قىستاق ساياحاتىمەن ۇشتاستىرىپ، مادەنيەت پەن  ساياحاتتىڭ، اۋىل شارۋاشىلىعى مەن ساياحاتتىڭ توعىسۋىن ىلگەرىلەتىپ، 120 قىستاق تۇرعىنىن جۇمىستاندىرۋمەن بىرگە، سىرت جەردە جۇرگەن ەكى قىستاق تۇرعىنىن 3 ميلليون يۋان قارجى   قوسىپ، اۋىلعا  قايتىپ شارۋاشىلىق قۇرۋعا  باۋرادى.

بيىل كۇلتوبە قىستاعى اۋىل -قىستاق ساياحاتىن دامىتۋدى اۋىل -قىستاقتى گۇلدەندىرۋدىڭ ىشكى قوزعاۋشى كۇشى ەتىپ، مەرەكە ارقىلى   ساتىلىمدى ارتتىرىپ، مەرەكە ارقىلى ساياحاتتى جەبەپ، مەرەكە ارقىلى حالىقتى اۋقاتتاندىرىپ، تاڭداۋلى حالىقتىق سالت -سانا مادەنيەتىن  اۋىل -قىستاقتى دامىتۋمەن توعىستىرىپ، ”وجىبەي مەرەكەسى“، ”قاز باۋىر بۇلتتاردىڭ مەكەنى اشىلى . اۋىل -قىستاق ساياحاتى ارقىلى بولاشاققا بىرگە اتتانۋ“ سياقتى قيمىلداردى ورىستەتتى.

قازىرگە دەيىن قىستاق جيىنى 16 مىڭ ساياحاتشى قابىلداپ، 350 مىڭ يۋاننىڭ ەرەكشەلىككە يە ءدامدى تاعامدارى مەن اۋىل شارۋاشىلىق قوسىمشا ونىمدەرىن ساتىپ، قىستاقتىڭ اۋىل شارۋاشىلىق ونىمدەرىنە  بازار اشىپ، قىستاق تۇرعىندارىنىڭ جان  باسىندىق كىرىسىن ورتا ەسەپپەن 2000 نەشە يۋان ارتتىردى.

كەشەگى 300 نەشە جان سانى عانا بار كەدەي قىستاق جۇڭ پيڭ مەن قىستاق ”ەكى كوميتەتىنىڭ“، قىزمەت اترەتىنىڭ باستاماشىلدىعى مەن قىستاق تۇرعىندارىنىڭ ورتاق قۇلشىنىپ، ءتۇرلى قيىنشىلىقتاردى جەڭىپ، كونە يدەيانى تاستاپ، جاڭالىققا تالپىنۋىندا قىستاق كوللەكتيۆى مەن قىستاق تۇرعىندارىنىڭ كىرىسى ۇزدىكسىز ارتتى.  

2018-جىلى جەر ۇقىعى ايقىندالعاننان كەيىن، قىستاق كوللەكتيۆىنىڭ جىلدىق كىرىسى ءبىر ميلليون 800 مىڭعا، قىستاق تۇرعىندارىنىڭ ورتاشا كىرىسى 20 مىڭ 650 يۋانعا جەتتى.

بۇگىنگى تاڭدا كۇلتوبە قىستاعى الىس -جاقىنعا تانىمالى بولىپ، ىلگەرىندى -كەيىندى ”مەملەكەتتىك اۋىل -قىستاقتى جونگە سالۋدان ۇلگى كورسەتەتىن قىستاق“، ”اۆتونوميالى رايوندىق مادەنيەتتى قىستاق“؛ اۆتونوميالى رايوندىق اۋىل -قىستاقتى جونگە سالۋدان ۇلگى   كورسەتەتىن قىستاق، اۆتونوميالى رايوندىق مادەنيەتتى قىستاق -دۇي، زاڭمەن جونگە سالۋدان ۇلگى كورسەتەتىن قىستاق، كورىكتى اۋىل -قىستاق، ۇلتتار ىنتىماعى، العا باسارلىعىنداعى ۇلگىلى ورىن، ايماقتىق ۇلتتار ىنتىماعى، العاباسارلىعىنداعى ۇلگىلى قىستاق سياقتى اتاقتارعا يە بولدى. 2022-جىلى اۆتونوميالى رايوندىق اۋىل -قىستاقتى گۇلدەندىرۋدەن    ۇلگى كورسەتەتىن قىستاق بويىنشا العاشقى توپتاعى تەكسەرىپ وتكىزىپ الىناتىن ورىندار  تىزىمدىگىنە كىردى.


رەداكتورى :ءجازيرا قاجىكەن قىزى

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn