احپاراتشىلاردىڭ كاسىپتىك ءمورالىن قورعايىق

  احپارات قۇرالىنان پايدالانىپ زاڭسىز باس پايداعا كەنەلۋ احپارات قىزمەتكەرلەرىنىڭ ءمورالىنا جاريالاناتىن ەڭ تومەنگى سايىس ولشەمى، ول احپارات قۇرالدارىنىڭ الەۋمەتتىك سەنىمدىلىگىنە داق تۇسىرەدى... احپارات سالاسىنداعى بۇرىس نىسايلاردى، ءسوز جوق، قاتاڭ جونگە سالىپ، اياۋسىز سوققى بەرۋ كەرەك. پروكۋراتۋرا ورگاندارى « شينكۋاي گازەتىنىڭ » ءتىلشىسى چىن يۇڭجوۋدى رەسمي تۇتقىنداۋدى بەكىتكەننەن كەيىن گۋاڭدۇڭ ولكەلىك احپارات-باسپا ءسوز، راديو -تەلەۆيزيا مەكەمەسى 31 - قازاندا چىن يۇڭجوۋدىڭ تىلشىلىك كۋالىگىن قايتارىپ الۋدى ۇيعارىپ، قاتىستى ادامداردىڭ جاۋاپكەرلىگىن قۋزاۋدى ۇسىنىس ەتتى. وسىنىڭ الدىندا ياڭچىڭ كەشى گازەتى توبى « شينكۋاي گازەتىنىڭ » قاتىستى قىزمەتتەرىنە رەتتەۋ، وڭاۋ جۇرگىزىپ، بايقالعان ماسەلەنى قاتاڭ ءبىر جاقتى ەتەتىندىكتەرى جونىندە حابارلاندىرۋ شىعاردى. بۇل احپارات سالاسىنىڭ تىلشىلەر قوسىنىن رەتتەۋ، كاسىپتىك ءمورالدى قورعاۋداعى ءبىر رەتكى كەسكىن  شاراسى  بولىپ تابىلادى.

  رەفورما جاساعان، ەسىك اشقان 35 جىلدان بەرى احپارات ىستەرى باياندى قارىشتاپ دامىدى، قازىرگى جۇڭگونىڭ وسىزاماندانۋعا قادام تاستاۋىندا ماڭىزدى رولىن ساۋلەلەندىردى، احپارات تىلشىلەرىنىڭ قوعامدىق ورنى، كاسىپتىك ابىرويى جوعارىلادى. ايتسە دە داڭقتى اتاقتىڭ جەتەگىندە، ءىشىنارا تىلشىلەر كاسىپتىك ءتۇزىم مەن ءمورال ولشەمىن قايىرىپ قويىپ، اقىلى احپاراتپەن اينالىسىپ، « اقى بەرمەسە  جازبايتىن »  بولدى، ءتىپتى، احپاراتتا الدامشىلىق ىستەۋ، بوپسالاۋ ارەكەتىمەن شۇعىلدانۋداي زاڭسىز سۇرقيالىق الاسۇردى. مۇنداي كەلەڭسىزدىكتەردىڭ تۋىلۋى احپارات قۇرىلىمدارى مەن احپارات تىلشىلەرىنىڭ وبرازى مەن اتاق-ابىرويىنا اۋىر داق سالىپ، تۇتاس كاسىپ سالاسىن ىڭعايسىز كۇيگە ءتۇسىردى. احپارات سالاسىنداعى بۇرىس نىسايلارعا راقىمسىز سوققى بەرۋ احپارات تىلشىلەرى قوسىنىنىڭ كىرشىكسىز بەدەلىن قورعاعاندىق؛ بەلگىلەمەگە، تارتىپكە قايشى جايتتەردى ءارى قاتاڭ، ءارى تەز وڭاۋ احپارات قۇرالدارىنىڭ كاسىپتىك ءمورالىن قورعاعاندىق.

  بۇگىندەرى ەلىمىز تەرەڭ وزگەرىستەرگە تولى قوعامدىق بۇرىلىس داۋىرىندە تۇر، ادامداردىڭ كوزقاراستارى دا ءار الۋان، وزگەرىستەرگە تولى، كەيبىر سالالاردا ءمورالدىق جاقتا ازعىنداۋ جايتى اۋىر دارەجەدە بەلەڭ بەردى، كەي ادامداردىڭ ءومىر، قۇن كوزقاراسىندا تولقۋلار پايدا بولدى. مۇنداي كەلەڭسىز جايتتەردىڭ دە احپارات سالاسىن شارپىماي قالمايتىنى، ءسوزسىز. وسىنداي بۇرىلىس داۋىرىندە تۇرعاندا ماركستىك احپارات كوزقاراسى تاربيەسىن ءتىپتى دە كۇشەيتۋ قاجەت؛ ءتۇرلى ەلىكتىرۋلەرگە جولىققاندا احپارات قىزمەتكەرلەرى ءمورال ولشەمىن ەستەرىنە بەرىك ساقتاپ، ار-نامىسىن قورعاۋى كەرەك. تەك ءوزىن - ءوزى تەجەپ، « ايناعا قاراپ، جاعا-جەڭدى تۇزەپ » تۇرعاندا عانا تاماشا كاسىپتىك بەت - بەدەل مەن وبرازىن ساقتاي الادى؛ ءتارتىپتى قاتايتىپ، بۇرىس نىساي بايقالا سالىسىمەن قاتاڭ جازالاعاندا عانا، تۇتاس احپارات قوسىنىنىڭ اقاۋسىزدىعىن ساقتاۋعا بولادى.

  احپاراتتىڭ جاماعات پىكىرى قوعامنىڭ العا باسۋىنداعى قوزعاۋشى كۇش. رەفورمادان قامال الۋ كەزەڭىندە، قوعامدىق بۇرىلىس كەزەڭىندە ءبىزدىڭ قوعامىمىزعا ءارقانداي كەدەرگىگە جولىققاندا دا ىنتىماقتاسا كۇرەس جاسايتىن ۇلى كۇش قاجەت، مۇندا احپارات تىلشىلەرىنىڭ ارقالايتىن بورىشى داڭقتى، جاۋاپكەرلىگى كۇشتى. كاسىپتىك ءمورالعا بويسۇنىپ، جاۋاپكەرلىك بورىشىن ەستە بەرىك ساقتاعاندا عانا، جاقسى - جاماندى ايىرىپ، حالىققا زالال جەتكىزگەندەردى جازالاپ، ۇنامدى ۇگىت جۇرگىزۋگە بولادى. احپارات سالاسىنداعى بۇرىس نىسايلارعا باتىل سوققى بەرىپ، احپارات  قۇرالدارىنىڭ ءمورالىن قورعاپ، قالىڭ احپارات قىزمەتكەرلەرى  ءسوز  سويلەۋ ۇقىعىن، باقىلاۋ ۇقىعىن ورىندى پايدالانعاندا  عانا،  ءوز  رولىن  ۇتىمدى ساۋلەلەندىرىپ، وسى زامانعى جۇڭگونىڭ دامۋىنداعى بوگەتتەردى الاستاپ، قۇدىرەتتى قوزعاۋشى كۇش قالىپتاستىرۋعا بولادى.
  « ءتاڭىرتاۋ تورابىنان »

  رەداكتورى : پارزانا عادىلبەك قىزى
 
 تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.