■ لياۋنيڭ جەرگىلىكتى تەاتر كوركەمونەر ۇيىرمەسى تارباعاتايعا كەلىپ كونسەرت قويدى
ءتىلشىمىز ۋاڭ زىلين حابارلايدى. جۋىقتا «لياۋنيڭدى جىرلاۋ» اتتى جاڭا تاقپاق لياۋنيڭ جەرگىلىكتى تەاتر كوركەمونەر ۇيىرمەسىنىڭ تارباعاتايعا كەلىپ كونسەرت قويۋ قيمىلىنىڭ شىمىلدىعىن اشتى. قيمىلدى لياۋنيڭ ولكەلىك مادەنيەت جانە ساياحات مەڭگەرمەسى، ايماقتىق مادەنيەت -دەنە تاربيە، راديو -تەلەۆيزيا جانە ساياحات مەكەمەسى ۇيىمداستىرىپ، لياۋنيڭ جەرگىلىكتى تەاتر كوركەمونەر ۇيىرمەسى مەن ايماقتىق ءان -ءبي ۇيىرمەسى سەلبەسىپ وتكىزدى.
كونسەرت مايدانىندا 2 ادامدىق تارتىمدى ءنومىر «باتىس عۇزىرا» لياۋنيڭ ولكەسىنىڭ تيەليڭ قالاسىنداعى حالىق ونەرپازدارىنىڭ ونەرلى دە ورەلى، بەلسەندى دە العاباسار رۋحاني بەت ـ بەينەسىن ايگىلەسە؛ لياۋنيڭ تەاترى «شارۋاشىلىق قۇرۋ» شينجياڭعا كومەككە كەلگەن كادرلاردىڭ ءۇن ـءتۇنسىز ۇلەس قوساتىن، قيىنشىلىقتان قورىقپايتىن وسكەلەڭ قاسيەتىن جىرلادى؛ «قويان ۇسىنۋ»، «دارقان كوڭىل» سياقتى نومىرلەر لياۋنيڭ مەن تارباعاتايدىڭ تەرەڭ سۇيىسپەنشىلىگىن ايگىلەدى... كونسەرت الاڭىندا شاپالاق ءۇنى تولاستاماي، شات مەرەيگە شومدى.
شاۋەشەك قالاسىنىڭ تۇرعىنى ۋاڭ سۋجىن:”بۇگىنگى كونسەرت وتە تارتىمدى، نومىرلەرى دە باي مازمۇندى بولدى. مۇنان بىلاي وسىنداي ءان -ءبي اۋىس - كۇيىس قيمىلدارىنىڭ كوبىرەك وتكىزىلىپ تۇرۋىن ءۇمىت ەتەمىن“ دەدى.
ايماقتىق ءان -ءبي ۇيىرمەسىنىڭ ارتيسى ياڭ ياجۇن:”لياۋنيڭ جەرگىلىكتى تەاتر كوركەمونەر ۇيىرمەسى جوعارى ساپالى ادەبيەت -كوركەمونەر نومىرلەرىمەن مادەنيەت - كوركەمونەر سالتاناتىن الا كەلۋمەن بىرگە، وسى رەتكى ادەبيەت - كوركەمونەر اۋىس -كۇيىسى ارقىلى كوز ايامىزدى كەڭەيتىپ، تاپتىرماس ۇيرەنۋ ورايىنا يە ەتتى. ولارعا ەرەكشە العىس ايتامىن“ دەدى.
ايماقتىق مادەنيەت - دەنە تاربيە ، راديو ـ تەلەۆيزيا جانە ساياحات مەكەمەسى مادەنيەت، راديو ـ تەلەۆيزيا ءبولىمىنىڭ باستىعى شى لەي:”جۋىق جىلداردان بەرى لياۋنيڭ ولكەسى ايماعىمىزبەن ارالاسۋ، ىشتەسۋ، توعىسۋ قيمىلىن ىشكەرىلەي ورىستەتىپ، ەكى ورىننىڭ مادەنيەت ىستەرىنىڭ دامۋىن ۇزدىكسىز تەرەڭدەتتى. مۇنان بىلاي ءبىز مادەنيەت ارقىلى شينجياڭدى نارلەندىرۋ ينجەنەرياسىن قول ۇستاسا ىشكەرىلەي اتقارىپ، ەكى ورىننىڭ مادەنيەتىنىڭ جاپپاي توعىسۋىن، تەرەڭدەي توعىسۋىن جەبەيمىز“ دەدى.
لياۋنيڭ ولكەلىك مادەنيەت جانە ساياحات مەڭگەرمەسى كوركەمونەردى دامىتۋ باسقارماسىنىڭ باستىعى گاۋ ليجۇن:”كونسەرت لياۋنيڭنىڭ شينجياڭعا باعىتتامالى كومەكتەسۋىندەگى مادەنيەت ارقىلى شينجياڭدى نارلەندىرۋدەگى ماڭىزدى شاراسى، كونسەرت قويۋ ارقىلى ۇلتتاردىڭ توعىسۋىن ونان ارى كۇشەيتىپ، ەكى ورىننىڭ ەكونوميكالىق، قوعامدىق دامۋىنا تىڭ ۇلەس قوسۋدى ءۇمىت ەتەمىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى