ەرىكتى تىلشىلەر جاڭ جۇن، ما چين حابارلايدى. جۋىقتا شيحۋ قالاسى شيداگوۋ قالاشىعى سۇلگىن قىستاعىنىڭ تۇرعىنى ما شۋەچىڭنىڭ باعىمشىلىق الاڭىندا ءبىر ءۇيلى جان قىزمەت اترەتىنىڭ مۇشەلەرى مەن قىستاق “ەكى كوميتەتى” القاسىنداعىلاردىڭ كومەگىمەن ءتۇبىتتى ەشكىلەردى جۇك اۆتوموبيلىنە باسىپ جاتتى.
ما شۋەچىڭ: ”گۋاڭدۇڭدىق قوجايىن 300 تۇياق ءتۇبىتتى ەشكى الدى. ەشكىمىزدىڭ ەتى جۇمساق ءارى ءدامدى، جەر -جەردەگى تۇتىنۋشىلار ەرەكشە ۇناتادى. جىلىنا بازارعا 5000 تۇياقتىڭ اينالاسىندا ءتۇبىتتى ەشكى سالامىز“ دەدى.
شيحۋ قالاسى شيداگوۋ قالاشىعىنداعى باعىمشىلىق وتباسىلارىن قۋانتاتىنى وزدەرى باققان ءتۇبىتتى ەشكى ءۇرتىس 15 جىل بويى شالعايداعى گۋاڭجوۋ ولكەسىنە ساتىلىپ، قىستاق تۇرعىندارىنىڭ كىرىستى ارتتىرىپ، اۋقاتتاناتىن ماڭىزدى ارناسىنا اينالىپ، كوپ نەگىزدى كاسىپ سالاسى اۋىل -قىستاقتى گۇلدەندىرۋگە تاماشا كىرىس كوزىن اشتى.
شيحۋ ءتۇبىتتى ەشكىسىنىڭ تۇقىمى اسىل، سانى مول بولعاندىقتان، گۋاڭجوۋلىق ءتۇبىتتى ەشكى ساۋداگەرى گاۋ ميڭبيڭ كوپ جىلدان بەرى ما شۋەچىڭمەن سەلبەستىك جاساپ كەلەدى. ءار جىلى گاۋ ميڭبيڭ 80 اۆتوموبيل ەشكى تاسىمالداپ، جىلىنا 30 مىڭعا جۋىق ەشكى ساۋدالاپ، گۋاڭجوۋ قالاسىنداعى تۇرعىنداردىڭ داستارقانىن مولىقتىردى.
“ءتۇبىتتى ەشكى گۋاڭجوۋعا جەتكىزىلگەن كۇنى تۇك قالماي ساتىلىپ كەتەدى. الداعى جەردە شيحۋداعى باعىمشىلىق وتباسىلارمەن سەلبەسۋ تەبىنىن ارتتىرىپ، ءتىپتى دە كوپ ادامدارعا شينجياڭنىڭ ەت ونىمدەرىنەن ءدام تاتقىزامىن” دەدى گاۋ ميڭبيڭ.
ۇعىسۋعا قاراعاندا، ءتۇبىتتى ەشكى باعۋدىڭ وزىندىك شىعىنى تومەن، ساۋداسى ءوتىمدى، كاسىپ سالاسى جاعىنداعى بولاشاعى ەرەكشە زور ەكەن. كوپ جىلدان بەرگى ءتۇبىتتى ەشكى باعۋ تاجىريبەسىنىڭ ارقاسىندا ما شۋەچىڭنىڭ جىلدىق كىرىسى ءبىر ميلليون يۋاننان اسىپتى. ونىڭ باستاماشىلدىعىندا قازىر قىستاق بويىنشا 23 وتباسى ءتۇبىتتى ەشكى باعىپ، قولدا بار ەشكى 20 مىڭنان اسقان ەكەن.
شيحۋ قالاسى مادەنيەت -ساياحات مەكەمەسىنىڭ شيداگوۋ قالاشىعى سۇلگىن قىستاعىندا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى جۋ يۇنشين: ”جۋىق جىلداردان بەرى ءتۇبىتتى ەشكى باعىمشىلىعى كاسىپ سالاسى بارعان سايىن كولەمدەندى. قىزمەت اترەتى ءىس جۇزىندىك جاعدايعا نەگىزدەلە وتىرىپ، قولداۋ تەبىنىن ارتتىرىپ، ءار ۇلت قىستاق تۇرعىندارىن ەرەكشەلىككە يە باعىمشىلىقتى دامىتۋعا جەتەلەپ، ساتۋ ارناسىن ۇزدىكسىز كەڭەيتتى“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى