ءتىلشىمىز جاڭ ياڭ حابارلايدى. 6 -ايدىڭ 22 -كۇنى شاۋەشەك قالالىق وتانشىلدىق تاربيە بازاسى ــ سالىقجان يمىن وتباسىنىڭ شاعىن اۋلاسى لياۋنيڭ ولكەسىنەن كەلگەن ءبىر توپ قوناقتى قارسى الدى، ولار شاعىن اۋلادا بىرلىكتە مەملەكەت تۋىن شىعارىپ، مەملەكەت ءانىن شىرقاپ، تارباعاتايداعى ۇلتتار ىنتىماعى جونىندەگى حيكايالاردى تىڭدادى.
بۇل ايماعىمىز ورىستەتكەن 2022-جىلعى لياۋنيڭ ولكەلىك پارتكوم قارت كادرلار مەكەمەسىنىڭ قىزمەتكەرلەرى شينجياڭعا كەلىپ، ارالاسۋ، ىشتەسۋ، توعىسۋ قيمىلى ەدى. وسى رەتكى قيمىل ءۇش توپقا ءبولىپ ورىستەتىلەدى، 1-توپتا 6-ايدىڭ 20 -كۇنىنەن 28-كۇنىنە دەيىن جۇرگىزىلەدى،2 -،3 -توپتا 7-ايدىڭ ورتا، اياق شەنىندە ورىستەتىلەدى، قيمىل ورىستەتىلەتىن ورىن باستىسى ءۇرىمجى قالاسى، شاۋەشەك قالاسى، شاعانتوعاي اۋدانى، ساۋان قالاسى، بيڭتۋان 9 -شى، بيڭتۋان 8 -شىنىڭ شىحىزى قالاسى سياقتى جەرلەردە بولادى.
سول كۇنى تاڭەرتەڭ ەرتە سالىقجان يمىن ۇستىنە اق جەيدە كيىپ، پارتيا زناگىن تاعىپ، لياۋنيڭ ولكەلىك پارتكوم قارت كادرلار مەكەمەسىنىڭ قىزمەتكەرلەرى جانە لياۋنيڭ ولكەسىنە توتە قاراستى ورگاندارداعى، قاتىستى قالالارداعى قارت كادر، قىزمەتكەرلەرمەن سالتاناتتى تۋ شىعارۋ سالتىن وتكىزدى، اسقاق ءان اۋەنى شارىقتاپ، بەس جۇلدىزدى نارت قىزىل تۋ مەملەكەت انىنە ىلەسە باياۋ كوتەرىلدى. سالىقجان يمىن كوپشىلىككە ءوزىنىڭ بەيجيڭگە بارىپ تۋ شىعارۋ سالتىنا قاتىناسقانداعى اسەرىن، سونداي -اق بەس جۇلدىزدى قىزىل تۋدىڭ كەلۋ تاريحىن ايتىپ، كوپشىلىكپەن بىرگە بارابان سوعىپ،ءان شىرقاپ، ناق مايدان قىزۋ دۋمانعا بولەندى.
وسىدان كەيىن، لياۋنيڭ ولكەلىك پارتكوم قارت كادرلار مەكەمەسىنىڭ قىزمەتكەرلەرى جانە لياۋنيڭ ولكەسىنە توتە قاراستى ورگاندارداعى، قاتىستى قالالارداعى قارت كادرلار تارباعاتاي ايماقتىق مۇراجايعا جانە گارمون مۇراجايىنا باردى. وندا قويىلعان كورمە بۇيىمدارى، گارموندار ارقىلى قىزىل ىزدەرمەن تانىسىپ، كوپشىلىك ءبىر جاعىنان، تارباعاتايدىڭ تاريحىن، مادەنيەتىن ۇعىسسا ەندى ءبىر جاعىنان، تارباعاتايدىڭ قويۋ ۇلتتىق سالت - ساناسىن سەزىندى.
لياۋنيڭ ولكەلىك پارتكوم قارت كادرلار مەكەمەسى ورگانى پارتكومى كەڭسەسىنىڭ ورىنباسار مەڭگەرۋشىسى لوۋ چيڭ وسى رەتكى قيمىلعا قاتىناسقان مۇشەلەردىڭ ءبىرى. ول: ”وسى رەتكى ۇيرەنۋ ارقىلى تارباعاتايدىڭ كوپ ۇلتتى ايماق ەكەنىن ءتۇسىندىم،ءار ۇلت حالقى ءبىر ءۇيلى جانداي ەتەنە، اسىرەسە، پارتيانى، وتاندى ءسۇيۋ رايى قويۋ ەكەن. سالىقجان يمىن جولداس ءۇرتىس 13 جىل بويى ءوز اۋلاسىندا مەملەكەت تۋىن شىعارىپ كەلىپتى، ونىمەن بىرلىكتە مەملەكەت ءانىن شىرقاپ، مەملەكەت تۋىنىڭ كوتەرىلگەنىن كورىپ قاتتى اسەرلەندىم، لياۋنيڭعا قايتىپ بارعاننان كەيىن تارباعاتايدىڭ كوركەم كورىنىسىن، تارباعاتايدىڭ مادەنيەتى مەن تاريحىن ماڭايىمداعى ادامدارعا جەتكىزىپ،ءتىپتى دە كوپ ادامدارعا تارباعاتاي سىندى وسى جاقسى جەردى تانىستىرامىن“دەدى.
لياۋنيڭ ولكەلىك حالىق پروكۋراتۋراسى كادرلار باسقارماسىنىڭ 1 -دارەجەلى مەڭگەرۋشى قىزمەتكەرى ۋاڭ حايلۇڭ قارت كادرلار قىزمەتىمەن شۇعىلدانعانىنا 8 جىل بولعان، بۇرىن تارباعاتايدى تەك شينجياڭعا كومەككە كەلگەن قىزمەتتەستەرىنىڭ اۋزىنان عانا ەستىگەن، بۇل جولعى ءتول كەشىرمەلەرى ونىڭ تارباعاتاي جونىندەگى تۇسىنىگىن تەرەڭدەتە ءتۇستى. ول: ”وسى رەتكى قيمىلدىڭ بەرگەن ەڭ ۇلكەن اسەرى ــ تارباعاتاي حالقىنىڭ مادەنيەت نەگىزى ەرەكشە تەرەڭ ەكەن، بۇل اراداعى ءار ۇلت بۇقاراسى ءبىر نيەتپەن ىنتىماقتاسىپ بەلسەنە العا باسىپ وتىر ەكەن، كەلەشەكتە تارباعاتايعا كەلەتىن ءتىپتى دە كوپ وراي بولىپ، كوپشىلىكپەن بىرگە ۇيرەنىپ، بىرگە العا باسۋدى ءۇمىت ەتەمىن“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى