□ شۇي حۇييان
8 ميلليون 500 مىڭ يۋان قارجى قوسىپ، 8500 مۋ سازدىقتى قورعاۋ مىناداي ونىمدىلىك اكەلگەن: شينجياڭ گانجياحۋ سەكسەۋىل ورمانى مەملەكەت دارەجەلى قورىق رايونىن باسقارۋ مەكەمەسى شيحۋ باسقارۋ بولىمشە مەكەمەسىنىڭ باسقارۋىنداعى وڭىردە ءبىر كول تولىپ، كول بەتى شىمىرلاي تولقىپ، جاعالاۋىنداعى قامىس-قۇراقتار جەلمەن تەربەلىپ، قاز-ۇيرەكتەر سۋدا سايران سالعان... ادام مەن تابيعات جاراسىمدى ءومىر سۇرگەن كوركەم كارتينا ايشىقتالا تۇسكەن. بۇل عانا ەمەس، سازدىق ويداعىداي قورعالعاندىقتان، مەملەكەت دارەجەلى قورعالاتىن حايۋاناتتار مەن سيرەك كەزدەسەتىن باعالى قۇستار كوبەيگەن، جەرگىلىكتى ورىننىڭ ەگىن-مال شارۋاشىلىق ءوندىرىسىنىڭ ساپاسى جوعارىلاپ، ونىمدىلىگى ارتقان. بۇل جەرگىلىكتى ۇكىمەتتىڭ سازدىقتى قورعاۋ قىزمەتىنىڭ ماڭىزدىلىعىنا دۇرىس مامىلە جاساعاندىعىن جانە سازدىقتىڭ تاماشا ەكولوگيالىق ونىمدىلىگى مەن ءبىرشاما كۇشتى ەكونوميكالىق قۇنىن تولىق تانىعاندىعىن ايگىلەيدى.
جۋىق جىلداردان بەرى ەكولوگيالىق وركەنيەت ۇستانىمىنىڭ جۇرت جۇرەگىنە تەرەڭ ۇيالاۋىنا بايلانىستى، سازدىقتى قورعاۋ ــ قوعامنىڭ ءار سالاسىنداعىلار جاپپاي كوڭىل بولەتىن تاقىرىپقا اينالدى.”جەرشارىنىڭ بۇيرەگى“ەسەپتەلەتىن سازدىق سۋ قاينارىن مولايتۋ، سۋ ساپاسىن جاقسارتۋ، سۋ ساقتاۋ، قۋاڭشىلىققا توتەپ بەرۋ، كليماتتى تەڭشەۋ جانە ورگانيزمدەردىڭ الۋان تۇرلىلىگىن قورعاۋ سياقتى جاقتاردا ماڭىزدى رول اتقارادى، ماڭىزدى جاراتىلىستىق ەكولوگيالىق جۇيە ەسەپتەلەدى.
سازدىقتى قورعاۋ ەكولوگيالىق وركەنيەت قۇرىلىسىنىڭ ماڭىزدى مازمۇنى بولىپ، مەملەكەتتىڭ ەكولوگيالىق حاۋىپسىزدىگىنە، ەكونوميكانىڭ، قوعامنىڭ باياندى دامۋىنا، جۇڭحۋا ۇلتىنىڭ كەلەشەك ۇرپاقتارىنىڭ تىرشىلىك ىرىس-قۇتىنا سايادى.
قۋانارلىعى شينجياڭ گانجياحۋ سەكسەۋىل ورمانى مەملەكەت دارەجەلى قورىق رايونىن باسقارۋ مەكەمەسى شيحۋ باسقارۋ بولىمشە مەكەمەسى ەكولوگيانى قورعاۋ، سازدىقتى قورعاۋ جاعىندا قۇلشىنىس جاساپ، ونىمدىلىك جاراتىپ، ايماعىمىزدىڭ سازدىقتى قورعاۋدا قول جەتكىزگەن ناتيجەلەرىن تاعى ءبىر قىرىنان كورسەتتى.
سازدىقتى قورعاۋ ــ قازىر ناتيجەسى كورىلگەن، ەكولوگيالىق تەپە-تەڭدىكتى ساقتاۋ ــ بولاشاققا يگىلىك جاراتاتىن ءىس. سازدىقتى قورعاۋ باعالى قۇستارعا دامىلداپ تىنىعاتىن ورتا جاراتىپ قالماستان، ادامزاتتىڭ تىرشىلىك ورتاسىن دا قورعاعاندىق ەسەپتەلەدى. بارلىعىمىز قول ۇستاسا وتىرىپ سازدىقتى بىرلىكتە قورعاپ، جاسىل، ەكولوگيالى، وركەنيەتتى، جاراسىمدى كورىكتى مەكەن قۇرۋعا قۇلشىنايىق.
رەداكتورى: گۇلجامي ناشەن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. مىسالى: «تارباعاتاي اقپارات تورابىنان» الىندى