قيمىل 6 -ايدان 9 -ايعا دەيىن جالعاسادى
ءتىلشىمىز ۋاڭ تيڭ حابارلايدى. 6-ايدىڭ 21-كۇنى ايماقتىق پارتكوم ۇگىت ءبولىمى، ايماقتىق جۇمىسشىلار ۇيىمى ءىس باسقارماسى، ايماقتىق مادەنيەت -ساياحات مەكەمەسى قاتارلى ورىندار بىرلەسىپ وتكىزگەن”20-قۇرىلتايدى شاتتىقپەن قارسى الۋ. جۇمىسشى -قىزمەتكەرلەردىڭ كەلبەتىن ايگىلەۋ“ اتىنداعى تارباعاتاي ايماعىنىڭ تۇڭعىش كەزەكتى ”جۇمىسشى -قىزمەتكەرلەر ساۋىتىنا“ تالاسۋ مادەنيەت -دەنە تاربيە قيمىلىنىڭ باستالۋ سالتى تارباعاتاي مادەنيەت الاڭىندا وتكىزىلدى، بۇل ايماعىمىزدىڭ بيىلعى تۇڭعىش كەزەكتى ”جۇمىسشى - قىزمەتكەرلەر ساۋىتىنا“ تالاسۋ مادەنيەت - دەنە تاربيە قيمىلىنىڭ رەسمي باستالعاندىعىن اڭعارتادى.
باستالۋ سالتى ايبىندى مەملەكەت انىمەن شىمىلدىعىن اشتى، ايماققا توتە قاراستى ءارقايسى جۇمىسشىلار ۇيىمىنان قۇرالعان 15 ۋاكىلدەر كومانداسى باستالۋ سالتىنا قاتىناستى.
باستالۋ سالتىندا تورەشىلەر ۋاكىلى، جارىسقا قاتىناساتىن سپورتشىلار ۋاكىلى رەتىمەن سەرت بەردى. كوپشىلىك دەنە تاربيە ءمورالىن اسقاقتاتىپ، ءادىل باسەكەلەسىپ، ادىلدىكپەن تورەشىلىك ىستەپ، جارىستان ناتيجە جاراتىپ، ءوز دەڭگەيلەرىن كورسەتەتىندىكتەرىن جابال ءبىلدىردى.
لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى قازىنا ىستەرىن باسقارۋ ورتالىعىنىڭ مەڭگەرۋشىسى، ايماقتىق قازىنا مەكەمەسىنىڭ ورىنباسار باستىعى سۇن يىڭ:” تارباعاتاي ايماعىنىڭ تۇڭعىش كەزەكتى جۇمىسشى-قىزمەتكەرلەر مادەنيەت-دەنە تاربيە قيمىلىنا قاتىناسقانىمىزعا ەرەكشە قۋانىشتىمىز. جارىس ارقىلى كادر -دارىندىلاردىڭ رۋحاني كەلبەتىن ايگىلەپ، شينجياڭعا كومەكتەسۋ قىزمەتىن جەبەيمىز“ دەدى.
ۇعىسۋعا قاراعاندا، وسى رەتكى مادەنيەت - دەنە تاربيە قيمىلى ايماقتىڭ جۇمىسشىلار ۇيىمى جۇيەسىنىڭ پارتيا 20 -قۇرىلتايىن شاتتىقپەن قارسى الۋ جەلىلەس قيمىلدارىنىڭ ءبىرى ەكەن.
وسى رەتكى مادەنيەت -دەنە تاربيە قيمىلى دەنە تاربيە جارىسى جانە ادەبيەت -كوركەمونەر كونسەرتى سىندى ەكى مازمۇننان قۇرالىپ،دەنە تاربيە جارىس تۇرلەرىنەن باسكەتبول جارىسى، تاق -تۇق دوپ جارىسى، قاۋىرسىن دوپ جارىسى، شاحمات جارىسى سياقتىلار ورنالاستىرىلسا؛ ادەبيەت -كوركەمونەر كونسەرتىندە نەگىزىنەن ءان، ءبي، كومەديا سياقتى ويىن نومىرلەرى قويىلىپ، قيمىل 6-ايدان 9-ايعا دەيىن جالعاسادى ەكەن.
”وسى رەتكى مادەنيەت -دەنە تاربيە قيمىلىنا قاتىناسۋ ارقىلى ايماققا توتە قاراستى ورىندارمەن اۋىس -كۇيىستى كۇشەيتىپ، كوپشىلىكپەن بىرلىكتە پارتيا 20-قۇرىلتايىنىڭ اشىلۋىنا ىنتىماقتى، العا باسقان، جاراسىمدى راي قالىپتاستىرامىز“ دەدى ايماقتىق دەنساۋلىق ساقتاۋ - سالاماتتىق كوميتەتىنىڭ ورىنباسار مەڭگەرۋشىسى شان شياۋچين.
”وسى رەتكى قيمىل ارقىلى ءار ۇلت كادر، جۇمىسشى -قىزمەتكەرلەرىنە باسەكەلەسەتىن تۇعىر جاراتىپ، جالپى حالىق دەنە شىنىقتىراتىن تاماشا قوعامدىق راي قالىپتاستىرىپ، قالىڭ كادر، جۇمىسشى -قىزمەتكەرلەردى تاماشا دەنە ساپاسىمەن جانە اسقاق رۋحاني كۇيمەن قىزمەتكە كىرىسىپ، اقاۋسىز دەنساۋلىق، تاسقىنداعان جىگەر، تىڭعىلىقتى قىزمەت ارقىلى پارتيا 20 - قۇرىلتايىنىڭ جەڭىسپەن اشىلۋىنا تاماشا مادەنيەت ساۋعاسىن تارتۋ ەتۋگە جۇمىلدىردىق“ دەدى ايماقتىق جۇمىسشىلار ۇيىمى ءىس باسقارماسى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى پان يۇيجى.
رەداكتورى: گۇلجامي ناشەن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. مىسالى: «تارباعاتاي اقپارات تورابىنان» الىندى