ءتىلشىمىز جاڭ گوحۇي، ەرىكتى ءتىلشى حان شيۋپيڭ حابارلايدى. ”قىزمەت اترەتى قىستاق تۇرعىندارىنىڭ تاۋ سۋىمەن تامشىلاتىپ سۋارۋعا ارنالعان كولشىك سالۋىنا كومەكتەسىپ، ەگىن سۋارۋدان الاڭدامايتىن بولدىق“دەدى جۋىقتا شيحۋ قالاسى حۋاڭگۇڭ قالاشىعى چۋانشۇيگوۋ قىستاعىنىڭ تۇرعىنى چىن حۇڭجۇن.
قىستاقتاعى تاۋ سۋىمەن تامشىلاتىپ سۋارۋعا ارنالعان بۇرىنعى كولشىك ۇزاق جىلدار بويى جوندەلمەي، تاعانىنىڭ سەمەنتى جارىلىپ كەتكەن ەدى؛ تاستان قالانعان سۋ توساتىن ەرنەۋلەرى جارىلىپ، سۋ ءوتىپ كەتەتىن بولعان.ەلەكتر ماشينالارىنان دا توك قاشىپ، حاۋىپسىزدىك كومەسكى حاۋىپ -قاتەر ساقتالعان ەدى.
شيحۋ قالالىق 4 ـ باستاۋىش مەكتەپتىڭ حۋاڭگۇڭ قالاشىعى چۋانشۇيگوۋ قىستاعىندا تۇراتىن قىزمەت اترەتى قىستاق پارتيا ياچەيكاسىمەن بىرلەسىپ، ”ۇعىسۋ ، تيىمدىلىك جاساۋ، توعىستىرۋ“ بويىنشا حالىق ءۇشىن ناقتى ءىس ىستەۋ قاراجاتىنان 50 مىڭ يۋان جانە چۋانشۇيگوۋ قىستاعى جارنا سەلبەستىك كووپەراتيۆىنىڭ كوللەكتيۆ قارجىسىنان 80 مىڭ يۋان شىعارىپ، تاۋ سۋىمەن تامشىلاتىپ سۋارۋعا ارنالعان كولشىكتى وزگەرتىپ سالدى.
وزگەرتىپ سالىنعاننان كەيىن، بۇرىنعى تاۋ سۋىمەن تامشىلاتىپ سۋارۋعا ارنالعان كولشىكتىڭ سۋ شىعارۋ جابدىعىنىڭ كونەرۋى، توك قاشۋ سياقتى حاۋىپسىزدىك كومەسكى حاۋىپ -قاتەرى جويىلىپ، 1700 مۋ جەردەگى ەگىس داقىلدارىن سۋارۋعا كەپىلدىك ەتىلدى.
قىستاق تۇرعىنى جاڭ جىنحۋا: ”جاڭالانعاننان كەيىنگى تاۋ سۋىمەن تامشىلاتىپ سۋارۋعا ارنالعان كولشىكتىڭ ءىشى كەڭەيىپ، نەگىزدىك قۇرىلعىلارى حاۋىپسىز، كەمەلدى بولدى. جاڭادان سالىنعان توعاننىڭ جاقتاۋى بيىك ءارى بەرىك بولىپ، سۋ ءوتۋ، توك قاشۋداي كومەسكى حاۋىپ-قاتەر جويىلىپ، داقىلداردى سۋارۋ ماسەلەسى شەشىلدى“ دەدى.
قىزمەت اترەتىنىڭ باستىعى، قىستاقتىڭ ءبىرىنشى شۋجيى سۇي لي: ”قىستاقتا تۇرۋ قىزمەتىن ورىستەتۋدە بۇقارانىڭ شۇعىل، قيىن، ۋايىمداعان، ءزارۋ بولعان ىستەرىن شىن نيەتپەن شەشىپ، بۇقارانىڭ كىرىسىن ارتتىرىپ، اۋقاتتانۋىنا كەپىلدىك ەتەمىز“ دەدى.
رەداكتورى: گۇلجامي ناشەن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. مىسالى: «تارباعاتاي اقپارات تورابىنان» الىندى