شيحۋ قالاسىنداعى بەلگىلەنگەن ەمدەۋ، ءدارى -دارمەك قۇرىلىمدارى قىزمەت وتەۋ كەلىسىمىنە قول قويىستى

ەرىكتى تىلشىلەر ۋاڭ جاۋيۇن، ما چين حابارلايدى. جۋىقتا شيحۋ    قالاسى 2022-جىلعى بەلگىلەنگەن ەمدەۋ، ءدارى-دارمەك قۇرىلىمدارىنىڭ قىزمەت وتەۋ كەلىسىمىنە قول قويۋ   ءماجىلىسىن اشتى. بەلگىلەنگەن 58 ەمدەۋ قۇرىلىمى جانە بەلگىلەنگەن 120 ەمدەۋدى قامتاماسىزداندىرۋ   ءدارى -دارمەك دۇكەنى قىزمەت وتەۋ كەلىسىمىنە قول قويىپ، ەمدەۋ، ءدارى ـ دارمەك قۇرىلىمدارىنىڭ تيجارات ”قىزىل سىزىعىن“ بەلگىلەپ، قىزمەت وتەۋ ساپاسىن شىنايى  جوعارىلاتتى.

ۇعىسۋعا قاراعاندا ، كەلىسىمدە بەلگىلەنگەن ەمدەۋ قۇرىلىمدارى مەن بەلگىلەنگەن بولشەك ساتۋ ءدارى دۇكەندەرىنىڭ ۇقىعى مەن بورىشى ايقىندالىپ، ءارقايسى بەلگىلەنگەن ەمدەۋ قۇرىلىمدارىنان قىزمەت وتەۋ   كەلىسىمىن قاتاڭ اتقارىپ،”ءتورتتى بولدىرماۋ“، ياعني تۇرمىستىق بۇيىمدار، دەنساۋلىق ساقتاۋ ازىق -تۇلىكتەرى سياقتى ءدارى ـ دارمەككە جاتپايتىن بۇيىمداردى ءدارى رەتىندە ەمدەۋدى قامتاماسىزداندىرۋ كارتچكاسى ارقىلى ساتپاۋدى؛ قامتاماسىزداندىرۋعا   قاتىناسقاندارعا جالعان ءدارى ـ دارمەك، ساپاسىز ءدارى ـ دارمەك جانە ۋاقىتى ءوتىپ كەتكەن ءدارى ـ دارمەك ساتپاۋدى؛ قامتاماسىزداندىرۋعا  قاتىناسقاندارعا ەمدەۋدى قامتاماسىزداندىرۋ كارتچكاسىنان ناق اقشا شىعارىپ بەرمەۋدى؛ قامتاماسىزداندىرۋعا قاتىناسۋشىلاردىڭ ەمدەۋدى قامتاماسىزداندىرۋ كارتچكاسىن الىپ قالماۋدى ورىنداپ، قامتاماسىزداندىرۋعا قاتىناسۋشىلارعا ساپالى، ارزان ءدارى ـ دارمەك ساتىپ بەرۋگە كەپىلدىك ەتۋ تالاپ ەتىلدى. كاسىپپەن شۇعىلدانۋشىلار كاسىپتىك  ۇيرەنۋدى كۇشەيتىپ، ەمدەۋدى قامتاماسىزداندىرۋ ساياساتىن قانىق  ءبىلىپ، كاسىپتىك ورەسى مەن قىزمەت وتەۋ قابىلەتىن ۇزدىكسىز جوعارىلاتۋى؛ بەلگىلەنگەن ەمدەۋ قۇرىلىمدارىنىڭ قىزمەتكەرلەرى جاقسى ۇگىتشى بولىپ، ناۋقاستارعا، ءدارى -دارمەك ساتىپ العان بۇقاراعا ەمدەۋدى قامتاماسىزداندىرۋ ساياساتى مەن قاتىستى زاڭ -ەرەجە ساياساتتاردى ۇگىتتەۋ قىزمەتىن ويداعىداي ىستەپ، ەمدەۋدى قامتاماسىزداندىرۋ قورىنىڭ حاۋىپسىزدىگىن قامتاماسىزداندىرۋى كەرەك دەپ تالاپ قويىلدى.

گودا ءدارى -دارمەك دۇكەنى شينجياڭ شينتى ءدارى ـ دارمەك كاسىبى تىزبەكتى شەكتى جاۋاپكەرشىلىك  سەرىكتەستىگى شيحۋ قالالىق 1 - ءدارى-دارمەك دۇكەنىنىڭ جاۋاپتىسى لو حۇڭ: ”ەمدەۋدى قامتاماسىزداندىرۋ حالىق تۇرمىسى قۇت -ىرىسىنا سايادى، ەمدەۋدى قامتاماسىزداندىرۋ قورى حالىق بۇقاراسىنىڭ ەمدەلۋ قاراجاتى،  ءومىرىن قۇتقارۋ قاراجاتى، ءبىز، ءسوز جوق، قالالىق ەمدەۋدى قامتاماسىزداندىرۋ مەكەمەسىنىڭ قاتىستى بەلگىلەمەلەرىنە ساي، ەمدەۋدى قامتاماسىزداندىرۋ قىزمەتىن جاقسى  ىستەپ، بۇكىل قالاداعى ءار ۇلت  بۇقاراسىنىڭ سالاماتتىعىن قورعايمىز“ دەدى.


رەداكتورى: گۇلجامي ناشەن قىزى 

تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. مىسالى: «تارباعاتاي اقپارات تورابىنان» الىندى