ەرىكتى تىلشىلەر لي جۋان، ۋي نا حابارلايدى. ” ’ ەكى ءتۇرلى راك اۋرۋىن ‘ تەگىن تەكسەرۋ باستالدى، ولشەمدى جاس شاماسىنداعى ايەلدەر قالاشىق شيپاحاناسىنا بارىپ تەكسەرىلىڭىزدەر... “ جۋىقتا ساۋان قالاسى دۇڭۋان قالاشىعى شۋاڭچياۋ قىستاعىنىڭ ۇلكەن لاباسىندا ايەلدەرگە ”ەكى ءتۇرلى راك اۋرۋىن“ تەكسەرۋگە قاتىناسۋدى ۇقتىردى.
وسى رەت 35 تە 64 جاس ارالىعىنداعى، اۋىل-قىستاق نوپوسىنداعى ۇيلەنگەن ايەلدەرگە ”ەكى ءتۇرلى راك اۋرۋىن“ تەكسەرۋ جۇرگىزىلەدى. تەكسەرۋ مازمۇنى جاتىر مويىنى راگى، ايەلدەر اۋرۋلارى جانە ومىراۋ بەزىن ءتۇستى ۋلترا تولقىنىمەن تەكسەرۋ سياقتىلاردى قامتيدى. تەكسەرۋ بارىسىندا قالالىق انالار مەن بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعىنىڭ شيپاگەرلەرى تۇتاس قالاشىقتاعى ايەلدەرگە دەنساۋلىق ساقتاۋ بىلىمدەرىن ۇگىتتەپ، كەڭەس بەرىپ، ۇگىت قاعازىن تاراتىپ، ايەلدەر سالاماتتىعى، اۋرۋدان ساقتانۋ، دەنساۋلىق ساقتاۋ بىلىمدەرىن كەڭىنەن جالپىلاستىرىپ، ايەلدەردىڭ دەنساۋلىعىن قورعاۋ تانىمىن اناعۇرلىم كۇشەيتىپ، اۋىل -قىستاق ايەلدەرىنىڭ سالاماتتىق دەڭگەيىن جوعارىلاتىپ، ولشەمدى جاس شاماسىنداعى ايەلدەردىڭ ساناسىنا ەمدەلۋدەن الدىن الا ساقتانۋ ماڭىزدى دەگەن سالاماتتىق ۇستانىمىن بەرىك ورناتتى.
”ەكى ءتۇرلى راك اۋرۋىن“ تەگىن تەكسەرۋ اۋىل -قىستاق ايەلدەرىنىڭ سالاماتتىعى ءۇشىن دەر كەزىندە جەتكەن زور كومەك بولدى.
”قازىر مەملەكەتىمىزدىڭ ساياساتى وتە جاقسى، اقىسىز ءارى ءۇيدىڭ ىرگەسىنەن -اق تەكسەرىلە سالدىق، شىنىمەن دە ناعىز قامقورلىق“ دەدى شۋاڭچياۋ قىستاعىنىڭ 62 جاستاعى تۇرعىنى ليۋ يانحۇي.
وسى رەتكى تەكسەرۋ بارىسىندا بايقالعان اۋرۋلارعا قالالىق انالار مەن بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعى ناۋقاسىنا قاراي ەمدەۋ جۇرگىزىپ، ۇنەمى جاعدايلارىن ۇعىسىپ، مەديتسينالىق جەتەكشىلىك ەتەدى ەكەن.
” ’ ەكى ءتۇرلى راك اۋرۋىن ‘ تەكسەرۋ ارقىلى ’ەرتە بايقاۋ، ەرتە دياگنوز قويۋ، ەرتە ەمدەۋدى ‘ ورىنداپ، ’ەكى ءتۇرلى راك اۋرۋىنىڭ‘ ايەلدەردىڭ دەنساۋلىعىنا تۋدىراتىن قاتەرىن تومەندەتەمىز“ دەدى قالالىق انالار مەن بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعى ايەلدەردىڭ دەنساۋلىعىن قورعاۋ ءبولىمىنىڭ مەڭگەرۋشىسى جاۋ شياۋپيڭ.
قالالىق انالار مەن بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعى بۇقاراعا بارىنشا قولايلىلىق جاراتۋ ءۇشىن، سايلاۋىت شيپاگەرلەردى قىستاق -دۇيلەرگەجىبەرىپ، ويداعىداي ۇگىت جۇرگىزىپ، ءمان-جايدى انىق يگەردى. قازىرگە دەيىن قالا بويىنشا 1390 ادامعا ”ەكى ءتۇرلى راك اۋرۋىن“ تەكسەرۋ جۇرگىزگەن.
رەداكتورى: گۇلجامي ناشەن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. مىسالى: «تارباعاتاي اقپارات تورابىنان» الىندى