ءتىلشىمىز جاڭ گوحۇي، ەرىكتى ءتىلشى شۇي شياۋليڭ حابارلايدى. جۋىردا شيحۋ قالاسى دۋتاي اۋىلى ۋاڭجياجۋاڭزى قىستاعىنىڭ تۇرعىنى فاڭ جيانشيننىڭ ءجۇزىم باعىنا بارعانىمىزدا، جاسىل جاقۇتتاي ءجۇزىمنىڭ سورەدە سامسىپ تۇرعانىن كوردىك.
ءجۇزىم باعىندا قاربالاس بولىپ جۇرگەن فاڭ جيانشين قۋانا: ” بيىل ءجۇزىمنىڭ ءوسۋى ەرەكشە جاقسى، جەمىسى دە ۇلكەن ءتۇستى، بىلتىر 8 مۋ جىلىجايعا ءجۇزىم ەككەنمىن، مۋىنان 1.5 توننا ءونىم الدىم، ءار كيلوگرامىن 3.5 يۋاننان جەمىس - جيدەك ساۋداگەرلەرىنە تولايىم وتكىزىپ، مۋ باسىنان 5000 يۋاننىڭ ۇستىندە كىرىس كىرگىزدىم. بيىل وسى 8 مۋ جەردەن 60 مىڭ يۋاننىڭ ۇستىندە كىرىس كىرەدى دەپ مەجەلەپ وتىرمىز“ دەدى.
جاقىنعى جىلداردان بەرى ۋاڭجياجۋاڭزى قىستاعىنىڭ ” ەكى كوميتەتى“ مەن شيحۋ قالالىق شيڭيۋان سۋ ىستەرى شەكتى سەرىكتەستىگىنىڭ قىستاقتا تۇراتىن قىزمەت اترەتى بەلسەنە جوسپارلاپ، جەرگىلىكتى جاعدايعا نەگىزدەلە وتىرىپ 2018-جىلدان باستاپ ەرەكشەلىككە يە جەمىس ورمان شارۋاشىلىعىن دامىتتى. ۇزدىكسىز ىزدەنىس جاساۋ ارقىلى قىستاقتىڭ توپىراق، كليمات سياقتى جاعدايلارىمەن ۇشتاستىرا وتىرىپ ” جۇيفىڭ“، ” شۇيجيڭ“،” ياڭگۋاڭ -مەيگۇي“، ” حيمي“ سياقتى ءجۇزىم سورتىن ەنگىزىپ، قازىرگە دەيىن 15 جىلىجايعا ءجۇزىم ەگىپ، ەگىمشىلىك كولەمىن 150 مۋعا جەتكىزگەن.
جەر بايلىعىنىڭ ءونىمىن بارىنشا جوعارىلاتۋ ءۇشىن، قىستاق ” ەكى كوميتەتى“ مەن قىزمەت اترەتى قىستاق تۇرعىندارىن ءجۇزىم سورەسىنىڭ استىنا كوكونىس ەگۋگە جەتەلەپ، شارۋالاردىڭ كىرىسىن ءتۇرلى جولدارمەن ارتتىرىپ، بىلتىر قىستاق تۇرعىندارىنىڭ جان باسىندىق كىرىسى 36 مىڭ يۋانعا جەتتى.
ءجۇزىم شارۋاشىلىعىنىڭ دامۋى جەرگىلىكتى ورىننىڭ اۋىل-قىستاق ساياحاتىن جانداندىرىپ، ءار جىلى ءجۇزىم بازارعا سالىنعان مەزگىلدە ماڭايداعى ساياحاتشىلار مەن جەمىس-جيدەك ساۋداگەرلەرىن تالاسا-تارماسا ساتىپ الىپ، كورىنىس تاماشالاپ، ءجۇزىم تەرۋدىڭ قىزىعىن سەزىنۋگە باۋرادى.
” الدا قىستاق ’ ەكى كوميتەتى‘ مەن قىزمەت اترەتى باستاماشىلىق رولىن جالعاستى ساۋلەلەندىرىپ، ءجۇزىم ەگۋ تاجىريبەسىن ءتىپتى دە كوپ قىستاق تۇرعىندارىنا ۇيرەتىپ، شارۋالاردىڭ ەگىمشىلىكتە جولىققان قيىنشىلىقتارىن شەشىم ەتىپ، جۇزىمنەن مول ءونىم الىپ، شارۋالاردىڭ كىرىستى ارتتىرۋىن جەبەپ، سەيىل-سەرۋەن، ساياحات، تاماشالاۋ ءبىر تۇلعالاندىرىلعان وسى زامانعى قۇرىلعىلى اۋىل شارۋاشىلىعى كاسىپ سالاسىن ىشكەرىلەي دامىتادى“دەدى قىزمەت اترەتىنىڭ باستىعى، قىستاقتىڭ ءبىرىنشى شۋجيى گو تاۋ.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى