قان قويماسىنا شۇعىل قان قاجەت بولعاندا
شيحۋ قالاسىنداعى 150 دەن استام حالىق ساقشىسى مەن كومەكشى ساقشى بەلسەنە قان بەردى
ەرىكتى ءتىلشى ۋاڭ يىڭ حابارلايدى. جۋىقتا شيحۋ قالالىق دەنە تاربيە سارايىندا قالالىق قوعام حاۋىپسىزدىگى مەكەمەسىنىڭ 150 دەن استام حالىق ساقشىسى مەن كومەكشى ساقشى ەمدەۋ قىزمەتكەرلەرىنىڭ جەتەكشىلىگىندە كەستە تولتىرىپ تىزىمدەلىپ، قان قىسىمىن ولشەتىپ، تارتىپپەن قان بەردى.
تاياۋدا ىلە قازاق اۆتونوميالى وبلىستىق ورتالىق قان پۋنكتى كۇيتۇن بولىمشە پۋنكتىندەگى قان قورى ۇزدىكسىز ازايىپ، قان الۋ، قانمەن قامداۋ قىزمەتى قاتاڭ سىنعا ءدوپ كەلەدى. شيحۋ قالالىق قوعام حاۋىپسىزدىگى مەكەمەسىنىڭ باسشىلارى جاعدايدان حاباردار بولعاننان كەيىن ۇندەۋ شىعارىپ، مەكەمەدەگى حالىق ساقشىلارى مەن كومەكشى ساقشىلاردى اتتانىسقا كەلىپ، بەلسەنە تىزىمدەلۋگە جۇمىلدىردى.
تەگىن قان بەرۋ قوسىنىندا تۇڭعىش رەت قان بەرۋشىلەر دە، تەگىن قان بەرۋگە تالاي رەت قاتىناسقان ىزگى نيەتتى جاندار دا بولدى.
ىلە قازاق اۆتونوميالى وبلىستىق ورتالىق قان پۋنكتى كۇيتۇن بولىمشە پۋنكتىنىڭ قىزمەتكەرلەرى قان بەرگەن حالىق ساقشىلارى مەن كومەكشى ساقشىلارعا: ” سىزدەردىڭ كەۋدە كەرىپ العا شىعىپ، تەگىن قان بەرىپ، كلينيكانى قانمەن قامداۋعا بولعان قىسىمدى ءونىمدى تومەندەتىپ، ەمدەۋ، قۇتقارۋ ىستەرىن قىمباتتى بايلىقپەن قامداعاندارىڭىزعا شىنايى العىس ايتامىز“دەستى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى