ساۋان قالالىق دامۋ - رەفورمالاۋ كوميتەتى نەگىزگى تاقىرىپتىق پارتيا كۇنى قيمىلىن ورىستەتتى
دوستىق داستارقانىنان ءدام تاتىپ، سۇيىسپەنشىلىكتى اڭگىمەلەدى
ءتىلشىمىز زىڭ جاۋمەي، ەرىكتى ءتىلشى ليۋ مىڭشۋان حابارلايدى. ” بۇگىن كوپشىلىككە ورىس ۇلتىنىڭ ەرەكشە ءدامدى تاعامى باحاليدى تانىستىرامىن... “
” كوپشىلىككە حۇيزۋ ۇلتىنىڭ ەرەكشە ءدامدى تاعامى فىنتاڭ مەن يۋشياڭدى تانىستىرامىن... “
جۋىقتا ساۋان قالالىق دامۋ-رەفورمالاۋ كوميتەتىنىڭ اسحاناسىندا پارتيا مۇشەلەرى مەن كادرلار ءبىر اراعا باس قوسىپ،” ۇلتتار ىنتىماعىنىڭ داستارقانىنان بىرلىكتە ءدام تاتىپ، جۇڭحۋا ۇلاندارىنىڭ سۇيىسپەنشىلىككە تولى ىنتىماعىن بىرلىكتە اڭگىمەلەيىك“ نەگىزگى تاقىرىبىنداعى پارتيا كۇنى قيمىلىن وتكىزدى. كوپشىلىك ارقا - جارقا اڭگىمەلەسىپ، بۇكپەسىز سىر شەرتىسىپ، ءار ۇلت ۇلى شاڭىراعىنىڭ تۋىسقانداي ەتەنە، ءبىر - بىرىنە قارايلاساتىن تەرەڭ سۇيىسپەنشىلىگىن جىرلادى.
قالالىق دامۋ-رەفورمالاۋ كوميتەتى حانزۋ، ۇيعۇر، قازاق، ورىس سياقتى 6 ۇلت، 50 نەشە پارتيا مۇشەسى مەن كادردان قۇرالعان ۇلى شاڭىراق.
وسى رەتكى نەگىزگى تاقىرىپتىق پارتيا كۇنى قيمىلى ۇلتتار ىنتىماعى تاربيە ايى قيمىلىمەن ۇشتاستىرىلىپ، بارلىق پارتيا مۇشەلەرى پارتياعا كىرگەندەگى سەرتتەرىن قايتالاي پىسىقتاپ، ناق مايداندا پارتيا جارناسىن تاپسىرىپ، پارتيانىڭ مەيىرى مەن كۇش - قۋاتىن سەزىندى. سونىمەن بىرگە، كوركەمونەر نومىرلەرىن قويۋ مەن ءدامدى تاعامداردى تانىستىرۋدى ءوزارا ۇشتاستىرىپ، ىنتىماقتى جىرعا قوسقان اسەم اندەر اۋەلەپ، تاماشا تۇرمىستى ايگىلەگەن ءدامدى تاعامدار ناق مايداندا قاز-قاتار ءتىزىلىپ، توعىسقان بەرەكەنىڭ قويۋ رايىن ايگىلەدى. اسىرەسە، ءار ۇلت پارتيا مۇشەلەرى مەن كادرلار كوپشىلىككە ءوز ۇلتىنىڭ اس-سۋ مادەنيەتى مەن ەرەكشەلىككە يە ءدامدى تاعامدارىن ماقتانىشپەن تانىستىردى.
” ءار ۇلت حالقى سوتسياليستىك ۇلى شاڭىراقتا جاساپ جاتىرمىز، اناردىڭ دانىندەي تىعىز ۇيىسىپ، ءوزارا قارايلاسىپ، ىنتىماقتى بولعاندا عانا ءتىپتى دە دامي الامىز، تۇرمىسىمىز ءتىپتى دە باقىتتى، شات-شادىمان وتەدى. مەن كوپشىلىككە ارنايى قازاق ۇلتىنىڭ ەرەكشە ءدامدى تاعامى جىلقى ەتى پالاۋىن جاسادىم، ءار ۇلت كاسىپتەستەردىڭ ءدامىن تاتىپ، جاقسى باعا بەرگەنىنە ەرەكشە قۋاندىم “دەدى قالالىق دامۋ-رەفورمالاۋ كوميتەتى ءتۇيىندى نىساندى تەكسەرىپ بەكىتۋ ءبولىمىنىڭ قىزمەتكەرى اليا مامىربەك.
5 ۋاكىل5 ۇلتتىڭ ەرەكشەلىككە يە ءدامدى تاعامىن تانىستىرۋدان سىرت، 3 كادر مەكەمەنىڭ اسحاناسىندا كوپشىلىككە ەرەكشەلىككە يە تورە تاباق تاۋىق ەتى، فىنتاڭ سياقتى ءدامدى تاعامداردى ىستەپ بەرسە، كەيبىر كادرلار ءوز ۇيلەرىنەن الدىن الا دايىنداپ اكەلگەن ءتۇرلى قۋىرماشتارىن داستارقانعا شىعارىپ، ورتا قىزۋ دۋمانعا بولەندى. كوپشىلىك قىزمەتتەستەرى تانىستىرعان، وزدەرى جاساپ اكەلگەن تاعامداردان قۇشىرلانا ءدام تاتىپ، بەرەكەلەرى بەكەمدەلىپ، سۇيىسپەنشىلىكتەرى ارتا ءتۇستى.
كوپشىلىك وسى رەتكى قيمىل ءار ۇلتتىڭ اس - سۋ مادەنيەتىنە بولعان تۇسىنىكتەرىن ءتىپتى دە تەرەڭدەتىپ، سۇيىسپەنشىلىكتى ارتتىرا تۇسكەنىن ءبىلدىردى.
” شينجياڭدا بىرگە تۇرمىس كەشىرىپ جاتقان ءار ۇلت حالقى ءبىر وتباسىنىڭ ادامدارىنداي مەيىرىمدى تەرەڭ سەزىنەدى. بۇگىنگى نەگىزگى تاقىرىپتىق پارتيا كۇنى قيمىلى’ ۇلتتار ىنتىماعىنىڭ ۇلى شاڭىراعى‘بىرلەسكەن دوستىق قيمىلىن ناقتى، ىشكەرىلەي تياناقتاندىرۋدى ۇزدىكسىز ىلگەرىلەتىپ، ءتىپتى دە تەرەڭ قاتتامدارعا ۇلاستىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەي تۇسكەن تاماشا جاعداي قالىپتاستىرۋدى ماقسات ەتەدى“ دەدى قالالىق دامۋ-رەفورمالاۋ كوميتەتىنىڭ ورىنباسار شۋجيى مۋ يۇڭ.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى