دۋان -ۋ مەرەكەسىندە قياق كۇرىشتىڭ حوش ءيىسى اڭقىدى

جولدانعان ۋاقىتى : 2022/6/6 17:29:38

□ 5 -ايدىڭ 31 -كۇنى قوبىقسارى موڭعۇل اۆتونوميالى اۋداندىق قازىنا مەكەمەسىنىڭ موتكە اۋىلى وباتى قىستاعىندا تۇراتىن قىزمەت اترەتى قىستاق ” ەكى كوميتەتىمەن“ بىرگە ” سۇيىسپەنشىلىككە تولى دۋان -ۋ . قياق كۇرىشتەن بىرلىكتە ءدام تاتۋ“ قيمىلىن وتكىزىپ، كوپشىلىك جۇپ قۇراعان تۋىستارىمەن بىرگە قياق كۇرىش  ءتۇيىپ، ۇلتتاردىڭ ارالاسۋىن، ىشتەسۋىن، توعىسۋىن جەبەدى.

□  5 -ايدىڭ 31 - كۇنى تارباعاتاي گازەتى مەكەمەسى ” دۋان - ۋ مەرەكەسىندە قياق كۇرىشتىڭ حوش ءيىسى اڭقىدى . ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىن وتكىزدى. قيمىلدا كوپشىلىك شات -شادىمان كوڭىل كۇيمەن قياق كۇرىش ءتۇيىپ،  ۇلتتار ىنتىماعىنىڭ بەرەكەلى رايىن ايگىلەدى.

 

جۇڭگونىڭ ءداستۇرلى سالت - ساناسىنا مۇراگەرلىك ەتىپ، ءار ۇلت بۇقاراسىنىڭ سۇيىسپەنشىلىگىن ونان ارى تەرەڭدەتىپ، ۇلتتار ىنتىماعىنىڭ بەرەكەلى رۋحىن جۇرەكتەرگە ۇيالاتۋ ءۇشىن، ايماعىمىزدىڭ جەر - جەرى قياق كۇرىش ءتۇيۋ، ادەبيەت - كوركەمونەر كونسەرتىن قويۋ سياقتى الۋان فورماداعى  قيمىلداردى وتكىزىپ، دۋان - ۋ مەرەكەسىن شاتتىقپەن قارسى الدى.

قيمىل بارىسىندا كوپشىلىك ءار ۇلت ساقا پارتيا مۇشەلەرىنە، قيىنشىلىعى بار بۇقاراعا، سۇيەنىشسىز قارتتارعا قياق كۇرىش ۇسىنىپ، ولارعا ۇكىمەتتىڭ مەيىرى مەن قامقورلىعىن جەتكىزىپ، ءار ۇلت بۇقاراسىنا مەرەكەلىك سالت - سانا مەن ءداستۇرلى مادەنيەتتىڭ قۇدىرەت -كۇشىن سەزىندىردى.


□ 5 -ايدىڭ 26 -كۇنى ساۋان قالالىق توعىسپالى مەديا ورتالىعىنىڭ كونە ساۋان قالاشىعى توۋگوۋ جاڭا قىستاعىندا تۇراتىن قىزمەت اترەتى مەن قىستاق ” ەكى كوميتەتى“ ” دۋان -ۋ    مەرەكەسىندە سۇيىسپەنشىلىكتى توعىستىرۋ . ۇلتتار ىنتىماعىنىڭ بەرەكەلى شاڭىراعى“ قيمىلىن وتكىزىپ، ءار ۇلت  تۇرعىندارى بىرلىكتە قياق كۇرىش ءتۇيىپ، ويىن  نومىرلەرىن قويدى ءارى وتباسىندا جالعىز تۇراتىن 8 قاريا مەن ساقا پارتيا  مۇشەلەرىنە ءدامى ءتىل ۇيىرەتىن قياق كۇرىش جەتكىزىپ بەردى.


□ 5 -ايدىڭ 30 -كۇنى شاۋەشەك قالالىق 6 -باستاۋىش مەكتەپتىڭ جاڭاجامبىل ءمالى باسقارماسى جاڭاجامبىل الەۋمەتتىك اۋماعىندا تۇراتىن قىزمەت اترەتى مەن الەۋمەتتىك اۋماق قاراستىلىعىنداعى ۇلكەن پارتكومعا مۇشە ورىندارمەن بىرلەسىپ، ”قياق كۇرىشتىڭ حوش ءيىسىن اڭقىتىپ، دۋان -ۋ مەرەكەسىن قۇتتىقتاۋ . پارتيا مەن بۇقارا سۇيىسپەنشىلىگىن بىرگە قالاپ، ورتاق يگىلىكتەنەيىك“ نەگىزگى تاقىرىپتىق قيمىلىن وتكىزدى. قيمىلدا كوپشىلىك ءماز -ءمايرام بولا ءجۇرىپ قياق كۇرىش ءتۇيىپ، شاتتىققا شومدى. قيمىل سوڭىندا قىزمەت اترەتىنىڭ مۇشەلەرى مەن الەۋمەتتىك اۋماقتىڭ قىزمەتكەرلەرى ساقا پارتيا مۇشەلەرىنىڭ وتباسىنا قياق كۇرىش جەتكىزىپ بەردى.


 
سۋرەتىن تارتىپ، حابارلاعان تىلشىلەرىمىز لي شيا، جاڭ گوحۇي، ۋاڭ زىلين، ليۋ ۋي،
 
ۇسىنىس ەتىلگەن تىلشىلەر حى چىڭچياڭ، ليۋ پىڭ، ەرىكتى تىلشىلەر تان شياۋحۋا، ما يان، ۋاڭ يانحۋا

 رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى