چۇي يۋان
دۋان - ۋ مەرەكەسىن ەڭ ەرتە چۇي يۋانمەن بايلانىستىرعان ادام وڭتۇستىك - سولتۇستىك پاتشالىقتارى كەزىندەگى وڭتۇستىك لياڭ پاتشالىعىنىڭ ادامى ۋ جۇن.
ونىڭ شىعارماسىندا جازىلۋىنشا، چۇي يۋان ەگىنشىلىك كالەندارى بويىنشا 5 –ايدىڭ 5 -كۇنى ميلوجياڭ وزەنىنە ءوزىن اتادى، چۋ بەكتىگىنىڭ حالقى قاتتى قايعىرادى. ءار جىلدىڭ وسى كۇنى حالىق بامبۋك قۋىسىنا كۇرىش سالىپ سۋعا تاستاپ وعان ازا بىلدىرەدى... بۇل كۇندەرى بۇقارا 5 -ايدىڭ 5 -كۇنى قياق كۇرىش تۇيگەندە سىرتىنا اعاش جاپىراعىن وراپ، 5 رەڭدى زەر جىپپەن تاڭادى، مىنە بۇل ميلوجياڭ وزەنىنەن قالعان سالت.
ۋ زىشۇي
ۋ زىشۇي چۇنچيۋ ءداۋىرىنىڭ سوڭعى كەزىندەگى ۋ بەكتىگىنىڭ ايگىلى ءۋازىرى. ايتىلىمدارعا نەگىزدەلگەندە، ۋ زىشۇي ۋ بەكتىگىنە ەڭبەك ەتىپ جاتقان تۇسىندا ۋ بەگى فۋ چايعا تالاي رەت يۇە بەگى گۋ جياننىڭ باسىن الۋدى ۇسىنىس ەتكەندە كەڭەسىن كاپەرىنە الماعان فۋ چاي باسقالاردىڭ سوزىنە ەرىپ، وعان ءوزىڭدى اراندات دەپ قانجار بەرەدى.
ادال ءۋازىر ۋ زىشۇي ءولىمدى ەلەڭعۇرلى كورمەي، ولەرىندە كورشىسىنە:” مەن ولگەننەن كەيىن كوزىمدى ويىپ، استانانىڭ شىعىس قاقپاسىنا ءىلىپ قوي، يۇە بەگى اسكەرلەرىنىڭ ۋ بەكتىگىن جويعانىن ءوز كوزىممەن كورەيىن“دەيدى. بۇل ءسوز قۇلاعىنا جەتكەن فۋ چاي وت الىپ قوپاعا ءتۇسىپ، ۋ زىشۇيدىڭ مۇردەسىن تەرى تۇلىپقا سالدىرىپ، 5 -ايدىڭ 5 -كۇنى وزەنگە تاستاتادى.
سوندىقتان، دۋان -ۋ مەرەكەسى ۋ زىشۇيدى دا ەسكە الاتىن كۇن ەسەپتەلەدى.
ساۋ ى
«سوڭعى حانناما . ارداگەر ايەلدەر تۋرالىدا» جازىلۋىنشا، شىعىس حان پاتشالىعى كەزىندە ساۋ ىنىڭ اكەسى وزەنگە باتىپ ولەدى، جاسى نە بارى 14 تەگى ساۋ ى كۇنى -ءتۇنى وزەن جاعالاپ اكەسىنىڭ مۇردەسىن ىزدەيدى. مۇردەنى تابۋدان ءۇمىتىن ۇزگەن قىز اقىرى ءوزىن سۋعا اتىپ اكەسىمەن قاۋىشادى.
سوڭعىلار ساۋ ىنىڭ وپالىلىعىن ەسكە الۋ ءۇشىن، سۋعا ءوزىن اتقان جەرگە بۇتحانا تۇرعىزىپ، ول قونىستانعان قىستاقتىڭ اتىن ساۋ ى قالاشىعىنا، ءوزىن اتقان وزەننىڭ اتىن ساۋىجياڭ وزەنىنە وزگەرتەدى. سوندىقتان، دۋان -ۋ مەرەكەسى ساۋ ىنى ەسكە الاتىن كۇن دەگەن ايتىلىم دا بار.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى