ءتىلشىمىز جاڭ گوحۇي، ەرىكتى ءتىلشى باۋ چيڭ حابارلايدى. جۋىقتا شيحۋ قالاسى حۋاڭگۇڭ قالاشىعى تاسوتكەل قىستاعىنىڭ تۇرعىندارى قاقپالارىنىڭ الدىنداعى كۇن ەنەرگيالى كوشە شامدارىن كورىپ، ايرىقشا شاتتىققا بولەنىپ، كوپشىلىك تەگىس:” پا شىركىن! بەينە كۇندىزگىدەي جاپ -جارىق ەكەن“ دەپ تاڭداي قاعىپ القاستى.
قىستاق تۇرعىندارى قاقپالارىنىڭ الدىنداعى كوشە شامدارىنىڭ استىنا قورالانا وتىرىپ، وسى بىرنەشە جىلدا قىستاقتا بولعان ادام قۋانتارلىق زور وزگەرىستەر جونىندە اڭگىمە ءوربىتتى. ايماقتىق قازىنالىق باقىلاۋ مەكەمەسىنىڭ تاسوتكەل قىستاعىندا تۇراتىن قىزمەت اترەتىنىڭ مۇشەلەرى مەن قىستاق كادرلارىنىڭ كوڭىلىن دە جىلى اعىس كەرنەدى.
بيىل تاسوتكەل قىستاعى اۋىل -قىستاقتى گۇلدەندىرۋگە دەم بەرۋدى توڭىرەكتەي وتىرىپ، پارتيانىڭ حالىققا تيىمدىلىك جاساۋ ساياساتتارىن ناقتى تياناقتاندىرىپ، ءونىمىن كورسەتىپ،” ءاربىر ءىستى اقىلداسىپ شەشۋ “نىسان قارجىسىنىڭ رولىن تولىق ساۋلەلەندىرىپ، كوشەلەردىڭ تۇكپىر، شىنتاق بۇرىلماسى كوپ بولۋ، قىستاق تۇرعىندارىنىڭ تۇنگى ءجۇرىس - تۇرىسى قولايسىز بولۋ، حاۋىپسىزدىك كومەسكى قاتەردىڭ ساقتالۋى سياقتى ماسەلەلەردى شەشۋگە كۇش سالدى.
قىزمەت اترەتى قىستاق” ەكى كوميتەتىمەن“بىرلەسىپ، كوپ رەت ناق مايداندا كوزدەن كەشىرىپ، قىستاق جولدارىن جارىقتاندىرۋ ينجەنەرياسىن مۇقيات جوسپارلاپ اتقاردى. اۋىل -قىستاقتى گۇلدەندىرۋ جالپى تۇلعالىق جوباسىنىڭ ورنالاستىرۋىمەن ۇشتاستىرا وتىرىپ، تالاي رەت ەسەپتەپ كورىپ، شام ورناتاتىن ورىنداردى تۇراقتاندىرۋ ارقىلى ەڭ سوڭىندا 87 دانا كۇن ەنەرگيالى كوشە شامىن ورناتۋدى جوسپارعا الادى، مۇنىڭ تورتەۋىن ەندى سالىناتىن قاۋىرسىن دوپ مايدانىنا، التاۋىن قىستاق تۇرعىندارى مادەنيەت قيمىل ورتالىعىنا ورناتسا، قالعان 77 سىن قىستاق جولدارىنىڭ ەكى جاعالاۋىنا ورناتتى.
قازىرگە دەيىن تاسوتكەل قىستاعى قىستاق جولدارىن جالپى بەتتىك جارىقتاندىرۋدى تولىقتاي جۇزەگە اسىردى.
ىمىرت ۇيىرىلە سامداي جامىراعان كوشە شامدارى تاسوتكەل قىستاعىنىڭ بۇرىش - بۇرىشىنا دەيىن نۇرلاندىرىپ، قىستاق تۇرعىندارىنىڭ تۇنگى ءجۇرىس - تۇرىسى ءتىپتى دە حاۋىپسىز بولدى. كوشە شامدارى اۋىل - قىستاق جولدارىنا جارىق سيلاۋمەن بىرگە، قىستاق تۇرعىندارىنىڭ تۇنگى كوڭىل اشۋ قيمىلدارىن ورىستەتۋىن قامتاماسىز ەتتى.
قىزمەت اترەتىنىڭ باستىعى، قىستاقتىڭ ءبىرىنشى شۋجيى جياڭ ياۋ:” قىستاقتا تۇرعاننان بەرى قىزمەت اترەتى نەگىزدىك قۇرىلعى قۇرىلىسىن باستان -اياق اۋىل – قىستاقتى گۇلدەندىرۋدى ىلگەرىلەتۋدەگى، حالىق تۇرمىسىنىڭ ىرىس - قۇتىن كۇشەيتۋدەگى نەگىزگى قامتاماسىزداندىرۋ قىزمەتى رەتىندە ىستەپ كەلدى. بۇقارانىڭ ەڭ كوڭىل ءبولىپ وتىرعان، ەڭ شۇعىل شەشۋگە ءتيىستى ءجۇرىس - تۇرىس حاۋىپسىزدىگى ماسەلەسىنە قاراتا، قىستاق تۇرعىندارىنىڭ تۇرمىس، قونىس شارت - جاعدايىن ۇزدىكسىز كەمەلدەندىردىك. ’ مەيىر جەتكىزۋ جولى‘ قىستاق تۇرعىندارىنىڭ جۇرەگىن جىلۋعا بولەپ قالماستان، تاسوتكەل قىستاعىنىڭ اۋىل -قىستاقتى گۇلدەندىرۋدەگى دامۋ جولىن دا نۇرلاندىردى“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى