□ ءتىلشىمىز ۋاڭ گاۋشىڭ
قوبىقسارى موڭعۇل اۆتونوميالى اۋدانى شاحتى اۋىلىنىڭ شاعانتۇڭگى الەۋمەتتىك اۋماعىندا شياڭگاڭدىق ساۋداگەر مەن گاڭشىڭ ەسىمدى قىز بالانىڭ حيكاياسى تارالىپ ءجۇر.
2010 -جىلى 3 -ايدا شياڭگاڭدىق ساۋداگەر ۋاڭ يان مەن كۇيەۋى قارجى شىعارىپ جاڭادان قۇرعان شينجياڭ شۋاڭسىگاڭ اۋىل شارۋاشىلىعىنا قارجى قوسۋ جارنالىق شەكتى سەرىكتەستىگى اۆتونوميالى رايوننىڭ ساۋداگەر شاقىرۋى ارقىلى شاحتى اۋىلىنا ىرگە تەبەدى. سەرىكتەستىك قۇرىلعاننان بەرى، ءىس جۇزىندىك ارەكەتى ارقىلى بۇقارا ءۇشىن ناقتى، يگى ىستەر ىستەپ، ۇلتتار ىنتىماعى قىزمەتىن ويداعىداي ورىستەتىپ، قوعامدا وڭ ەنەرگيا تاراتتى.
سەرىكتەستىك قۇرىلعان 3 جىلدان بەرى جيىنى 70 ميلليون يۋان قارجى شىعارىپ، قۋاڭ جاتقان 30 مىڭ مۋ جەردى اشىپ، قۇنارلاندىردى. قۇنارلاندىرىلعان 10 مىڭ مۋ جەردى اۋىلدىق ۇكىمەتكە قايتارىپ، تۇتاس اۋدانداعى 9 اۋىل - قالاشىقتان (فەرمادان) كوشىپ كەلگەن قيىنشىلىعى بار ەگىنشى -مالشىلارعا ءار وتباسىنا 50 مۋدان ءبولىپ بەرەدى، شاعانتۇڭگى الەۋمەتتىك اۋماعى نارىنعول جولى 2 -كوشەسىنىڭ باتىسىنداعى 11 - ءنومىرلى اۋلادا تۇراتىن باعجان قىدىرموللا انە سولاردىڭ ءبىرى ەدى.
شينجياڭ شۋاڭسىگاڭ اۋىل شارۋاشىلىعىنا قارجى قوسۋ جارنالىق شەكتى سەرىكتەستىگىنىڭ قۇرىلۋى باعجان وتباسىنا زور وزگەرىس اكەلىپ، تۇرمىستارىن بارعان سايىن جاقسارتا ءتۇستى، ونىڭ سەرىكتەستىكتىڭ باس جوراسى ۋاڭ يانمەن بولعان حيكاياسى ەستەرىنەن كەتپەستەي ورىن العان.
باعجان:” 2010 ـ جىلى 3 ـ ايدا كۇيەۋىم ەكەۋىمىز شاحتى اۋىلىنىڭ تۇرعىندار تۇيىنىنە كوشىپ كەلدىك، كوشىپ كەلگەندەردىڭ بارلىعى سەرىكتەستىكتىڭ كوللەكتيۆ جاتاعىنا ورنالاستىرىلدى، سول كەزدە اۋىراياق بولعاندىعىم ءۇشىن، سەرىكتەستىك بىزگە ايىرىم ءۇي بوساتىپ بەردى“دەدى.
8 -ايدىڭ 10 -كۇنى كەشتە، باعجان اياق استىنان تولعاتادى، كۇيەۋى جايلاۋدا مال باعىپ جاتقان، تۇرعان جەرلەرىندە شيپاحانا جوق، ەڭ جاقىن بولعان قوستولاعاي قالاشىعى حالىق شيپاحاناسىنىڭ ءوزى 80 كيلومەتر شالعايدا بولىپ، دەر كەزىندە شيپاحاناعا جەتكىزىلمەسە، انا مەن بالانىڭ ومىرىنە حاۋىپ تونەتىن ەدى.
وسىنداي قىسىلتاياڭ ساتتە، سەرىكتەستىكتىڭ قىزمەتكەرلەرى وسى شۇعىل جاعدايدى ۋاڭ يانعا مالىمدەيدى. ۋاڭ يان دەرەۋ سەرىكتەستىكتىڭ جالعىز جەڭىل اۆتوكولىگىن شىعارىپ، ارناۋلى ادام ورنالاستىرىپ، 2 ساعاتتان استام جول ءجۇرىپ، باعجاندى شيپاحاناعا جەتكىزەدى ءارى بارلىق قاراجاتتى سەرىكتەستىك تولەي تۇرادى. وسىنىڭ ارقاسىندا باعجان امان -ەسەن بوسانىپ، سۇيكىمدى قىز بالالى بولادى.
سەرىكتەستىكتىڭ قامقورلىعىنا العىس ايتۋ ءۇشىن، باعجان مەن كۇيەۋى بالاسىنا گاڭشىڭ جاناسىل دەپ ات قويادى، ۋاڭ يان مۇنى بىلگەننەن كەيىن قاتتى اسەرلەنەدى.
تاياۋ جىلداردان بەرى ۋاڭ يان گاڭشىڭ مەن ونىڭ وتباسىنا كوپتەپ كوڭىل ءبولىپ، قامقورلىق جاساپ، كومەكتەسىپ كەلدى. جايشىلىقتا ازىقتىق ماي، كۇرىش، جەمىس ـ جيدەك سياقتىلاردى الىپ ۇنەمى بارىپ جاعدايلارىن ۇعىسىپ تۇرادى، قىستا بىرنەشە توننا كومىر جەتكىزىپ بەرۋ، قارىز اقشا بەرە تۇرۋ سياقتىلار قالىپتى جاعدايعا اينالعان. قازىر گاڭشىڭ اۋىلدىق سەنترلى باستاۋىش مەكتەپتىڭ 2 ـ جىلدىعىندا وقيدى. 2019 ـ جىلى اعاسى داشۋەگە قابىلدانعان، ۋاڭ يان قازىرگە دەيىن ءار وقۋ ماۋسىمىندا وعان 2000 يۋان قارجىلاي كومەك بەرىپ كەلەدى.
ۋاڭ يان مەن گاڭشىڭنىڭ حيكاياسى ماڭايىنداعىلاردى اسەرلەندىردى، ال وسى سياقتى ۋاڭ يان مەن ەگىنشى - مالشىلار اراسىنداعى مەيىرگە تولى حيكايالار ساناپ تاۋىسقىسىز ...
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى