زاڭمەن جونگە سالۋ تانىمىن كۇشەيتىپ، تاماشا تۇرمىستى قاستەرلەيىك

جولدانعان ۋاقىتى : 2022/5/24 13:22:00

□ تارباعاتاي شەكارا باسقارۋ تارماق اترەتى التىن ەمىل شەكارا ساقشى بولىمشەسىنىڭ حالىق ساقشىلارى قاراستى وڭىردەگى قۇرىلىس ورىندارىنا، ەگىنشى -مالشىلاردىڭ وتباسىنا جانە ساۋدا دۇكەندەرىنە بارىپ، ازاماتتىق زاڭنامانى كەڭىنەن ۇگىتتەدى.
 

□ ايماقتىق قوعام حاۋىپسىزدىگى مەكەمەسى اۋەجاي ساقشى بولىمشە مەكەمەسى شاۋەشەك اۋەجايىمەن بىرلەسىپ،  ازاماتتىق زاڭنامانى ۇگىتتەۋ قيمىلىن ۇيىمداستىرىپ ورىستەتتى. حالىق ساقشىلارى فيلم كورسەتۋ، تيپتىك دەلو ارقىلى زاڭدى ءتۇسىندىرۋ، ۇگىت ماتەريالدارىن تاراتۋ سياقتى فورمالارمەن، بۇقارانى زاڭدى بەلسەنە قولدانىپ، جەكە ۇقىق -مۇددەسىن قورعاۋعا جەتەلەدى.

□ ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى شاۋەشەك قالاسى دۋبەك ءمالى  باسقارماسى ليننان الەۋمەتتىك اۋماعى، قالالىق 3-ورتا مەكتەپپەن بىرلەسىپ، ”زاڭمەن جونگە سالۋدى الەۋمەتتىك    اۋماققا جەتكىزۋ“ قيمىلىن ورىستەتتى.

□ ايماقتىق، شاۋەشەك قالالىق قوعام حاۋىپسىزدىگى جۇيەسى ايماقتىق، قالالىق ادىليا تاراۋلارىمەن بىرلەسىپ،  شاۋەشەك قالاسى قاراقاباق اۋىلىنا بارىپ، قىستاق تۇرعىندارىنىڭ زاڭ جونىندەگى 30 دان استام سۇراعىنا جاۋاپ  بەرىپ، 300 دەن استام ۇگىت قولدانباسىن تاراتتى.
 

 

□ باقتى شەكاراعا كىرىپ -شىققانداردى تەكسەرۋ پۋنكتىنىڭ زاڭ جالپىلاستىرۋ شاعىن اترەتى تۇرعىندار شاعىن   رايونىندا زاڭ جالپىلاستىرۋ قيمىلىن ورىستەتتى.

 

زاڭمەن جونگە سالۋ تانىمىن كۇشەيتىپ، تاماشا تۇرمىستى قاستەرلەيىك

ـــ ايماعىمىز ورىستەتكەن 2 -رەتكى ”ازاماتتىق زاڭناما ۇگىت ايى“ قيمىلىنان قيىقتار

قۇرىلىس ورىندارىنا بارىپ، جۇمىسشىلارعا ازاماتتىق زاڭنامانى ۇگىتتەپ، ولاردى زاڭدىق ۇقىق-مۇددەسىن زاڭ ارقىلى قورعاۋعا جەتەلەدى؛ قىستاقتارعا بارىپ، قىستاق تۇرعىندارىنا ازاماتتىق زاڭنامانى ءتۇسىندىرىپ، اۋىل -قىستاق ەگىستىك جەرىن كوتەرەگە بەرۋدىڭ زاڭدىق مازمۇندارىن   جالپىلاستىردى...

بيىلعى 5 -اي 2 -رەتكى ”ازاماتتىق زاڭناما ۇگىت ايى“ بولىپ، ”تاماشا تۇرمىسىڭىزعا     ازاماتتىق زاڭنامانى سەرىك ەتىڭىز“ نەگىزگى تاقىرىپ ەتىلگەن. بىرنەشە كۇننەن بەرى  ايماقتىق، شاۋەشەك قالالىق قوعام حاۋىپسىزدىگى جۇيەسى، ادىليا تاراۋلارى ءتۇرلى فورماداعى ۇگىت قيمىلدارىن شوعىرلى ورىستەتتى. ۇگىت ماتەريالدارىن تاراتۋ، ۇگىت فيلمدەرىن كورسەتۋ، كەڭەس سۇراۋ تەكشەسىن اشۋ سياقتى فورمالارمەن، تيپتىك دەلو ارقىلى زاڭدى ءتۇسىندىرىپ، ءار ۇلت بۇقاراسىن زاڭعا قۇرمەت ەتىپ، زاڭدى ۇيرەنىپ، زاڭعا   بويسۇنىپ، زاڭدى قولدانىپ، زاڭ ارقىلى  وزىندىك ۇقىق -مۇددەسىن قورعاپ، تاماشا تۇرمىستى قاستەرلەۋگە جەتەلەدى.

سۋرەتىن تارتىپ، حابارلاعان تىلشىلەرىمىز جاڭ ياڭ، سۇي جيالي، ۋاڭ زىلين، ەرىكتى تىلشىلەر جىڭ شيڭگو، ۋاڭ شياۋفاڭ، جاڭ جى، تيان ياحۇي




رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى