ەرىكتى ءتىلشى بايىر حابارلايدى. جۋىقتان بەرى ساۋان قالاسى كونە ساۋان قالاشىعى سىپيڭكۋ جاڭا قىستاعىنىڭ ەگىس اتىزدارىندا، اۋىل شارۋاشىلىق ماشينالارى جەر تەگىستەپ، پورازدا تارتىپ، قىستاق تۇرعىندارى ىرىستى توپىراققا شانياۋ ەگۋدىڭ قاربالاسىنا ءتۇستى.
سىپيڭكۋ جاڭا قىستاعىنىڭ شيكىڭۋان گرۋپپاسىنداعى 300 مۋدان استام قۇمايت جەر شانياۋ ەگۋگە ەرەكشە ۇيلەسىمدى بولعاندىقتان، جاقىنعى جىلداردان بەرى سىپيڭكۋ جاڭا قىستاعىنىڭ شيكىڭۋان گرۋپپاسى اۋىل شارۋاشىلىق كاسىپ قۇرىلىمىن تەڭشەۋ تەبىنىن ۇزدىكسىز ارتتىرىپ، جەرگىلىكتى جاعدايعا قاراي، قىستاق تۇرعىندارىن شانياۋ ەگىمشىلىگىن دامىتۋعا جەتەكشىلىك ەتتى.
”شانياۋ قۇمايت جەرگە ەگۋگە ۇيلەسەتىندىكتەن، شيكىڭۋانداعى قۇمايت جەرگە ەگىلگەن شانياۋدىڭ ساپاسى وتە جاقسى، ءونىم مولشەرى جوعارى بولىپ، مۋ باسىندىق ءتۇسىمى ورتا ەسەپپەن 4000 كيلوگرامنان اسادى“ دەدى سىپيڭكۋ جاڭا قىستاعى پارتيا باس ياچەيكاسىنىڭ شۋجيى باۋ شى -ۋ.
”بىلتىر شانياۋدان ءمول ءونىم العان جىل بولدى، شانياۋ قازباس بۇرىن تۇگەلدەي تاپسىرىس بەرىلدى! بيىل 100 مۋ جەرگە شانياۋ ەكتىم، مۋىنان 4000 نەشە كيلوگرام توڭىرەگىندە ءونىم الىپ، ءار كيلوگرامىن 5 يۋان مولشەرىندە ساتسام، كىرىسىم اجەپتاۋىر بولادى“ دەدى ەگىمشىلىكپەن شۇعىلداناتىن شارۋا ۋاڭ حايتاۋ.
جاقىنعى جىلداردان بەرى كونە ساۋان قالاشىعى قۇمايت جەرگە ۇيلەسىمدى شانياۋ ەگۋ باسىمدىعىنان تولىق پايدالانىپ، جەردى اينالىمعا سالۋدى بەلسەنە اتقارىپ، شارۋالاردىڭ عىلمي جولمەن شانياۋ ەگۋىنە جەتەكشىلىك ەتتى. قازىرگە دەيىن كونە ساۋان قالاشىعىنىڭ شانياۋ ەككەن جەر كولەمى 600 مۋدان اسىپ، اۋىل شارۋاشىلىعى ونىمدىلىگىن جوعارىلاتۋ مەن شارۋالاردىڭ كىرىسىن ارتتىرۋدى بارىنشا ىلگەرىلەتكەن.
كونە ساۋان قالاشىعى پارتكومىنىڭ ورىنباسار شۋجيى، قالاشىق باستىعى جىڭ جيان: ”الداعى جەردە ءتىپتى دە كوپ قۇمايت جەرلەردى اينالىمعا سالىپ، شانياۋ ەگۋ كولەمىن كەڭەيتىپ ءارى ’بازا + سەلبەستىك كووپەراتيۆ + شارۋا ‘ ۇلگىسىنەن پايدالانىپ، مۋ باسىندىق ونىمدىلىكتى ۇزدىكسىز جوعارىلاتىپ، شارۋالاردىڭ كىرىسىن ارتتىرۋعا كومەكتەسىپ، شانياۋدىڭ ايگىلى ماركالىق ىقپالىن ۇزدىكسىز كەڭەيتۋدى جوسپارلاپ وتىرمىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى