ءتىلشىمىز ۋاڭ زىلين حابارلايدى. 4 -ايدىڭ 27 -كۇنى اكىمشىلىك مەكەمەسى 2022 -جىلعى 10 - رەتكى پارتيا باسشىلىق گرۋپپاسى ءماجىلىسىن اشتى. ءماجىلىس باس شۋجي شي جينپيڭنىڭ تاياۋداعى ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن، پارتيا ورتالىق كوميتەتىنىڭ، اۆتونوميالى رايوننىڭ قاتىستى ماجىلىستەرىنىڭ، حۇجاتتارىنىڭ رۋحىن جەتكىزدى، ۇيرەندى، ايماقتىڭ قاتىستى قىزمەتتەرى جونىندەگى مالىمەتتى تىڭدادى، ايماقتىڭ دايەكتىلەندىرۋ، تياناقتاندىرۋ پىكىرىن اقىلداستى. ايماقتىق پارتكومنىڭ ورىنباسار شۋجيى، اكىمشىلىك مەكەمەسى پارتيا باسشىلىق گرۋپپاسىنىڭ شۋجيى، ۋالي ايدىن تولەۋقان ءماجىلىستى باسقاردى ءارى ءسوز سويلەدى.
ءماجىلىس مىنالاردى تالاپ ەتتى: اۋدان - قالالار، تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، زاڭ بويىنشا ساناق جۇرگىزۋگە تاباندى بولىپ، ساناقتىق باقىلاۋدى كۇشەيتىپ، ساناق جۇرگىزۋ جاۋاپكەرشىلىگىن قاتايتىپ، ناقتىلاندىرىپ، ساناق قىزمەتىن تىڭعىلىقتى ويداعىداي ىستەۋ كەرەك. استىقپەن قامداۋ قابىلەتىن ارتتىرىپ، استىق بازارى مەن اينالىم قىزمەتىن ويداعىداي ىستەپ، استىق بازارى قامداۋىنىڭ حاۋىپسىز، ورنىقتى بولۋىن قامتاماسىزداندىرۋ كەرەك. بەيجيڭ قىسقى وليمپيادا جارىسى رۋحىن زور كۇشپەن اسقاقتاتىپ، مۇرات -سەنىمدى بەكەمدەپ، قاجىرلىلىقپەن ىستەپ، ايماقتىڭ دەنە تاربيە ىستەرىنىڭ جالپىلاسۋىن، دامۋىن ۇزدىكسىز ىلگەرىلەتۋ كەرەك. سيفرلى ۇكىمەت قۇرىلىسىن جەدەل ىلگەرىلەتىپ، ولكە دارەجەلىدەن تومەن قازىنا ءتۇزىلىسى رەفورماسىنا قاتىستى ورنالاستىرۋلاردى، تالاپتاردى مۇقيات دايەكتىلەندىرىپ، تياناقتاندىرىپ، باسشى كادرلاردىڭ جاراتىلىستىق بايلىق مال -مۇلكىنە مىندەتىنەن بوساعان سوڭ قازىنالىق باقىلاۋ جۇرگىزۋ ءتۇزىمىن قاتاڭ تياناقتاندىرىپ، عىلمي جاڭالىق اشۋعا شابىتتاندىرۋ ءتۇزىمىن كەمەلدەندىرۋ كەرەك. شارالاردى تياناقتاندىرۋدى كۇشەيتىپ، عىلمي، دالمە -ءدال ساقتانۋ - تىزگىندەۋ قابىلەتىن جوعارىلاتىپ، ىندەتتەن ساقتانۋ مەن ىركىلىسسىز بولۋدى قامتاماسىز ەتۋ قىزمەتىن ءبىر تۇتاس ويداعىداي جوسپارلاپ، ىندەتتىڭ شوعىرلانۋ سيپاتتى تارالماۋىنىڭ تومەنگى شەگىن بەرىك ساقتاۋ كەرەك.
ءماجىلىس مىنالاردى باسا دارىپتەدى: ءوندىرىس حاۋىپسىزدىگىن ۇزدىكسىز مىقتى يگەرىپ، ءتۇيىندى سالالاردى، ءتۇيىندى تۇستاردى، ءتۇيىندى بۋىنداردى تىعىز قاداعالاپ، ءوندىرىس حاۋىپسىزدىگى زور تەكسەرۋىن ىشكەرىلەي ورىستەتىپ، ايماقتىڭ ءوندىرىس حاۋىپسىزدىگىنىڭ ۇزدىكسىز جاقسارۋىنا كەپىلدىك ەتۋ كەرەك. ساۋداگەر شاقىرىپ، قارجى ەنگىزۋ تەبىنىن ارتتىرىپ، نىسان قۇرىلىسىن بار كۇشپەن ىلگەرىلەتىپ، ونەركاسىپتىڭ تيپىن جاڭالاپ، دەڭگەيىن ءوسىرۋدى ىلگەرىلەتىپ، شارۋاشىلىق -ساۋدا ورتاسىن ۇزدىكسىز ساپالىلاندىرىپ، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسى قادامىن جەدەلدەتىپ، ايماق ەكونوميكاسىنىڭ جوعارى ساپالى دامۋىن جەبەۋ كەرەك. ورتالىقتىڭ قورشاعان ورتانى باقىلاۋ -تەكسەرۋى بويىنشا رەتتەۋ -تۇزەتۋ قىزمەتىن مىقتى يگەرىپ، ءار ۇلت حالىق بۇقاراسىنىڭ باقىت سەزىمى مەن رازىلىق كورسەتكىشىن ۇزدىكسىز جوعارىلاتۋ كەرەك. ۇلتتار ىنتىماعى تاربيەسى ۇگىتىن ۇزدىكسىز مىقتى يگەرىپ، جۇڭحۋا ۇلتى ورتاق تۇلعا تانىمىن اناعۇرلىم بەكەمدەپ، ايماقتىڭ ۇلتتار ىنتىماعىنىڭ ”التىن ءارىپتى ماڭدايشالىعىن“ ۇزدىكسىز جارقىراتۋ كەرەك.
اكىمشىلىك مەكەمەسى پارتيا باسشىلىق گرۋپپاسىنىڭ ورىنباسار شۋجيى شۋە گۇيچياڭ، اكىمشىلىك مەكەمەسى پارتيا باسشىلىق گرۋپپاسىنىڭ مۇشەلەرى لي يۇڭ، الي، يان فىڭ، بي حاي، تولقىن تولەگەن، ىسكاندىر قيۋم قاتارلىلار ماجىلىسكە قاتىناستى، اكىمشىلىك مەكەمەسىنىڭ ورىنباسار باس حاتشىلارى جانە ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە سىرتتاي قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى