ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

جولدانباي قالعان حاتتار

جولدانعان ۋاقىتى : 2014/1/6 16:52:11

ۆالەري. ءوسيىپوۆ (رەسەي)
 
  ەكى جىلدىڭ الدىنداعى ءبىر كۇز كۇنى،  گەولوگيالىق بارلاۋ اترەتى سۇ راپىل نوسەردە  ءىز-توزسىز كەتەدى. ادامدار ۇزاق ۋاقىت ىزدەۋ سالسا دا دەرەگىن تابا المايدى. ەكىنشى جىلى كوكتەمدە جەرگىلىكتى ياكۋتتار (ساحالار) ولاردىڭ ىشىندەگى ءبىر مۇشەسىنىڭ مۇردەسىن، ياعني قوسىن باسشىسى كونسدانديڭ. پەتروۆچ. سابيننيڭدى تاۋىپ الادى. ياكۋتتار سابيننيڭنىڭ قوينىنان تۇيىنشەكتى بايقايدى، تۇيىنشەكتىڭ ىشىندە ولار ىزدەپ جۇرگەن الماس كەنىنىڭ قاريتاسى مەن ايەلىنە جازعان ءبىر پارشا حات بار ەكەن.
 
〔1〕
 
  سۇيىكتى، ۆيلا، قازىر ەكەۋىمىزدىڭ ارالىعىمىز سونشالىقتى الىستا!  ءدال قازىر، سەن دە جىراقتاعى موسكۋادا الدەقاشان ءتاتتى ۇيقى قۇشاعىنا شومدىڭ، ال مەن بولسام باسقا گەولوگيالىق بارلاۋ قوسىنىنداعىلارمەن بىرگە كەڭ بايتاق سولتۇستىككە ۇشىپ بارامىن، وسى ۋاقىتتا ساعان بىردەمە ىستەپ بەرسەم دەپ ويلاپ كەلەمىن، سول ارقىلى قۋانىش پەن باقىتتى سەزدىرگىم كەلەدى، سونىمەن  وزىڭە وسى حاتتى جازىپ وتىرمىن.

  قايتىپ بارعان سوڭ، بۇل حاتتى ءوز قولىممەن ساعان بەرەمىن.  سەن بۇل حاتتى وقىعان كەزىڭدە، قاسىڭدا وتىرىپ ءۇن قاتپاستان، سەنىڭ نۇر جۇزىڭە، شاشىڭا، قولىڭا قاراپ وتىرامىن. وقىپ بولعان كەزىڭدە، ءبىز مەنىڭ ءىسىم تۋرالى ءسوز قوزعامايمىز، تەك سەنى عانا تالقىلايمىز، سەنىڭ وسى ءبىر مەزگىلدەگى تۇرمىسىڭدى اڭگىمە ەتەمىز.

  وزىڭە بارلاۋ قوسىنىمىزداعى مۇشەلەردى تانىستىرۋدى ۇمىتىپ كەتىپپىن. ءبىز جالپى ءتورت ادامبىز. الدىمەن ساعان سەرگەي تۋرالى ايتايىن، ول جەرگىلىكتى ادام. ءبىزدىڭ ىشىمىزدەگى جاسى ۇلكەنى دە، تاجىريبەلىسى دە سول. ورتا بويلى، سالماقتى، ورنىقتى سويلەيتىن كىسى. سەرگەي ءبارىن بىلەدى، ول بولماسا ءبىز اياق-قولى كەسىلگەن تاسباقاداي بولىپ قالامىز.

  قالعان ەكەۋى گەرمان مەن تانيا، ولار جاس بالالار.

  جاي بولىپ كەتىپتى، دەم الايىن، ەرتەڭ تاعى ەرتە تۇرۋىمىز كەرەك. قايىرلى ءتۇن.

  ءبىز ءبىر كىشكەنە بۇلاقتىڭ جاعاسىنان باستاپ بارلاۋ قىزمەتىن جۇرگىزدىك. گەرمان بۇل بۇلاقتى «سابيننيڭ بۇلاعى» دەپ اتايىق دەدى، مەنشە، «ۆيلا بۇلاعى» دەپ اتاعان جاقسى سياقتى. ويتكەنى ۆيلانىڭ ماعىناسى سەنىمدىلىك، بۇل ءبىزدىڭ كاسىبىمىزگە دەگەن سەنىمدىلىگىمىزدىڭ كۇشتى ەكەنىن، ءسوزسىز، تابىسقا جەتەتىندىگىمىزگە سەنىمىمىزدىڭ بار ەكەنىن بىلدىرەدى. قوسىنداعىلار قارسى بولمادى، بارلىعى قوسىلدى. ارينە، ولار «ۆيلانىڭ» سەنىڭ اتىڭ ەكەنىن بىلەتىن.

  ۆيلا، ساعان ءبىر قۋانىشتى ءىستى ايتايىن! كەشە سەرگەي ءبىر كەسەك الماس تاۋىپ الدى. ءيا، ناعىز كەسەك الماس. جالعاستى جازۋعا ۋاقىتىم قالمادى. وسى كەزدەردە ءار كۇنى 3 تە 4 ساعات عانا ۇيىقتاپ ءجۇرمىز.

  ۆيلا، ءبىز جەڭىسكە جەتتىك!

  كەشە تانيا ەكەۋىمىز بىرلىكتە بارلاۋ جاساپ ءجۇرىپ، كوپ الماس تاۋىپ الدىق.

  گەرمان بولسا، ءوزىنىڭ بۇل ومىردە بەكەر جاساماعاندىعىن سەزىنگەندىگىن ايتتى، ويتكەنى ول  بۇكىل  ادامزات ءۇشىن ەڭ پايدالى بولعان زور بايقاۋعا قاتىناستى.

  تانيا ەستي سالا كۇلىپ جىبەردى، تانيا مەن گەرمان قالاي دەسە دە بالا عوي، ەكەۋىنىڭ جاسىن قوسساڭ دا 50 گە جەتپەيدى.

  مىنە وسىلاي، الماس كەنى اقىرى تابىلدى.

  ۆيلا، اقىرى ءومىر بويى ازاپتانىپ ىزدەپ كەلە جاتقان نارسەمدى تاۋىپ الدىم. مىنا ەل-جۇرتسىز ياكۋت بايىرعى ورمانىندا، ءوز باقىتىمدى   ىزدەپ ءجۇرمىن، بۇل باقىتىمدى اركىمنىڭ تۇسىنە بەرۋى ەكىتالاي، ويتكەنى مەنىڭ بۇل باقىتىم ميحىناتقا تولى.

  قىزمەتتەن تىس، ومىرىمدەگى ەندى ءبىر باقىتىم سەنسىڭ. سان مىڭ شاقىرىم جول باسسام دا ءتۇبى سەنىڭ قاسىڭا ورالامىن، ۇيگە قايتامىن. ءىس جۇزىندە تاۋ اسىپ، تاس باسىپ، بوران-شاشىندا سۋىت ءجۇرىپ، ساعان قاراي جاقىنداپ كەلەمىن، ۇيگە قايتتىم، ۇيگە قايتتىم، ۇيگە قايتاتىن بولدىم!
 
〔2〕

  امانسىڭ با، ۆيلا! ساعان حات جازباعالى كوپ كۇن بولدى، ويتكەنى وتە باقىتسىز ءبىر ءىس تۋىلدى.

  ول كۇنى كەشتە بارلىعىمىز «ۆيلا بۇلاعىنىڭ» جاعاسىنا شاتىرىمىزدى تىگىپ، كەشكى تاماعىمىزدى ءىشىپ بولعان سوڭ، ۇيىقتاپ قالعانبىز، اۋا رايى بۇرىنعىداي جاپ-جاقسى ەدى. ءبىز وتە شارشاپ كەتكەندىگىمىزدەن، ازىق-تۇلىك پەن راديو اسپابىمىزدى قايىقتان شاتىرعا اكەلمەگەن بولاتىنبىز. ارينە، بۇل ءبىزدىڭ قاتەلىگىمىز، اسىرەسە، قوسىن جاۋاپتىسى بولعان مەنىڭ قاتەلىگىم. بارلىعىمىز ۇيىقتاپ قالدىق، سىرتتا جاۋعان نوسەر داۋىسىنان بىرەۋىمىز دە ويانباپپىز.

  تاڭعى ساعات 6 دا الدىمەن سەرگەي ويانىپتى، سەرگەي ءبىزدى وياتقانىمەن، شاتىردان اتتاپ شىعا المادىق.

  «ءبىزدىڭ قايىعىمىز!» دەدى سەرگەي كەنەت ايعاي ساپ. بارلىعىمىز جاعاعا قارادىق، جاعا دا ەشتەڭە جوق، ءبىرقانشا قايىعىمىز عايىپ بولىپتى. ءاسىلى، قايىق توقتاعان جاعا جوعارعى اعارداعى وزەن سۋىمەن شايىلىپ كەتىپتى. بۇل بۇلاق ارناسىنان اسقان ۇلكەن وزەنگە اينالىپتى، وزەن ۇستىندە سۋمەن بىرگە اعىپ كەلگەن كەسەك-كەسەك ۇلكەن اعاشتار قالقىپ ءجۇر.

  ءبىز ىشتەي ۇمىتتەنە، جاعانى بويلاي تومەنگى اعارعا قاراي جۇگىردىك… مۇمكىن قايىعىمىزدى تاۋىپ الارمىز.

  ايتقانىمىزداي، جاعادان الىس ەمەس جەردە كىشكەنە ءبىر قايىعىمىز اعاش اراسىنا قىسىلىپ قالىپتى. ول قايىقتا ءبىزدى بار  قيىندىقتان  قۇتقاراتىن، ازىق-تۇلىك پەن راديو اسپابى بار ەدى.

  سەرگەي اعاشتارعا سۇيەنە قايىققا قاراي ابايلاي باسىپ بارا جاتقاندا، باقىتسىزدىق تۋىلدى، سۋ ىشىنە قۇلاپ ءتۇستى. ءبىز دەرەۋ سۋعا سەكىرىپ تۇسكەنىمىزبەن، سەرگەيدى تابا المادىق.

  سونىمەن ءبىز ياكۋت بايىرعى ورمانىنىڭ تۇكپىرىنە قامالىپ قالدىق، باعىت ايىرعىش جوق، قاريتا جوق، كومپاس جوق، راديو اسپابىمىز دا جوق، بارلىق نارسەلەرىمىزدى  تاسقىن سۋ الىپ كەتتى.

  وسى رەتكى نوسەر تۇپ-تۋرا ءبىر كۇن جاۋدى. ءبىز شاتىرىمىزدى، كەبەنەگىمىزدى جيناپ، كيىمىمىزدى، كونسەرۆامىزدى جانە  مىلتىعىمىزدى الىپ جولعا شىقتىق.

  امانسىڭ با، ۆيلا! ءبىز ءالى بايىرعى ورماننىڭ ىشىندە ءجۇرىپ كەلەمىز. ءدال قازىر وڭتۇستىككە قاراي تارتىپ كەلەمىز. العاشقى سۋىق اعىس كەلۋدەن بۇرىن بۇل ورماننان شىعىپ كەتەمىز دەپ ويلايمىن.

  ءبۇرىسىپ توڭىپ، اشتىقتان قارىنىمىز شۇر-شۇر ەتەدى، ەندى قانشا جۇرەتىنىمىزدى دە بىلمەيمىز.

  بۇگىن تاعى اڭگىمە شىقتى. گەرمان جىعىلىپ قالدى. اياعى ءىسىنىپ قالعان بولۋى مۇمكىن. وعان تاياق جوندەپ بەردىك، ءبىراق جول جۇرگەندە قاتتى قينالىپ كەتتى.

  گەرماننىڭ قىزۋى ەرەكشە بولدى. الماس كەنىنىڭ قاريتاسىن كورگىسى كەلەتىنىن ايتتى، وعان بەردىم. ىجداعاتتىلىقپەن ۇزاق ۋاقىت قاراعان سوڭ، ماعان قايتارىپ بەردى. ءبىز ءالسىز جانعان وت جالىنىندا اۋىر مۇڭعا باتا ءۇن-ءتۇنسىز وتىرمىز.

  ەرتەڭ جالعاستى جولعا شىعۋىمىز مۇمكىن ەمەس دەپ ويلادىم.

  گەرماننىڭ جاراسى اسقىنىپ كەتكەندىكتەن، تانيا 30 كيلوگرامعا تاياۋ بارلىق كەرەك-جاراقتى كوتەردى دە گەرماندى مەن ارقالاپ الدىم.

  ازدان سوڭ تانيا ەكەۋىمىز  ورمان اراسىنا بارىپ اڭ اۋلاپ كەلمەك بولدىق. وسى كەزدە گەرمان مەنەن ءبىر جاپىراق قاعاز سۇراپ الدى.

  كەشە كەشتە تۋىلعان ءىس تۋرالى قالام تەربەي الاتىن ەمەسپىن. 40 جاسقا كەلگەن مەن دە توزىمدىلىك ىستەي الماي جىلاپ جىبەردىم.

  كەشە تۇندە، شىرت ۇيقى قۇشاعىندا جاتقانىمىزدا گەرمان عايىپ بولىپتى. تاڭەرتەڭ ويانعانىمىزدا ول جوق ەكەن. شاتىرعا ءبىر حات تاستاپ كەتىپتى:

  كونسدانديڭ. پەتروۆچ، مەن، ءسوزسىز، وسىلاي ىستەۋىم كەرەك. سەبەبى، وتە قاراپايىم، ۇشەۋىمىز ءبىر-اق ولگەنشە، مەنىڭ ولگەنىم جاقسى. مەنىڭ كەبەنەگىمنىڭ قالتاسىندا جانە ءبىر كونسەرۆا بار، ۇمىتپاي الىپ الىڭدار. مەن كەتتىم، مەنى ىزدەمەڭدەر. تانياعا كوڭىل بولگەيسىڭ.

  ءبىز گەرماندى ەكى كۇن ىزدەسەك تە تابا المادىق. ءۇشىنشى كۇنى جالعاستى جولعا شىقتىق. جول بويى تانيا ءتىس جارمادى. گەرماننىڭ ءولىمى ونىڭ جانىنا قاتتى باتتى. بۇگىن تانيا 7 مىڭ قادام جول باسقان سوڭ تالىپ ءتۇستى.

  مەن مازداتا وت جاعىپ، وعان شاي دەمدەپ بەردىم، از ءدام تاتقان سوڭ، مىزعاپ كەتتى. ۆيلا، قازىر مازداعان وتتىڭ جانىندا ساعان  حات  جازىپ وتىرمىن. قىس، راسىندا، كەلگەندەي، كۇن وتە سۋىق.

  بۇگىن تاڭ اتا سالا قار جاۋدى، بىزدە شاتىر جوق بولعان سوڭ، كەبەنەكپەن جاتتىق. تانيا ماعان سەنىڭ اڭگىمەلەرىڭدى ايت دەدى، سەنىڭ شاشىڭنىڭ رەڭى قانداي ەكەنىن، كوزىڭنىڭ قانداي ەكەنىن، اق پەيىل مە، الدە باسقالاي ما ەكەنىڭدى سۇرادى. تانيا تاعى مەنەن قالاي تانىسقانىمىزدى، كىم الدىمەن كوڭىل بىلدىرگەنىن سۇرادى، وعان ايتىپ بەرگەنىمدە ەستي وتىرىپ جىلادى.

  كەيىن، ول قاتتى مازاسىزدانعان بەينەدە الگى الماس كەنىنىڭ قاريتاسىنىڭ بار-جوقتىعىن سۇرادى. قاريتانى الىپ شىعىپ كورسەتكەنىمدە عانا ونىڭ كوڭىلى بايىز تاپقانداي بولدى.

  تانيا ۇيىقتاپ قالدى، مەن  ورمان ىشىنە اڭ اۋلاۋعا كەتتىم.

  ۆيلا، مەنىڭ ۆيلام، جازا الاتىن ەمەسپىن، كوز جاسىمنان ەشتەمەنى كورە الماي وتىرمىن... كەشە ورمان اراسىندا اڭ اۋلاپ اينالىپ، جايىراق كەلسەم، تانيا جوق ەكەن. مىناۋ ونىڭ قالدىرعان حاتى:

  سۇيىكتى كونسدانديڭ. پەتروۆچ، مەن كەتتىم. ءاسىلى، ەرتەرەك وسىلاي ىستەۋگە ءتيىستى ەدىم. كوپشىلىكتىڭ بارلىعى الگى الماس كەنى قاريتاسىن ءتورت كوزبەن سارىلا كۇتۋدە، ءبىزدىڭ ارامىزداعى بىرەۋىمىز، ءسوزسىز، ءتىرى قالۋىمىز كەرەك، ول بولسا، سەنسىڭ، ويتكەنى سەنىڭ دەنە قۋاتىڭ ەڭ جاقسى. ەگەر گەرمان ەكەۋىمىز دەمەسەڭ، سەن باياعىدا مىنا بايىرعى ورماننان شىعىپ كەتۋشى ەدىڭ. مەنىڭ كەبەنەگىمنىڭ قالتاسىندا جانە ءبىر كونسەرۆا بار، الۋدى ۇمىتپاڭدار. قوش بولىڭدار!

  سۇيىكتى كونسدانديڭ. پەتروۆچ، سەن ونى جانىڭداي سۇيەدى ەكەنسىڭ، ايەلىڭنىڭ قاسىنا، ءسوزسىز، قايتىپ بار! گەرمان ەكەۋىمىز دە ماحابباتتاسقانبىز. ءبىراق ەكەۋىمىز دە سۇيىسپەنشىلىگىمىزدى قىزمەتىمىزگە ىقپالى بولماسىن دەپ تەرەڭگە ساقتادىق. گەرمانمەن ۇيلەنىپ، ماڭگى بىرگە بولۋدى قانشاما اڭسادىم دەشى! الايدا، قازىر بۇلاردى ايتۋدىڭ قانشا ءمانى قالدى؟ ءبىزدىڭ عۇمىرىمىز اياقتادى، باقىتىمىز كەلمەسكە كەتتى. ءبىراق ساعان باقىت تىلەيمىن! سوڭىندا جانە ءبىر تالابىم بار، مەنىڭ اتىمنان شەشەمە ءبىر پارشا حات جاز.

  تانيانى تولىق ءبىر كۇن ىزدەدىم. ۆيلا، ەندى مەنىڭ ءومىرىم تەك وزىمە عانا ءتان بولماي قالدى، مەن، ءسوزسىز، ءتىرى قالىپ، قاريتانى الىپ قايتۋىم كەرەك.
 
〔3〕

  ۆيلا، ساعان تاياپ كەلەمىن. بۇگىن 53000 قادام باستىم. مىنا ورماننان قالايدا شىعۋىم كەرەك. بۇل مەنىڭ پارىزىم.

  ۆيلا، بۇگىن كۇنى بويى ءوز ءومىرىم تۋرالى وي جۇگىرتۋمەن بولدىم. مەن تابىسقا جەتكەندەر قاتارىنا جاتامىن با؟ مۇمكىن، سولاردىڭ قاتارىنا جاتارمىن. ءوزىم سۇيەتىن كاسىپتى تاڭدادىم. ءتانىمنىڭ بار بولۋ-بولماۋى  ماڭىزدى ەمەس، قايتا رەسەي ءۇشىن الماستى تاۋىپ العانىم ەڭ ماڭىزدى بولدى.

  ءيا، الماس، سەنى تابۋ قانداي ماشاقاتتى بولدى. گەرمان، تانيا جانە سەرگەي، ولاردىڭ بارلىعى مەنىڭ العا قادام تاستاۋىم ءۇشىن ءوز جاندارىن قيدى، مىنا قاريتانى ادامداردىڭ قولىنا جەتكىزۋىم ءۇشىن قۇربان  بولدى. مەن، ءسوزسىز، بۇل ارادان شىعۋىم كەرەك، سولار ءۇشىن، مەن ءۇشىن ومىرلەرىن ارناعان وسى ۇشەۋى ءۇشىن، ورتا جولدا تاستاپ كەتۋىمە ەشقانداي سەبەپ جوق.

  مەن ۇنەمى قارلى جەر بەتىنە ۇيقىلى-وياۋ جانتايا سالىپ ءجۇردىم.

  تۇسىمدە كوپتەگەن قالالاردى كوردىم، بارلىعى وسى بايىرعى ورماندىقتا جاڭادان بوي كوتەرىپتى. قات-قابات جاڭا قالادا تىزىلگەن اق شاعالاداي ۇيلەر ەڭسە كوتەرسە، تارام-تارام  جولداردا  بالالار اسىر سالىپ ويناپ ءجۇر، عاشىقتار قولتىقتاسا سەرۋەندەپ بارادى.

  ەڭ سوڭعى رەت قاريتانى تەكسەرىپ شىقتىم. باعالى قاريتا ءالى قوينىمدا. قوش بول، ۆيلا! تانيانىڭ شەشەسىنىڭ ءادىرىسىن تاۋىپ، وعان ءبىر پارشا حات جاز، گەرماننىڭ وتباسىنا دا ءبىر پارشا حات جاز.

  ەكىنشى جىلى كوكتەمدە سابيننيڭدى ياكۋتتەر تاۋىپ الدى، ولار سابيننيڭ ساقتاعان بارلىق ماتەريالدارىن باسقا جەر قۇرىلىمى ماماندارىنا تابىس ەتتى. بۇگىنگى كۇندەرى سابيننيڭ بايقاعان الماس كەنىنەن كولەمدى قۇرىلىس سالىنۋدا، الماس قالاسى دەپ ات قويىلعان قالا بوي كوتەرۋدە. بۇل قالادا ءتورت كوشە بولىپ، ءارقايسىسىنا سابيننيڭ  بارلاۋشىلار ۇيىمىنداعى ءتورت مۇشەنىڭ اتى قويىلعان. ولار ءۇشىن جانە ءبىر ەسكەرتكىش جوبالانۋ ۇستىندە، كەيىن ادامدار بۇل ەسكەرتكىشكە ماڭگى قۇرمەتپەن قارايتىن بولادى...
 
اۋدارعان - سەرىكبەك ۇسەنباي ۇلى
 
رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn