ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ماحاببات جىرلارى

جولدانعان ۋاقىتى : 2014/1/6 16:48:21

پەتراركا فرانچەسكو   (يتاليا)
 
  قالجىرادىم، جۇرسەم - ارتقا بۇرىلام،
وزەگىمدى بارادى ورتەپ وتكەنىم.
  تۋعان جەردىڭ كورىپ اسەم كوكتەمىن،
  نۇرىن جۇتىپ، ءسال-ءپال عانا تىنىعام.

ەسكە تۇسسە كىمنەن الىس كەتەرىم -
قالام تاعى ءبىر بەلەستى اسا الماي،
قالام تاعى ەكى اياقتى باسا الماي،
جەردەن كوزدى ايىرا الماي ەكى ەلى.

كوڭىلدەگى كوپ كۇدىكتىڭ ءامىرى
سۇراق قويار قالىپپەنەن توزبەگەن:
-شىبىن جانسىز ءومىر سۇرەم نەسىن مەن؟

جاۋاپ قاتار ماحابباتتىڭ ءتاڭىرى:
-عاشىقتاردىڭ زاڭى ەرەكشە وزگەدەن
ەكەندىگىن شىعارما، -دەپ، - ەسىڭنەن.
          
*   *   *

جۇرەگىمدى جايلاپ العان مىناۋ دەرت
اناۋ جاققا اكەتپەسە ازىرگە،
جوري كورمە بۇل ءسوزىمدى ازىلگە،
ءۇمىت ەمەم سەنى كورىپ تۇرام دەپ.

جىلدار وتكەن، كەلبەتىڭنەن ءار تايعان،
جانارىڭ دا بۇرىنعىداي نۇرلى ەمەس.
كۇلگەنىڭ دە سەكىلدى ءبىر تۇنگى ەلەس،
قايران ارۋ قالاي عانا قارتايعان! -

سوندا مۇمكىن باتىلدانىپ اقىرى،
سىر اشارمىن مەن وڭاشا وتىرىپ،
ءومىر بويى جاسىردىڭ دەپ ارايدى.

ادامزاتتىڭ ءبىراق ازباس اسىلى،
كەش بولسا دا كۇرسىنگەنىڭ وكىنىپ،
ازابىمدى ۇمىتتىرار تالايعى.

    *   *   *

اقساقال شال اتتاندى الىس ساپارعا،
بار قىزىقتى تاستاپ تۋعان جەردەگى:
باۋىرلارى جىبەرگىسى كەلمەدى،
ال، قاريا ءبىر بەتكەي ەد قاشاندا.

كورمەسە دە بۇرىن ۇزاق جول ءجۇرىپ،
مۇراتىنا جىلجيدى كەپ تىنباستان،
سۇيرەتەدى قۇر سۇلدەرىن ءزىل باسقان،
بوگەلمەدى، ءبىراقتا شال بولدىرىپ.

تىنىشتىقتىڭ ماڭگى ەنگەندە قوينىنا،
بىرگە بولام دەگەن اسىل بەينەسىن
اقىرى ول كەزدەستىردى ريمنەن.

مىنە، مەن دە مويىماستان قايعىعا،
ارداق تۇتپاي اسىلىمنان وڭگەسىن
ىزدەپ كەلەم ۇقساستىقتى تۇرىڭنەن.

*   *   *

كەيبىرەۋلەر كۇنگە سامعاپ بارا الار،
كوزدى جۇمىپ، ەشنارسەدەن يمەنبەي،
ال، كەيبىرەۋ جارىق كورسە كۇيگەندەي
بار بىلەرى قاراڭعىدا قامالار.

ەندى بىرەۋ قايتپاس جولدان ۇناعان،
ءدال سول ءۇشىن دايار وتقا تۇسۋگە:
ءولىپ كەتەر اڭساعانى ءۇشىن دە،
مەن سولاردىڭ قاتارىندا تۇرا الام.

شاعىلسا دا كوزىم ارۋ كوركىنە،
مەن جارىقتان كولەڭكە ىزدەپ قاشپايمىن،
تاس قاراڭعى ءتۇندى كۇتىپ تىنشىمان.

تاعدىر وسى بەرگەن سيدى ەنشىمە،
جانار تولىپ، جاس السام دا مەن تۇگە،
ءبىر جولاتا ورتەنۋگە ۇمتىلام.

 *   *   *

مەن كوركىڭدى جىر عىپ جازا المادىم،
سۇراعام جوق ەشكىمنەن دە كومەكتى.
قيال قۋىپ، ەسەم كەتكەن سەبەپتى،
سونىڭ ءبارىن قايتارام دەپ تانبادىم.

جاقىندايتىن ەمەس ماعان ول، ءتىپتى،
پايداعا اسپاي قالدى بارلىق يكەمىم،
شاماسى جوق شابىت پەنەن جۇيكەنىڭ -
ماحابباتتىڭ مەكەنىندە مەرتىكتى.

تالاي رەت شەشىلمەكشى بولعان ەم،
وت كەۋدەدەن قويدى ءبىراق سەس شىقپاي،
مەن كىم ەدىم شارق ۇراتىن قياندا؟

اق قاعاز بوپ قالىپ قويدى بار دامەم،
قالام، سانا قويدى ماعان باستىقپاي،
سالدى تاعى مەنى تۇلكى بۇلاڭعا.

 *    *   *

اۋلاق ۇستاپ قال-قادىرىم جەتكەنشە،
قاقپايلادىم سەنى ءمانساپ، لاقاپتان.
ەي، انتۇرعان، قۇر ەمەسسىڭ اتاقتان،
ەندى اسىقپىن سەنى تۇپتەن كەسكەنشە.

ۇندەمەيسىڭ، شەشەندىگىڭ بىلىنبەي،
عاشىققا ايتار ىزدە دەسەم ءسوز اسىل.
سويلەپ كەتسەڭ بىت-شىت بولىپ توزاسىڭ،
ۇيقىسىراپ جاتقان جاننىڭ تىلىندەي.

كوزدىڭ جاسى سەن دە ماعان تەرىس پە ەڭ؟
عاشىق ءۇشىن كول بولمادىڭ تاسىپ شىن،
سوندا ەسىركەپ ءسوزىمدى ءبىر تىڭدار ما؟

و، كۇرسىنىس، سەنىمەن دە كەلىسپەن،
ويتكەنى سەن جار الدىندا جاسىقسىڭ،
تەك سىرت كەيپىم ۇقسايدى شىن ءدىلمارعا.

  *   *   *

بولاشاقتا نە بولارىن بىلە الماي،
العاش رەت جىبەرگەلى اعاتتىق.
القىمىمدا اھ ۇرادى ازاتتىق
جاس جالىندى جىرعا قوسقان ۇرانداي.

كوڭىلىمدى جەلىك جەبەپ، جاسىتسا ار،
بىرەگەي بوپ جىر دا شىقپاس وسى كۇن.
مەن ول ءۇشىن سۇرامايمىن كەشىرىم،
سۇرايتىنىم: مۇڭداسىم بول، عاشىقتار.

كەيبىرەۋلەر مەنى كورىپ كۇلسە ەگەر،
كەلمەيدى وعان مەنمەنسىڭ دەپ پالە ۇيگىم،
بىلەم ءوزىم قالعانىمدى كۇلكى بوپ.

كۇنگە ۇمتىلدىم دەسەم ەندى كىم سەنەر،
قالدىم، مىنە، راقاتى فانيدىڭ
كورگەن تۇستەي بۇلاڭ ەتكەن تۇلكى دەپ...

 *   *   *

باقىت كۇتتىم، بايىز تابار ءتۇرىم جوق،
ءبىراق وعان باقىت عانا كىنالى،
جىلت ەتەدى، قايتا ورالماي تىنادى،
جولبارىستىڭ ءىزىن جاپقان جىلىم بوپ.

وعان جەتەم دەگەنىمشە، تەك ءبىراق
اپپاق قاردا اپپاق ءوڭىن وزگەرتەر
كول سۋالىپ، قارا تۇمان كوزدى ورتەر،
تەرىس اعىپ تيگر مەنەن ەۆفرات.

ءوتتى-كەتتى كوز الدىمنان جالت ويناپ،
الداندىرعان، ازاپتاعان ءبىر ارمان،
بۇل جازمىشتان قايدا الاتىن جان اقىم؟

سەزەم شىرىن باقىت ءدامىن مەن بەيباق،
ءۇمىت بولىپ جىلتىلدادى قياننان
ساپ-ساپ، كوڭىل،
       «سابىر ءتۇبى - سارى التىن».


اۋدارعان - د. قاناتبايەۆ
دايىنداعان - ق. ايدارحان

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn