كوكتەم كەلىپ، تابيعات جايناپ شالقىدى، سۋ جاعالاپ الۋان قۇستار قالقىدى

كوكتەمگى باس قوسۋ (سۋسىلداق)


زەڭگىر كوكتە قالىقتاۋ (قىرمان قاز)


جاعالاۋدان ىرىزدىعىن ىزدەۋ (شوپىلدەك)


مۇز ۇستىندەگى “بالەت ءبيى” (سارى شاقشاقاي)


سازدىقتا سايران سالۋ (كول شاعالا)
 

 قۇلىستاي ساحاراسىنداعى سازدىق ــ سۋ قۇستارىنىڭ سايران باعى، تۇستىكتەن قايتقان جىل قۇستارىنىڭ بايىرقالاپ،    تىنىعاتىن جەرى، ءار جىلى كوكتەمدە وسىناۋ القاپتىڭ دۋمانىن اسىرۋعا ۋادەلەسكەندەي،  قيقۋلاعان قۇستار لەگى سان مىڭ شاقىرىمدىق ساپاردان سوڭ وسى ارادا باس قوسادى. جەرگىلىكتى  فوتو اۋەسكەرلەرى فوتواپپاراتتارىمەن سۋ قۇستارىنىڭ بىردە اسپانداي، بىردە جەر باۋىرلاي ۇشىپ، ءبىرىن -ءبىرى قۋالاي “كوكتەمگى سەيىل” قۇرعان تاماشا    ءساتىن جانە  ادام مەن تابيعات جاراسىمدى ءومىر سۇرگەن اسەرلى  كورىنىستى ەستەلىككە الدى.
    شوپىلدەكتەر سيديعان قىزعىلت  سيراقتارىمەن سۋ جاعاسىندا كوستەڭدەي جۇگىرىپ، كول شاعالا توپ -توبىمەن سۋ بەتىندە جاناي ۇشىپ، ساۋىق -سايران قۇرادى، قىرمان قاز ءۇيىرىن جازباي  تابيعاتتىڭ سيلاعان ىرىزدىعىن تەرىپ جەپ، بارىلداۋىق ۇيرەك پەن سۋسىلداق تەبەندەگەن ءشوپ بەتىندە تىنىستاسا، ەندى بىردە ازىق ىزدەۋگە كىرىسەدى.
    ءدال وسى كەزدە قۇلىستاي  ساحاراسىنداعى سازدىقتان سۋ قۇستارى ءۇيىر-ۇيىرىمەن سايران سالعان كوز ايىم كورىنىستى كەز كەلگەن جەردەن كوزگە شالدىقتىرا الاسىز. بۇنىڭ ءبارى كوركەم تابيعاتتىڭ كوز سۇرىندىرەر اسەم       كەلبەتىن ءپاش ەتىپ قالماستان، قۇلىستاي ساحاراسىنىڭ ەكولوگيالىق ورتاسىنىڭ ۇزدىكسىز جاقسارعانىن،    ورگانيزمدەردىڭ ءتۇرى دە كۇن سايىن  كوبەيە تۇسكەنىن اڭعارتادى.
 

سۋرەتىن تارتىپ، حابارلاعان ەرىكتى تىلشىلەر جاڭ شينميڭ، گو چيڭكى

 

رەداكتورى : الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى