ەمىل وزەنى اعارىنداعى جابايى بالىق بايلىعىن قورعاۋدى كۇشەيتۋ ءۇشىن، «جۇڭحۋا حالىق رەسپۋبليكاسىنىڭ بالىق شارۋاشىلىعى زاڭىنداعى»، «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىنداعى»، «شينجياڭ ۇيعۇر اۆتونوميالى رايونىنىڭ ‹بالىق شارۋاشىلىعى زاڭىن› اتقارۋ ادىسىندەگى»، ىلە قازاق اۆتونوميالى وبلىسىنىڭ «ەمىل وزەنى اعارىنىڭ ەكولوگياسىن قورعاۋ ەرەجەسىندەگى» جانە «قۇلىستاي جايىلىمىنىڭ ەكولوگياسىن قورعاۋ ەرەجەسىندەگى» قاتىستى بەلگىلەمەلەرگە ساي، مىناداي حابارلاندىرۋ شىعارىلدى:
ءبىرىنشى، بالىق اۋلاۋعا تيىم سالۋ ۋاقىتى: ءار جىلى 4 -ايدىڭ 1 - كۇنىنەن 6 -ايدىڭ 1-كۇنىنە دەيىن.
ەكىنشى، بالىق اۋلاۋعا تيىم سالىنعان وڭىرلەر: ەمىل وزەنىنىڭ تۇتاس اعارى جانە وزەننىڭ ەكى جاعالاۋىنان 100 مەتر قاشىقتىققا دەيىنگى اۋماق.
ءۇشىنشى، بالىق اۋلاۋعا تيىم سالىنعان مەزگىلدە بالىق اۋلاۋ، قارماق سالۋ سياقتى بارلىق ارەكەتتەرگە، اۋلانعان جابايى بالىقتاردى تاسىمالداۋعا، ساۋدالاۋعا تيىم سالىنادى. قوپارعىش اسپاپتار ارقىلى بالىق اۋلاۋ، ۋ سالۋ ارقىلى بالىق اۋلاۋ، توككە سوقتىرۋ ارقىلى بالىق اۋلاۋ سياقتى تيىم سالىنعان قۇرالداردان، ادىستەردەن پايدالانىپ بالىق اۋلاۋعا قاتاڭ تيىم سالىنادى.
ءتورتىنشى، وسى حابارلاندىرۋعا قايشىلىق جاساعاندار بولسا، «جۇڭحۋا حالىق رەسپۋبليكاسىنىڭ بالىق شارۋاشىلىعى زاڭىنىڭ» 38-تارماعىنا ساي، قوپارعىش اسپاپتار ارقىلى بالىق اۋلاۋ، ۋ سالۋ ارقىلى بالىق اۋلاۋ، توككە سوقتىرۋ ارقىلى بالىق اۋلاۋ سياقتى بالىق شارۋاشىلىعى بايلىعىن ءبۇلدىرۋ ادىستەرىمەن بالىق اۋلاعاندارىنىڭ جانە بالىق اۋلاۋعا تيىم سالىنعان ءوڭىر، بالىق اۋلاۋعا تيىم سالىنعان مەزگىل جونىندەگى بەلگىلەمەلەرگە قايشىلىق جاساعاندارىنىڭ اۋلاعان ءونىمى مەن زاڭسىز تابىسى ءمۇسادىرالانادى، 50 مىڭ يۋاننان تومەن اقشالاي ايىپ سالىنادى؛ سالماعى اۋىر بولعاندارىنىڭ بالىق اۋلاۋ قۇرالدارى ءمۇسادىرالانادى. «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» 340- تارماعىنا ساي، سۋ ونىمدەرى بايلىعىن قورعاۋ زاڭ –ەرەجەلەرىنە قايشىلىق جاساپ، بالىق اۋلاۋعا تيىم سالىنعان وڭىرلەردە، بالىق اۋلاۋعا تيىم سالىنعان مەزگىلدە نەمەسە پايدالانۋعا تيىم سالىنعان جابدىق، ادىستەردەن پايدالانىپ سۋ ونىمدەرىن اۋلاعانداردىڭ سالماعى اۋىر بولعاندارىنا 3 جىلدان تومەن مەرزىمدى قاماۋ جازاسى، قولدا ۇستاپ تۇرۋ جازاسى، باقىلاۋعا الۋ جازاسى بەرىلەدى نەمەسە اقشالاي ايىپ سالىنادى.
بەسىنشى، زاڭ اتقارۋشىلاردىڭ زاڭ بويىنشا قىزمەتىن اتقارۋىنان باس تارتقاندارعا، كەدەرگىلىك جاساعاندارعا، زاڭ اتقارۋشىلاردى قورلاعاندارعا، ياناتتاعاندارعا، ۇرعاندارعا، سوقتىعىپ ءوش العاندارعا قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭى» بويىنشا جازالايدى، قىلمىس قالىپتاستىرعاندارىن ادىليا ورگاندارىنىڭ زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋىنا تابىستايدى.
التىنشى، مەملەكەت قىزمەتكەرلەرى (مەملەكەت مەنشىگىندەگى كاسىپورىنداردىڭ قىزمەتكەرلەرىن قامتيدى) بالىق اۋلاۋعا تيىم سالۋ جونىندەگى حابارلاندىرۋداعى بەلگىلەمەلەرگە قايشىلىق جاساپ، جوعارىدا ايتىلعان زاڭعا، بەلگىلەمەگە قايشى ارەكەتتەردى ىستەسە، اۋىل شارۋاشىلىعى، اۋىل ـ قىستاق تاراۋلارى دەلو تۇرعىزىپ جازالاعاننان كەيىن ءتارتىپ تەكسەرۋ، باقىلاۋ ـ تەكسەرۋ تاراۋلارىنىڭ قاتىستى بەلگىلەمەلەر بويىنشا ءبىر جاقتى ەتۋىنە تابىستايدى.
اشكەرەلەۋ تەلەفونى: 6272876، 6272878 - 0901
24 ساعات كەزەكشى تەلەفون: 18099318065، 13565788571
تارباعاتاي ايماقتىق اۋىل شارۋاشىلىعى، اۋىل -قىستاق مەكەمەسى
2022-جىلى 3-ايدىڭ 28-كۇنى
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى