ءدوربىلجىن اۋداندىق نۇڭلى شەكىلدەۋىكتى قاربىز كاسىپتىك سەلبەستىك كووپەراتيۆى:
شارۋالاردىڭ كىرىسىن ارتتىرىپ، اۋقاتتانۋىن جەبەدى
تىلشىلەرىمىز ۋاڭ زىلين، ماقپال مىرزاقان حابارلايدى. جۋىقتا ءدوربىلجىن اۋدانى شاڭحۋ قالاشىعى كوربۇلاق قىستاعىنىڭ ءدوربىلجىن اۋداندىق نۇڭلى شەكىلدەۋىكتى قاربىز كاسىپتىك سەلبەستىك كووپەراتيۆىنە بارعانىمىزدا، جۇمىسشىلار توننا -توننا جۇگەرىنى جۇك اۆتوكولىگىنە تيەپ، سىرت جەرلەرگە جونەلتۋدىڭ قامىمەن قاربالاس بولىپ جاتىر ەكەن.
2007 -جىلى قۇرىلعان ءدوربىلجىن اۋداندىق نۇڭلى شەكىلدەۋىكتى قاربىز كاسىپتىك سەلبەستىك كووپەراتيۆى ”پارتيا ياچەيكاسى + سەلبەستىك كووپەراتيۆى + كەدەي وتباسىن“ تۇتقا ەتىپ، جارناعا قوسىلعان 36 مىڭ مۋ جەر جانە 5000 مۋلىق ورگانيكالى بازا سىندى ەكى ۇلكەن جەردى ءتۇيىن ەتىپ، ءونىمى ورنىقتى، اينالىمى ەكولوگيالى، ەرەكشەلىگى ايقىن ورگانيكالىق ەگىس داقىلدارىنان ۇلگى كورسەتۋ بازاسىن قۇردى.
قازىرگە دەيىن سەلبەستىك كووپەراتيۆ 607 وتباسىن مۇشە بولۋعا باۋراپ، نەگىزىنەن ءبيداي، جۇگەرى سورتتى تۇقىمدارىن جالپىلاستىرۋمەن شۇعىلدانىپ، سورتتى ءبيداي تۇقىمىن جەتىلدىرۋدى، جالپىلاستىرۋدى ءبىر تۇلعا ەتكەن اۋىل شارۋاشىلىق ماشينالارى مەن اۋىل شارۋاشىلىعى تەحنيكاسى توعىسا دامىعان جاڭا ۇلگىنى قالىپتاستىرىپ، اۋىل - قىستاقتى گۇلدەندىرۋگە جاڭا قوزعاۋشى قۋات ۇستەدى.
2021 -جىلى سەلبەستىك كووپەراتيۆىنىڭ 95 مۇشەسى پايدا ۇلەسىن الىپ، جالپى سوماسى 1 ميلليون 460 مىڭ يۋان بولعان. سەلبەستىك كووپەراتيۆى تاعى دا توڭىرەكتەگى قىستاق - اترەتتەردەگى كەدەي وتباسىلارىنداعى ەڭبەككۇشتەردى كاسىپورىنعا قابىلداپ، ولاردى كىرىسىن ارتتىرۋعا جەتەكتەدى.
”سەلبەستىك كووپەراتيۆىنە مۇشە بولعاننان بەرى جارنا قوسىپ، پايدا ۇلەسىن الۋمەن بىرگە، سەلبەستىك كووپەراتيۆىنە جۇمىس ىستەپ اقشا تاۋىپ، وتباسىمنىڭ كىرىسى ۇزدىكسىز جوعارىلادى“ دەدى ءدوربىلجىن اۋدانى شاڭحۋ قالاشىعى كوربۇلاق 2 - قىستاعىنىڭ تۇرعىنى مەيرامقان ساكەن.
سەلبەستىك كووپەراتيۆى ەگىنشىلەردى جەردەن جاي عانا ازات ەتىپ قالماستان، وسى زامانعى تەحنيكانى مەڭگەرۋىنە مۇمكىندىك جاراتتى.
سەلبەستىك كووپەراتيۆى اي سايىن ەگىمشىلىك، باعىمشىلىق تەحنيكاسىنا باۋلىپ قانا قويماي، جايشىلىقتا دا اۋىل شارۋاشىلىق تەحنيكتەرى تەحنيكالىق جاقتان جەتەكشىلىك ەتەدى.”سەلبەستىك كووپەراتيۆىنە كىرۋدىڭ الدىندا، ەگىندى ءوزىمىز امالداپ ەگەتىنبىز، سەلبەستىك كووپەراتيۆىنە مۇشە بولعاننان كەيىن، ەگىمشىلىك تەحنيكاسىن ۇيرەندىم، عىلمي ەگۋ ارقىلى جىلىنا ون دا جيىرما مىڭ يۋان كىرىس كىرگىزەتىن بولدىم، ونىڭ ۇستىنە جىل سوڭىندا الاتىن پايدا ۇلەسىم دە بار“ دەدى سەلبەستىك كووپەراتيۆىنىڭ مۇشەسى ساۋىربەك ماۋكەن.
سەلبەستىك كووپەراتيۆىنىڭ جاۋاپتىسى سۇڭ حۇڭۋي: ” سەلبەستىك كووپەراتيۆى شوعىرلانعان، كاسىبيلەنگەن، ۇجىمدانعان، قوعامدانعان تيجارات جۇرگىزۋ ءتاسىلى ارقىلى سەلبەستىك كووپەراتيۆى مەن شارۋا وتباسىلاردىڭ مۇددەسىن بىرلەستىرۋ مەحانيزمىندە بەلسەنە جاڭالىق اشىپ، اۋىل شارۋاشىلىعى تيجاراتىنىڭ جاڭا ۇلگىسىنە، سەلبەستىك كووپەراتيۆىن دامىتۋدىڭ جاڭا ارناسىنا ۇزدىكسىز ىزدەنىس جاسادى جانە جاڭالىق اشتى“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى