ەرىكتى ءتىلشى بي يتىڭ
ءبىر ايعا جۋىق تەكسەرۋ جۇرگىزۋ ارقىلى 1-جەلتوقساندا شاعانتوعاي اۋداندىق قوعام حاۋىپسىزدىگى مەكەمەسىنىڭ قىلمىستىق ىستەردى بارلاۋ ۇلكەن اترەتى جەلىلەس مال ۇرلاۋ دەلوسىن اشكەرەلەپ، 4 قىلمىس كۇماندىسىن قولعا ءتۇسىرىپ، دەلوعا قاتىستى قاراجات 114 مىڭ يۋانعا جەتتى.
بيىل كۇز كىرگەننەن بەرى شاعانتوعاي اۋداندىق قوعام حاۋىپسىزدىگى مەكەمەسى قىلمىستىق ىستەردى بارلاۋ اترەتىندەگى حالىق ساقشىلارى قاراستى رايونداعى ءجيى تۋىلعان مال ۇرلاۋ دەلوسىنىڭ ەرەكشەلىگىنە تالداۋ جاساپ تەكسەرۋ جۇرگىزدى ءارى دەلو تۋىلعان ورىندارعا بارىپ، جاعداي ۇعىسىپ، ءبىر-بىرلەپ تەكسەرۋ جۇرگىزۋ ارقىلى ءبىر ۇرىلار توبىن بايقايدى. يەلەگەن قاتىستى دەرەكتەرگە نەگىزدەلىپ، حالىق ساقشىلارى قىلمىس كۇماندىلارىن تۇگەلىمەن قولعا ءتۇسىردى.
تەرگەۋ جۇرگىزۋ ارقىلى 2012-جىلى قازاندا بۇل توپتىڭ قارا بۋرا اۋىلىنىڭ جايلاۋى سىندى جەرلەردە ەڭ اۋەلى، بەلگىلى ورىندى كوزدەپ، سوڭىنان مالدى شەتكەرى ورىنعا ايداپ اپارىپ، موتورلى كولىكپەن نەمەسە موتوتسيكلمەن تاسىمالداۋ ارقىلى ۇرلىق ىستەگەندىگىن،جالپى 7 رەت دەلو تۋدىرىپ، 6 باس سيىر، 7 تۇياق قوي، 6 جىلقى ۇرلاپ، ارام ولجالارىن ءدوربىلجىن اۋدانىنا اپارىپ ساتقاندىعىن انىقتايدى.
كەزەكتە 4 قىلمىس كۇماندىسى زاڭ بويىنشا تۇتقىندالىپ، دەلو ىشكەرىلەي تەكسەرىلىپ، ۇرلانعان مۇلىكتى قايتارىپ الۋ قىزمەتى جالعاستى جۇرگىزىلۋدە.
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.