ءتىلشىمىز جاڭ چينياۋ
شاۋەشەك قالالىق قوعام حاۋىپسىزدىگى مەكەمەسىنەن ۇعىسۋعا قاراعاندا، قازىرگە دەيىن قالالىق قوعام حاۋىپسىزدىگى مەكەمەسىنىڭ توراپ حاۋىپسىزدىگىن قورعاۋ ۇلكەن اترەتى وسەك ايتىپ، وسەك- اياڭ تاراتۋ دەلوسىنان 14 ىن ءبىر جايلى ەتىپ، اكىمشىلىك جاقتان 6 ادامدى قاماۋعا العان.
جۋىقتا شاۋەشەك قالاسىنداعى كوپتەگەن ميكرو حات پەن ميكرو بلوگ ابونتتارى « اشۋ رايونى يشين تۇرعىندار اۋلاسىنىڭ ماڭىنان ءۇش جاستاعى قىز بالانىڭ الداپ اكەتىلگەنى جونىندەگى» كەلتە حات تاپسىرىپ الادى ءارى كەلتە حات كوشىرىلىپ تاراتىلىپ، ءبىر مەزەت زور ءدۇمپۋ قوزعايدى.
شاۋەشەك قالالىق قوعام حاۋىپسىزدىگى مەكەمەسى توراپ حاۋىپسىزدىگىن قورعاۋ ۇلكەن اترەتى بۇل كەلتە حاتتى بايقاعاننان كەيىن دەرەۋ تەكسەرۋ جۇرگىزەدى.
حالىق ساقشىلارى ءبىر ساعاتتان ارتىق ۋاقىت تەكسەرۋ جۇرگىزۋ ارقىلى شاۋەشەك قالاسىنا قاراستى رايونداردا جۋىقتان بەرى بالالاردى الداپ اكەتۋ دەلوسىن مالىمدەگەن ەستەلىكتىڭ جوقتىعىن ءارى اشۋ رايونىندا يشين تۇرعىندار اۋلاسى اتتى شاعىن رايوننىڭ جوقتىعىن انىقتايدى. حالىق ساقشىلارى جانە بايدۋ سايت سياقتى ىزدەۋ قوزعالتقىشىنان پايدالانىپ ىزدەۋ سالىپ، ۇقساماعان ورىن، ۇقساماعان قولفونمەن جولدانعان مازمۇنى ۇقساس 10 كەلتە حاتتى ىزدەپ تاۋىپ، بۇل كەلتە حاتتىڭ جالعان ەكەنىن تۇراقتاندىرادى.
سوڭىنان حالىق ساقشىلارى ميكرو حات جانە ميكرو بلوگ سىندى تەكشەلەر ارقىلى وسەك-اياڭعا تويتارىس بەرۋ كەلتە حاتىن جولداپ، بۇل كەلتە حاتتىڭ جالعان ەكەنىن جاريالاپ، توراپكەرلەردىڭ قىراعىلىقتى ارتتىرىپ، كەلتە حاتتىڭ شىن-جالعاندىعىن ايىرۋعا كوڭىل ءبولىپ، وسى كەلتە حاتتى كوشىرىپ تاراتۋدى توقتاتۋدى ەسكەرتتى.
شاۋەشەك قالالىق قوعام حاۋىپسىزدىگى مەكەمەسى توراپ حاۋىپسىزدىگىن قورعاۋ ۇلكەن اترەتىنىڭ باستىعى شى شياۋلياڭ: « جالعان كەلتە حات قوعامعا كەرى ىقپال تۋدىرادى، جالعان كەلتە حاتتى تاراتۋشى ادام ۇرەي تۋدىرۋ نەمەسە اينالىم قاراجاتىن الداپ الۋ سياقتىلاردى كوزدەيدى. قالا تۇرعىندارى قىراعىلىقتى ارتتىرىپ، وسەك - اياڭ تاراتپاي، وسەك-اياڭعا سەنبەي، توراپ ورنىقتىلىعى مەن قوعام ورنىقتىلىعىن قورعاۋلارى قاجەت» دەدى.
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.