ەرىكتى ءتىلشى مۇني راحىمان حابارلايدى. جۋىقتا 2022 -جىلى العاشقى توپتا شينجياڭعا يكەمدى كومەكتەسەتىن دارىندىلار شاعانتوعايعا كەلىپ، قىزمەت ورىستەتە باستادى.
شينجياڭعا كومەككە كەلگەن كادر-دارىندىلار مەن كومەك قابىلدايتىن ورىنداردىڭ كەزدەسۋ جيىنىندا شينجياڭعا كومەككە كەلگەن كادر- دارىندىلار شينجياڭعا كەلىپ قىزمەت ىستەپ ۇلەس قوسۋ بەكىمدەرىن جەتكىزىپ، شينجياڭعا كومەكتەسۋ اۋەلگى ماقساتتارىن ەستە بەرىك ساقتاپ، تىڭعىلىقتى قىزمەت ونىمدىلىگى ارقىلى شينجياڭعا كومەكتەسۋ قىزمەتىنەن تولىمدى جاۋاپ تاپسىراتىندىقتارىن ءبىلدىردى.
لياۋنيڭ ولكەسى جينجوۋ قالالىق جۇڭ -ي شيپاحاناسىنىڭ ساۋىقتىرۋ-ەمدەۋ شيپاگەرى ماۋ شياڭياۋ: ”شينجياڭعا كومەككە كەلۋدىڭ ءوزى جاستىق ورالدى زايا جىبەرمەۋ، شىن ىقىلاسپەن ۇلەس قوسۋ، جاۋاپكەرشىلىك، ارمان ارقالاۋ سانالادى. مەن شيپاگەرلىك قايرىمدىلىعىم جانە ونەرىم ارقىلى شاعانتوعاي اۋدانىنداعى ءار ۇلت بۇقاراسىنا قالتقىسىز ۇلەس قوسامىن. ءبىر رەت شينجياڭعا كومەككە كەلۋىمىز ومىرلىك شينجياڭعا كومەكتەسۋ سۇيىسپەنشىلىگىن ورناتپاق “دەدى.
ۇعىسۋعا قاراعاندا، وسى توپتا شينجياڭعا كومەككە كەلگەن كادر-دارىندىلار جالپى 28 ادام بولىپ، ولار لياۋنيڭ ولكەسى جينجوۋ قالاسىنىڭ اكىمشىلىك، پارتيا قۇرىلىسى، ەمدەۋ، مەديا سياقتى سالالارىنان كەلگەن، مۇنىڭ ىشىندە 9 شيپاگەر، 3 مەديا قىزمەتكەرى بار ەكەن.
كومەك قابىلداۋشى ورىن بولعان شاعانتوعاي اۋداندىق مادەنيەت، دەنە تاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى لي جىنگو:” مامان وقىتۋشىلاردىڭ كەلۋى شاعانتوعاي اۋدانىنىڭ مادەنيەت، ساياحات قىزمەتىنە بولعان زور كومەك جانە قولداۋ بولىپ، بىزگە وزىق تاجىريبەلەردەن ۇيرەنىپ، پارىقتاردى تاۋىپ، ءوزىمىزدى كەمەلدەندىرەتىن تاماشا وراي جاراتىپ بەردى. الداعى قىزمەت بارىسىندا شينجياڭعا كومەككە كەلگەن كادرلارمەن بىرلىكتە قۇلشىنىپ، شاعانتوعاي اۋدانىنىڭ مادەنيەت، ساياحات ىستەرىن تىڭ ساتىعا كوتەرۋگە كۇش سالامىز“دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى